KCR Press Meet: తెలంగాణతో పాటు ఆంధ్రప్రదేశ్ సర్కారును కూల్చేందుకు బీజేపి కుట్ర ?

KCR Press Meet: బీజేపిపై తెలంగాణ సీఎం కేసీఆర్ సంచలన ఆరోపణలు చేశారు. ఇప్పటికే పలు రాష్ట్రాల్లో ప్రభుత్వాలను కూల్చి అధికారం చేపడుతూ వచ్చిన బీజేపి.. తాజాగా తెలంగాణపై కన్నేసిందన్నారు. టీఆర్ఎస్ ఎమ్మెల్యేలను కొనుగోలు చేయడానికి వచ్చిన ఏజెంట్స్ చెప్పిన వివరాల ప్రకారం త్వరలోనే ఢిల్లీ, ఆంధ్రప్రదేశ్, రాజస్థాన్ రాష్ట్రాల్లో ప్రభుత్వాలను కూలగొట్టే పనిలో బీజేపి నిమగ్నమై ఉందన్నారు.

2015 నుంచి గత ఏడెనిమిదేళ్లలో వీళ్లు ఏం చేశారనేది వారి వద్ద ఉన్న ల్యాప్ టాప్‌లో నిక్షిప్తమై ఉందని సీఎం కేసీఆర్ తెలిపారు. తమ పార్టీ అధికారంలో లేని రాష్ట్రాల్లో అధికార పార్టీ ఎమ్మెల్యేలను కొనుగోలు చేసి అక్కడి ప్రభుత్వాలను కూల్చడమే పనిగా పెట్టుకున్నారని తెలంగాణ ముఖ్యమంత్రి కల్వకుంట్ల చంద్రశేఖర్ రావు మండిపడ్డారు. ఇలా ఎమ్మెల్యేలను కొని, ప్రభుత్వాలను కూల్చి, అధికారం దక్కించుకుంటూ పోతే ఇక దేశంలో ప్రజాస్వామ్యానికి మనుగడ ఎక్కడ ఉంటుందని కేసీఆర్ ( Kalvakuntla Chandrasekhar Rao ) ఆవేదన వ్యక్తంచేశారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.