MS Dhoni Fan: టీమిండియా మాజీ కెప్టెన్ ఎంఎస్ ధోనీ గురించి క్రికెట్ అభిమానులకు ప్రత్యేకంగా చెప్పాల్సిన అవసరం లేదు. తన అద్భుత బ్యాటింగ్, కెప్టెన్సీతో భారత జట్టుకు ఎన్నో విజయాలు అందించాడు. అంతేకాదు 2007 టీ20 ప్రపంచకప్, 2011 వన్డే ప్రపంచకప్‌, 2013 ఛాంపియన్ షిప్‌ను భారత జట్టుకు అందించాడు. దాంతో భారత దేశంలోనే కాదు ప్రపంచవ్యాప్తంగా ఎందరో అభిమానులను సంపాదించాడు. అంతర్జాతీయ క్రికెట్ నుంచి రిటైర్ అయి మూడేళ్లు అవుతున్నా.. ఇప్పటికీ ధోనీ క్రేజ్ తగ్గలేదు. మహీ ఆట కోసం ఫాన్స్ వేయికళ్లతో ఎదురుచూస్తుంటారు. ఇక ధోనీ కనిపిస్తే ఉబ్బితబ్బిబవుతారు. 


COMMERCIAL BREAK
SCROLL TO CONTINUE READING

ప్రస్తుతం భారత గడ్డపై జరుగుతున్న ఐపీఎల్ 2023లో చెన్నై సూపర్ కింగ్స్ కెప్టెన్ ఎంఎస్ ధోనీ ఆడుతున్నాడు. కరోనా వైరస్ మహమ్మారి కారణంగా గత మూడు సీజన్లుగా సొంత మైదానంలో మ్యాచులు జరగని విషయం తెలిసిందే. కరోనా తగ్గడంతో ఐపీఎల్‌ 16వ సీజన్‌లో భాగంగా ఇంటా, బయటా మైదానాల్లో మ్యాచ్‌లు జరుగుతున్నాయి. ఈ సందర్భంగా చెన్నై ఆటగాళ్లు సొంత మైదానంలోనే కాకుండా.. ప్రత్యర్థులతో ఆడేందుకు వేరే స్టేడియానికి ప్రయాణిస్తున్నారు. సీఎస్‌కే జట్టు ప్రయాణిస్తున్న ఓ విమానంలో ఇటీవల చోటుచేసుకున్న సంఘటన నెట్టింట వైరల్‌గా మారింది.




తాజాగా చెన్నై సూపర్ కింగ్స్ జట్టు ముంబై ఇండియన్స్ జట్టుతో మ్యాచ్ ఆడింది. ఈ సందర్భంగా చెన్నై టీం విమానంలో ప్రయాణించింది. ఆ విమానం పైలట్‌ చెన్నై కెప్టెన్ ఎంఎస్ ధోనీకి పెద్ద అభిమాని. తాను నడిపే విమానంలోనే తన అభిమాన క్రికెటర్ ఉండడంతో ఆనందం వ్యక్తం చేస్తూ లౌడ్‌ స్పీకర్స్‌లో స్పందించాడు. 'నేను ఎంఎస్‌ ధోనీకి పెద్ద అభిమానిని. మహీ చెన్నై జట్టుకు కెప్టెన్‌గా కొనసాగాలని విజ్ఞప్తి చేస్తున్నా' అని అన్నాడు. దీంతో విమానంలోని మిగతా ఫాన్స్ హర్షం వ్యక్తం చేశారు. ప్రస్తుతం 41 ఏళ్ల వయసులో చెన్నై కెప్టెన్సీ బాధ్యతలను నిర్వర్తిస్తున్న ధోనీ.. ఐపీఎల్ 2024లో ఆడడని క్రికెట్ విశ్లేషకులు అంచనా వేస్తున్నారు. ఈ నేపథ్యంలో పైలట్‌ విజ్ఞప్తి చేయడం విశేషం.


Also read: iPhone15: యాపిల్ ఐఫోన్ 15 ప్రో, మ్యాక్స్ డిజైన్ లీకైందిగా..ఎలా ఉందో తెలుసా


ఐపీఎల్ 2023లో ఇప్పటి వరకు చెన్నై సూపర్ కింగ్స్‌ మూడు మ్యాచులు ఆడింది. డిఫెండింగ్‌ ఛాంపియన్‌ గుజరాత్‌ టైటాన్స్‌ చేతిలో ఓడిపోయిన చెన్నై.. లక్నో సూపర్ జాయింట్స్, ముంబై ఇండియన్స్ జట్టుని మట్టికరిపించింది. ప్రస్తుతం పాయింట్ల పట్టికలో నాలుగు పాయింట్లతో ఐదో స్థానంలో కొనసాగుతోంది. ఇక ఎంఎస్ ధోనీ తన ‘ఫినిషింగ్‌’ బ్యాటింగ్ తో అభిమానులను అలరిస్తున్నాడు. మహీ మరిన్ని సిక్సులు  కొట్టాలని ఫాన్స్ ఆశిస్తున్నారు. 


Also read: iPhone15: యాపిల్ ఐఫోన్ 15 ప్రో, మ్యాక్స్ డిజైన్ లీకైందిగా..ఎలా ఉందో తెలుసా



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     


Android Link - https://play.google.com/store/apps/details?id=com.indiadotcom.zeetelugu     


Apple Link - https://apps.apple.com/in/app/zee-telugu-news/id1633190712


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook