సాఫ్ట్‌వేర్ ఇంజనీర్ కుటుంబంలో నలుగురి ఆత్మహత్య

హైదరాబాద్‌: ఒకే కుటుంబానికి చెందిన నలుగురు ఆత్మహత్య చేసుకున్న ఘటన హైదరాబాద్ శివార్లలోని మీర్‌పేట్‌ పోలీస్‌స్టేషన్‌ పరిధిలోని అల్మాస్‌గూడలో కలకలం సృష్టించింది. బుధవారం సాయంత్రం చోటుచేసుకున్న ఈ ఘటనకు సంబంధించిన వివరాల్లోకి వెళ్తే.. అపార్ట్‌మెంట్‌లోని మొదటి అంతస్తులో సాఫ్ట్‌వేర్ ఇంజనీర్ హరీష్ కుటుంబం నివాసం ఉంటోంది. హరీష్‌ కుటుంబ సభ్యులు గత రెండు రోజులుగా బయటికి రాకపోవడం గమనించిన ఇరుగుపొరుగువారు అనుమానంతో పోలీసులకు సమాచారం అందించారు. స్థానికులు అందించిన సమాచారంతో అపార్ట్‌మెంట్ వద్దకు చేరుకున్న పోలీసులు.. తలుపులు బద్దలు కొట్టి లోపలికి వెళ్లి చూడగా నలుగురు విగతజీవులుగా పడి ఉన్నారు. ఇరుగుపొరుగు వారి సహాయంతో మృతులను హరీష్‌, స్వప్న, గిరీష్‌, సువర్ణగా పోలీసులు గుర్తించారు.