Finch On Warner: టీ20 వరల్డ్ కప్ (T20 World cup 2021) కొత్త ఛాంపియన్ గా ఆస్ట్రేలియా టీమ్ అవతరించింది. ఆదివారం దుబాయ్ వేదికగా జరిగిన టోర్నీ ఫైనల్ మ్యాచులో న్యూజిలాండ్ టీమ్ పై 8 వికెట్ల తేడాతో గెలుపొంది ట్రోఫీని ముద్దాడింది. అయితే ఈ విజయం పట్ల తాను సంతృప్తిగా ఉన్నట్లు ఆసీస్ కెప్టెన్ ఆరోన్ ఫించ్ అన్నాడు. మ్యాచ్ అనంతరం మాట్లాడిన ఫించ్.. తమ టీమ్ లోని ప్రతి ఆటగాడి కృషిని మెచ్చుకున్నాడు. అదే విధంగా ఓపెనర్ డేవిడ్ వార్నర్, ఆడమ్ జంపా, మిచెల్ మార్ష్, వేడ్ లపై ప్రశంసలు కురిపించాడు. అయితే ఇటీవలే వార్నర్ ఫామ్ పై వస్తున్న విమర్శలపై ఫించ్ స్పందించాడు. 

“ఎంతో గర్వంగా ఉంది. తొలి టీ20 వరల్డ్ కప్ ట్రోఫీని మా దేశానికి (ఆస్ట్రేలియా) అందించిన టీమ్ గా చరిత్రలో మేము నిలిచిపోతాం. ఈ ట్రోఫీ సాధించడం అంత తేలికైన విషయం కాదని మాకు తెలుసు. వ్యక్తిగతంగా, సమష్టిగా అద్భుత ప్రదర్శన కనబరిచి ఇక్కడి దాకా చేరుకున్నాం. వార్నర్​ ఫామ్​పై అందరూ కామెంట్స్​ చేశారు. కానీ, అతడు ఫామ్​లోకి వచ్చి తనేంటో నిరూపించుకున్నాడు. వార్నర్​ను కామెంట్​ చేయడం అంటే ఎలుగుబంటితో ఆటలాడటం లాంటిదే. నా దృష్టిలో ఆడమ్ జంపానే ప్లేయర్​ ఆఫ్​ ద టోర్నమెంట్. మిచెల్​ మార్ష్​ అద్భుత ఇన్నింగ్స్​తో అదరగొట్టాడు. స్టోయినిస్, వేడ్​ బాగా ఆడారు" అని ఆస్ట్రేలియా కెప్టెన్ ఆరోన్ ఫించ్ అన్నాడు. 

వార్నర్.. ప్లేయర్ ఆఫ్ ది టోర్నీ

దుబాయ్ వేదికగా ఆదివారం (నవంబరు 14) న్యూజిలాండ్‌తో ఫైనల్‌లో ఆస్ట్రేలియా (NZ Vs AUS T20 Final) 8 వికెట్ల తేడాతో విజయం సాధించిన విషయం తెలిసిందే. ఈ మ్యాచులో డేవిడ్‌ వార్నర్‌ (38 బంతుల్లో 53 పరుగులు), మిచెల్‌ మార్ష్‌ (50 బంతుల్లో 77 పరుగులు, నాటౌట్‌) సూపర్‌ ఇన్నింగ్స్‌తో ఆకట్టుకున్నారు. వార్నర్‌ ప్లేయర్‌ ఆఫ్‌ ది టోర్నమెంట్‌గా నిలవగా..  మార్ష్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.


COMMERCIAL BREAK
SCROLL TO CONTINUE READING

Also Read: T20 World Cup Final: టీ20 వరల్డ్​కప్​ను తొలిసారి ముద్దాడిన ఆస్ట్రేలియా


Also Read: Nathan Lyon On India: ‘స్వదేశంలో టీమ్ఇండియాను ఓడించాలి.. అదే నా అతిపెద్ద లక్ష్యం’


స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.


Android Link - https://bit.ly/3hDyh4G


Apple Link - https://apple.co/3loQYe 


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook