IPL 2025 Auction: ఐపీఎల్ 2025 వేలం తేదీ, వేదిక ఖరారు, ఎప్పుడు, ఎక్కడంటే

IPL 2025 Auction Dates and Venue in Telugu: క్రికెట్ ప్రేమికులు ఎప్పుడెప్పుడా అని ఎదురు చూస్తున్న ఐపీఎల్ 2025 ఆక్షన్ ప్రక్రియపై స్పష్టత వచ్చింది. ఈసారి ఐపీఎల్ వేలం నవంబర్ 24, 25 తేదీల్లో రియాద్‌లో నిర్వహించనుంది బీసీసీఐ. బీసీసీఐ ఈ విషయంపై అధికారికంగా ప్రకటించకపోయినా వివిధ ఫ్రాంచైజీలకు ఇప్పటికే సమాచారం అందింది. 

ఐపీఎల్ 2025 ఆక్షన్ నిర్వహించాల్సిన సమయం ఆసన్నమైంది. ప్రతి యేటా నవంబర్, డిసెంబర్ నెలల్లో వేలం నిర్వహిస్తుంటారు. గత ఏడాది ఐపీఎల్ ఆక్షన్ దుబాయ్‌లో జరిగింది. ఈసారి కూడా మధ్య ప్రాచ్య దేశాల్లోనే జరగనుంది. వాస్తవానికి లండన్ లేదా సింగపూర్‌లో నిర్వహించాలని తలపెట్టినా టైమ్ జోన్ ఆధారంగా సౌదీ అరేబియాలో తలపెట్టాలని దాదాపుగా నిర్ణయించారు. బీసీసీఐ, ఐపీఎల్ నుంచి వచ్చిన సమాచారం మేరకు ఐపీఎల్ 2025 ఆక్షన్ వేదికను దాదాపుగా ఖరారు చేశారు. మొత్తం 10 ఫ్రాంచైజీలకు ఈ మేరకు సమాచారం అందింది. దుబాయ్‌తో పోలిస్తే సౌదీ అరేబియాలో నిర్వహించడం ఎక్కువ ఖర్చుతో కూడుకున్నది. అయితే ప్రపంచంలో ఐపీఎల్‌కు ఉన్న ప్రాచుర్యం, ప్రాముఖ్యత దృష్ట్యా కొత్త మార్కెట్ పెంచుకునేందుకు, కొత్త ఫ్యాన్ బేస్ సంపాదించుకునేందుకు సౌదీ అరేబియా సరైందని భావిస్తోంది బీసీసీఐ. 

బీసీసీఐ నుంచి అధికారికంగా ప్రకటన వెలువడేందుకు ఫ్రాంచైజీలు ఎదురు చూస్తున్నాయి. ఒకసారి వేదికపై ప్రకటన వెలువడితే ఆయా ఫ్రాంచైజీలు మిగిలిన ఏర్పాట్లు చేసుకోనున్నాయి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.