Maha Shivratri 2022: మహాశివరాత్రి నాడు శివుడికి రుద్రాభిషేకం చేస్తే... మీ ప్రతి కోరిక నెరవేరుతుంది..!

Maha Shivratri 2022: మహాశివరాత్రి చాలా ముఖ్యమైన పండుగ. శివ-పార్వతుల వివాహ రోజు.  ఈ రోజున శివుడిని (Lord Shiva) పూర్తి భక్తితో శ్రద్ధలతో పూజిస్తే...మీరు కోరుకున్న ప్రతి కోరిక నెరవేరుతుంది.  మార్చి 1న మహాశివరాత్రి జరుపుకుంటారు. ఈ రోజున శివుని ప్రసన్నం చేసుకోవడానికి ఈ విధంగా పూజలు చేయండి.

పురాణాల ప్రకారం, శివుడు మహాశివరాత్రి (Maha Shivratri 2022) రోజున శివలింగ రూపంలో తన భక్తులకు దర్శనమిచ్చాడు. అందుకే ఈ మహాపర్వదినానికి ఎంతో విశిష్టత ఉంది. ఈ రోజున జరిగే శివలింగ ప్రతిష్ఠాపనకు ప్రత్యేక ప్రాముఖ్యత ఉంది. మహాశివరాత్రి రోజున రుద్రాభిషేకం చేసి.. పూజిస్తే...మన ప్రతి కోరికను శివుడు నెరవేరుస్తాడు.
మహాశివరాత్రి రోజున ఉదయం సూర్యోదయానికి ముందే నిద్రలేచి తలస్నానం చేసి శుభ్రమైన దుస్తులు ధరించాలి. వీలైతే మహాశివరాత్రి రోజు ఉపవాసం ఉండండి. దీని తరువాత, పంచామృతంతో శివలింగానికి అభిషేకం చేయండి. నీరు, పాలు, పెరుగు, తేనె, నెయ్యి మొదలైన వాటిని ఒక్కొక్కటిగా శివలింగానికి సమర్పించండి. చివరగా, నీటిని అందించండి.

దీని తరువాత, గంధపు తిలకం, విభూతి శివునికి పూయండి. బిల్వపత్రం, శమీపత్రం, దాతురా, పండ్లు, పువ్వులు, స్వీట్లు, తమలపాకులు, ఏలకులు, లవంగాలు, పరిమళ ద్రవ్యాలు మరియు కొంత దక్షిణను సమర్పించండి. ఈ సమయంలో, పంచాక్షరీ మంత్రం ఓం నమః శివాయ లేదా శివ మహామృత్యుంజయ మంత్రాన్ని జపిస్తూ ఉండండి. చివరగా, శివునికి కుంకుమపువ్వుతో కూడిన ఖీరును సమర్పించి, ఆ తర్వాత ఆయన ప్రసాదాన్ని అందరికీ పంచండి. ఈ విధంగా పూర్ణ క్రతువులతో మహాశివరాత్రి రోజు రుద్రాభిషేకం చేయడం వల్ల జీవితంలోని కష్టాలు, రోగాలు, దుఃఖాలు తొలగిపోతాయని నమ్మకం. శివుని అనుగ్రహం వల్ల చాలా సంతోషం, ఐశ్వర్యం, సంతోషకరమైన కుటుంబ జీవితం ఉంటుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe