IND vs ENG: భారత్ హిస్టరీ చూసి భయపడుతున్న పాకిస్తాన్ ఫ్యాన్స్.. ఇంగ్లండ్ గెలవాలంటూ ప్రార్థనలు!

Pakistan Fans wants to win England against India in T20 World Cup 2022 Semi Final: ఆస్ట్రేలియా వేదికగా జరుగుతున్న టీ20 పరపంచకప్ 2022 తొలి సెమీస్‌లో గెలిచిన పాకిస్తాన్ ఫైనల్ చేరింది. బుధవారం ఏకపక్షంగా సాగిన తొలి సెమీఫైనల్లో న్యూజిలాండ్‌ను 7 వికెట్ల తేడాతో చిత్తు చేసింది. కివీస్‌ నిర్దేశించిన 153 పరుగుల లక్ష్యాన్ని 7 వికెట్ల తేడాతో చేధించింది. అంతకుముందు బ్యాటింగ్ చేసిన కివీస్ నిర్ణీత 20 ఓవర్లలో నాలుగు వికెట్ల నష్టానికి 152 పరుగులు చేసింది. ఈ విజయంతో 13 ఏళ్ల తర్వాత పాక్ తొలిసారిగా పొట్టి కప్ ఫైనల్‌కు చేరుకుంది. 

భారత అభిమానులు కోరుకున్నట్లుగానే పాకిస్థాన్ టీ20 ప్రపంచకప్ 2022 ఫైనల్ చేరింది. ఇక నేడు జరిగే రెండో సెమీ ఫైనల్లో ఇంగ్లండ్‌పై భారత్ విజయం సాధిస్తే.. ఫైనల్లో మరోసారి దాయాదుల పోరు చూడవచ్చని క్రికెట్ ఫాన్స్ ఆశిస్తున్నారు. అయితే పాక్ ఫ్యాన్స్ మాత్రం భారత్ ఓడిపోవాలని, ఇంగ్లండ్ ఫైనల్ రావాలని కోరుకుంటున్నారు. భారత్ ఫైనల్ చేరితే.. పాక్ టైటిల్ గెలవలేదని ఆ జట్టు ఫ్యాన్స్ భయపడుతున్నారు. ఫాన్స్ భయానికి ఐసీసీ టోర్నీల్లో భారత్‌పై పాక్ మంచి రికార్డు లేకపోవడం ఓ కారణం అయితే.. ఒత్తిడిలో పాక్ ఆటగాళ్లు చిత్తవుతారని ఇంకో కారణం. 

2007 టీ20 ప్రపంచకప్ ఫైనల్ రిపీట్ కావాలని భారత్ ఫాన్స్ కోరుకుంటున్నారు. 2007 ఫైనల్లో పాకిస్థాన్‌ను ఓడించిన భారత్ మొదటిసారి పొట్టి కప్ విశ్వవిజేతగా నిలిచింది. అప్పుడు కూడా ప్రారంభ మ్యాచ్‌లోనూ బౌలౌట్ పద్దతిలో పాకిస్థాన్‌పై భారత్ విజయం సాధించింది. 2022లో కూడా తొలి మ్యాచ్‌లో పాక్ జట్టుపై భారత్ గెలిచింది. నేడు రెండో సెమీస్ ఆడనున్న భారత్.. ఫైనల్లో పాక్‌ను ఓడిస్తుందని టీమిండియా ఫ్యాన్స్ ధీమా వ్యక్తం చేస్తున్నారు.

మరోవైపు.. రెండో సెమీ ఫైనల్లో ఇంగ్లండ్‌పై భారత్ ఓడిపోతుందని కొందరు ఫాన్స్ సోషల్ మీడియాలో జోస్యం చెబుతున్నారు. పాక్ అభిమానులతో పాటు ఆ దేశ మాజీ ఆటగాళ్లు కూడా భారత్ ఓడిపోతుందని నమ్మకంగా ఉన్నారు. 1992 వన్డే ప్రపంచకప్ ఫలితం రిపీట్ అవుతుందని వారు సంతోషం వ్యక్తం చేస్తున్నారు. 1992 ప్రపంచకప్ ఆస్ట్రేలియా వేదికగా జరగగా.. ఆతిథ్య ఆసీస్ డిఫెండింగ్ చాంపియన్‌గా బరిలోకి దిగి సెమీఫైనల్ చేరలేదు. సెమీ ఫైనల్‌కు ఇంగ్లండ్, న్యూజిలాండ్, పాకిస్తాన్ చేరుకున్నాయి. సెమీస్‌లో న్యూజిలాండ్‌ను పాక్ ఓడించి ఫైనల్ చేరింది. ఫైనల్లో ఇంగ్లండ్‌ను ఓడించి కప్ అందుకుంది. అప్పటి పరిస్థితులే ఇప్పుడు కూడా ఉన్నాయి. దాంతో పాక్ అభిమానులు ఆనందం వ్యక్తం చేస్తున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.