February Lucky Zodiac: ఫిబ్రవరి నెలలో బుధాదిత్య, ఆదిత్య మంగళ యోగాలు..ఈ రాశులవారికి ధనమే..ధనం..

Lucky Zodiac Sign Of February 2024: 2024 సంవత్సరంలోని ఫిబ్రవరి నెల గ్రహ సంచారాలకి ఎంతో ప్రత్యేకమైంది. ఎందుకంటే ఇదే నెలలో సూర్యుడు, బుధుడు, శుక్రుడు, అంగారకుడు సహా 4 పెద్ద గ్రహాలు సంచారం చేయబోతున్నాయి.  తెలుగు క్యాలెండర్‌ ప్రకారం..ఫిబ్రవరి 1 గ్రహాల రాకుమారుడు బుధుడు మకరరాశికి సంచారం చేయబోతున్నాడు. ఆ తర్వాత ఫిబ్రవరి 5న కుజుడు మకరరాశి, శుక్రుడు 12 ఫిబ్రవరి మకరరాశిలోకి..ఫిబ్రవరి 13న సూర్యదేవుడు కుంభరాశిలో సంచారం చేయబోతున్నాడు. దీని కారణంగా ఎంతో ప్రాముఖ్యత కలిగిన బుధాదిత్య రాజయోగం, ఆదిత్య మంగళ యోగం ఏర్పడతాయి. దీని కారణంగా కొన్ని రాశులవారికి చాలా శుభప్రదంగా ఉంటుందని జ్యోతిష్య శాస్త్ర నిపుణులు తెలుపుతున్నారు. ఫిబ్రవరి నెలలో సింహరాశి వారితో పాటు ఏయే రాశులవారికి శుభప్రదంగా ఉంటుందో ఇప్పుడు మనం తెలుసుకుందాం..

సింహ రాశి:
ఫిబ్రవరి నెల సింహ రాశివారికి చాలా శుభప్రదంగా ఉండబోతోంది. ఈ సమయంలో వీరికి ఆత్మవిశ్వాసం పెరుగుతుంది. దీంతో పాటు జీవితంలో కొత్త సానుకూల మార్పులు వస్తాయి. అలాగే దీర్ఘకాలిక సమస్యల నుంచి కూడా ఉపశమనం లభిస్తుందని జ్యోతిష్య శాస్త్ర నిపుణులు తెలుపుతున్నారు. ఇక ఈ నెలలో ప్రేమ జీవితంలో శృంగారాన్ని ఆస్వాదిస్తారు. దీంతో పాటు ఊహించని ఆర్థిక ప్రయోజనాలు కూడా పొందుతారు. 

కన్య రాశి:
కన్య రాశి ఫిబ్రవరి నెల చాలా ప్రయోజనకరంగా ఉంటుంది. ఈ సమయంలో కెరీర్‌లో కొత్త విజయాలు సాధిస్తారు. అంతేకాకుండా అడ్డంకులన్నీ సులభంగా తొలగిపోతాయి. ఇక విద్యార్థులకు ఈ సమయంలో కష్టపడి చదవడం వల్ల మంచి ర్యాంకులు సాధిస్తారు. ఉద్యోగాలు చేస్తున్నవారు కార్యాలయాల్లో ఎదర్కొంటున్న సమస్యలన్నీ పరిష్కారమవుతాయి. అంతేకాకుండా ఒత్తిడి కూడా సులభంగా తగ్గుతుందని జ్యోతిష్య శాస్త్ర నిపుణులు తెలుపుతున్నారు. వృత్తి జీవితంలో పురోగతి సాధించి ఆర్థికంగా కూడా లాభాలు పొందుతారు. 

తుల రాశి:
ఫిబ్రవరిలో ఏర్పడే బుధాదిత్య రాజయోగం, ఆదిత్య మంగళ యోగం కారణంగా తుల రాశి వ్యక్తిగత జీవితంలో అనేక రకాల మార్పులు వస్తాయి. స్నేహితుల సహకారంతో ఆటంకాలన్నీ సులభంగా పరిష్కారమవుతాయి. దీంతో పాటు జీవిత భాగస్వామితో బంధం మెరుగుపడుతుంది. దీంతో పాటు ప్రేమ జీవితంలో శృంగారం కూడా పెరుగుతుంది. అంతేకాకుండా అనారోగ్య సమస్యల నుంచి కూడా ఈ సమయంలో సులభంగా ఉపశమనం లభిస్తుంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.