10,105 Govt Jobs: నిరుద్యోగులకు మరో గుడ్ న్యూస్.. 10,105 ఖాళీల భర్తీకి ఆదేశాలు జారీ

Telangana Govt Jobs 2022: తెలంగాణలో ఉద్యోగాల కోసం ఎంతో ఆశగా ఎదురుచూస్తున్న నిరుద్యోగులకు రాష్ట్ర ఆర్థిక శాఖ, వైద్య ఆరోగ్య శాఖ మంత్రి హరీశ్ రావు మరో గుడ్ న్యూస్ చెప్పారు. తెలంగాణ ప్రభుత్వంలోని వివిధ విభాగాల్లో మొత్తం 10,105 ఖాళీల భర్తీ చేపట్టే దిశగా ఆయా శాఖల ఉన్నతాధికారులకు నేడు ఆదేశాలు జారీ చేసినట్టు మంత్రి హరీశ్ రావు తెలిపారు. కొంతమంది ఉద్యోగాల గురించి ఉత్తుత్తి ప్రకటనలు చేసినట్టు కాకుండా ముఖ్యమంత్రి కల్వకుంట్ల చంద్రశేఖర్ రావు నేతృత్వంలోని తెలంగాణ ప్రభుత్వం ఇప్పటికే 45,325 ఉద్యోగాలకు నోటిఫికేషన్ జారీ చేసినట్టు మంత్రి హరీశ్ రావు అభిప్రాయపడ్డారు. అంతేకాకుండా త్వరలోనే మరిన్ని జాబ్ నోటిఫికేషన్స్ కూడా విడుదల కానున్నాయని మంత్రి స్పష్టంచేశారు. 

ట్విటర్ ద్వారా ఈ విషయాన్ని ప్రజలతో పంచుకున్న మంత్రి హరీశ్ రావు.. తాను పేర్కొన్నట్టుగా ఇప్పటివరకు తెలంగాణ సర్కారు 45,325 ఉద్యోగాల భర్తీకి విడుదల చేసిన నోటిఫికేషన్స్ వివరాలను ఈ ట్వీట్‌లో జతపరిచారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe