Gas Cylinder Explosion in Nanakramguda: హైదరాబాద్‌లోని నానక్‌రామ్‌గూడలో విషాదం చోటు చేసుకుంది. స్థానికంగా ఉన్న ఓ ఇంట్లో గ్యాస్ సిలిండర్ పేలి (LPG cylinder blast) ఒకరు మృతి చెందారు. మరో 9 మంది గాయపడినట్లు తెలుస్తోంది. వీరిలో ఇద్దరి పరిస్థితి విషమంగా ఉన్నట్లు సమాచారం. క్షతగాత్రులు ప్రస్తుతం ఉస్మానియా ఆసుపత్రిలో చికిత్స పొందుతున్నారు. పేలుడు ధాటికి పెద్ద శబ్దంతో భవనం ధ్వంసమవడంతో స్థానికులు ఉలిక్కిపడ్డారు. పేలుడుకు గల కారణాలు ఇంకా తెలియరాలేదు. 


COMMERCIAL BREAK
SCROLL TO CONTINUE READING

ఈ ఏడాది ఆగస్టులో ధూల్‌పేటలోనూ గ్యాస్ సిలిండర్ పేలుడు (Gas Cylinder Explosion) ఘటన చోటు చేసుకున్న సంగతి తెలిసిందే. గోదాంలో అక్రమంగా గ్యాస్ ఫిల్లింగ్ చేస్తుండగా పేలుడు సంభవించింది. ఈ ప్రమాదంలో ఇద్దరు మృతి చెందగా.. మరో ఇద్దరికి తీవ్ర గాయాలయ్యాయి. మృతులను మానవ్ సింగ్‌(24), నీరజ్‌ సింగ్‌(48)లుగా గుర్తించారు.


Also Read:బంగాళాఖాతంలో మరో అల్పపీడనం, భారీ వర్షాలు తప్పవు


నాలుగు రోజుల క్రితం ఏపీలోని విశాఖపట్నంలోనూ గ్యాస్ సిలిండర్ పేలుడు ఘటన చోటు చేసుకుంది. ఇందిరా కాలనీలోని ఓ ఇంట్లో తెల్లవారుజామున గ్యాస్ సిలిండర్ పేలింది. ఈ ప్రమాద ఘటనలో భవనం ధ్వంసమవగా ఇద్దరు గాయపడ్డారు. వెంటనే ఆ ఇద్దరినీ కేజీహెచ్ ఆసుపత్రికి తరలించారు. కొద్దిరోజుల క్రితం ఢిల్లీలోని అజాద్ నగర్‌లోనూ గ్యాస్ సిలిండర్ పేలుడు (Gas Cylinder Explosion) ఘటన చోటు చేసుకోగా... ఈ ప్రమాదంలో 17 మంది గాయపడ్డారు. పేలుడు ధాటికి ఐదు ఇళ్లు ధ్వంసమయ్యాయి. 


స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G


Apple Link - https://apple.co/3loQYe 


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook