Road Accident: ఆదిలాబాద్‌ జిల్లాలో ఘోర రోడ్డు ప్రమాదం.. కంటైనర్‌ను ఢీకొన్న కారు...నలుగురు దుర్మరణం

Adilabad Accident: ఇటీవల కాలంలో రోడ్డు ప్రమాదాలు ఎక్కువైపోయాయి. ప్రమాదాల నివారణకు అధికారులు ఎన్ని చర్యలు చేపట్టినా.. ప్రతి రోజు ఏదో ఒక చోట జరుగుతూనే ఉన్నాయి. ఈ ప్రమాదాల్లో చాలా మంది అమాయకులు ప్రాణాలు కోల్పోతున్నారు. తాజాగా ఆదిలాబాద్ జిల్లాలో ఘోర రోడ్డు ప్రమాదం (Road Accident in Adilabad district) జరిగింది. కంటైనర్‌ను కారు ఢీకొన్న ఘటనలో నలుగురు మృత్యువాతపడ్డారు. ఈ ప్రమాదం గుడిహత్నూర్‌ మండలం సీతాగొంది వద్ద ఆదివారం రాత్రి చోటుచేసుకుంది. 

హైదరాబాద్ నుంచి ఆదిలాబాద్ వెళ్తున్న కారు ఓ కంటైనర్‌ను బలంగా ఢీకొంది. ఈ ఘటనలో కారులో ప్రయాణిస్తున్న ఐదుగురిలో నలుగురు మృతి చెందారు. మృతుల్లో ముగ్గురు పురుషులు, ఓ మహిళ ఉన్నారు. మరొక మహిళకు గాయలయ్యాయి. సమాచారం అందుకున్న పోలీసులు హుటాహుటిన సంఘటన స్థలానికి చేరుకుని సహాయక చర్యలు చేపట్టారు. ప్రమాదంలో గాయపడిన మహిళను రిమ్స్ ఆస్పత్రికి తరలించి చికిత్స అందిస్తున్నారు.  మృతులంతా ఆదిలాబాద్ జిల్లా వాసులగా పోలీసులు గుర్తించారు. ఈ ఘటనపై కేసు నమోదు చేసి దర్యాప్తు చేస్తున్నారు పోలీసులు.  ఓవర్‌టెక్‌ చేయడం, మద్యం తాగి వాహనాలు నడపం, అతి వేగం తదితర కారణాల వల్లే రోడ్డు ప్రమాదాలు ఎక్కువగా చోటుచేసుకుంటున్నాయి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.