Budh Gochar 2022: డిసెంబరులో 2 సార్లు రాశిని మార్చనున్న బుధుడు.. ఎవరికి లాభమో, ఎవరికి నష్టమో తెలుసుకోండి...

Budh Rashi Parivartan 2022: బుద్ధిని ప్రసాదించే బుధుడు డిసెంబరు నెల మెుదట్లో ధనుస్సు రాశిలో, ఆ తర్వాత మకరరాశిలో సంచరిస్తాడు. దీని ప్రభావం మెుత్తం 12 రాశులవారిపై ఉంటుంది. ఆస్ట్రాలజీ ప్రకారం, బుధుడు డిసెంబరు 3న ధనస్సు రాశిలోకి, డిసెంబరు 28న మకరరాశిలోకి ప్రవేశించనున్నాడు. బుధుడు డిసెంబరులో తన స్థానాన్ని రెండు సార్లు మార్చనున్నాడు. దీని ప్రభావం ఏ రాశివారిపై ఎలాంటి ప్రభావాన్ని చూపిస్తుందో తెలుసుకుందాం.  

కర్కాటక రాశి (Cancer): ఈ రాశి వారికి బుధుడు మూడవ మరియు పన్నెండవ ఇంటికి అధిపతి. ఈరాశివారు ఆరోగ్య సమస్యలను ఎదుర్కోవచ్చు. కాబట్టి ఈ సమయంలో హెల్త్ పై దృష్టి పెట్టండి. వ్యాపారం, ఉద్యోగాల్లో కూడా ఈసమయం అంతగా కలిసిరాదు. 
మకరరాశి (Capricorn): మకర రాశి వారికి బుధుడు ఆరవ మరియు తొమ్మిదవ ఇంటికి అధిపతి. దీంతో వ్యాపారులు భారీగా నష్టపోతారు. ఖర్చులు పెరగడం వల్ల ఆర్థికంగా నష్టాలను చవిచూస్తారు. మానసిక ఒత్తిడికి గురయ్యే అవకాశం ఉంది. 

కుంభ రాశి (Aquarius): ఈ రాశి వారికి బుధుడు ఐదవ మరియు ఎనిమిదవ గృహాలకు అధిపతి. ఈ సమయం విద్యార్థులకు మేలు చేస్తుంది. కొంత మంది అనారోగ్యం బారిన పడే అవకాశం ఉంది. ఆరోగ్య సమస్యలు ఎదురయ్యే అవకాశం ఉంది. వ్యాపారం మరియు వృత్తిలో మీ కృషికి తగ్గ ఫలితాలు లభిస్తాయి.
మీనరాశి (Pisces): మీన రాశి వారికి బుధుడు నాల్గవ, సప్తమ గృహాలకు అధిపతి. ప్రయాణాలు నుండి మీరు ప్రయోజనం పొందుతారు. ఆస్తిలో పెట్టుబడి పెట్టడం వల్ల మీరు బెనిఫిట్స్ పొందుతారు. సమాజంలో కీర్తి ప్రతిష్టలు పెరుగుతాయి. ఫ్యామిలీ సపోర్టు లభిస్తుంది. 
వృశ్చిక రాశి (Scorpio): ఈ రాశి యెుక్క 8వ మరియు 11వ ఇంటికి బుధుడు అధిపతి. వ్యాపారంలో మంచి లాభాలు ఉంటాయి. ఉద్యోగంలో ప్రమోషన్ ఉంటుంది. ఆకస్మిక ధనలాభం ఉంటుంది. మతపరమైన ప్రయాణాలు అనుకూలిస్తాయి. కొత్త వ్యాపారాన్ని ప్రారంభించడానికి ఇదే మంచి సమయం. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.