అమెరికా టాప్ టెన్నిస్ క్రీడాకారిణి సెరెనా విలియమ్స్ పెళ్లి కూతురుగా మారనుంది. ఏడుసార్లు వింబుల్డన్ విజేతగా నిలిచిన సెరెనా, తన చిరకాల ప్రియుడు మరియు రెడిట్ వ్యవస్థాపకుడు అలెక్సిస్ ఒహానియన్‌ను వివాహం చేసుకోనుంది. అయితే ఈ పెళ్ళికి చాలా తక్కువ మంది అతిథులనే ఆహ్వానించనున్నట్లు ఆమె తెలిపింది. వధువరులకు సంబంధించిన స్నేహితులు, బాగా దగ్గర బంధువులు మాత్రమే ఈ వివాహానికి హాజరు కానున్నారు. 2015 సంవత్సరం నుండీ సెరెనా, అలెక్సిన్ జంట సహజీవనం చేస్తున్నారు. వీరికి ఒక బిడ్డ కూడా. ఈ వివాహానికి దాదాపు 1 మిలియన్ డాలర్లు ఖర్చుపెడుతున్నట్లు వధువరులు వెల్లడించారు. న్యూఆర్లీన్స్‌లోని కాన్‌టెంపరరీ ఆర్ట్స్‌ సెంటర్‌ వేదికగా జరగబోయే వీరి వివాహానికి వచ్చే అతిథులను దయచేసి సెల్ ఫోన్లు తీసుకురావద్దని కోరారు సెరెనా. ఈ పెళ్ళి వేడుకను కవర్ చేసే పూర్తి హక్కులను సెరెనా ప్రాణ స్నేహితురాలు మరియు ప్రముఖ బ్రిటీష్ పాత్రికేయురాలు అన్నా వింటూర్ భారీ మొత్తం అందజేసి దక్కించుకున్నారు.