యుద్ధం ప్రకటించిన తెలంగాణ పోలీసులు

హైదరాబాద్: వాహనదారులు తమ వాహనాలపై సరైన నంబర్ ప్లేట్లు ఉపయోగించుకునేలా చూసేందుకు, హైదరాబాద్ ట్రాఫిక్ పోలీసులు మరో ఎత్తుగడ వేశారు. ఇటీవల అమీర్ పేట్ నుండి పంజాగుట్ట వైపు వస్తున్న టయోటా ఫార్చ్యూనర్ ఎస్‌యూవీ వాహనం, వెనుక వైపు ఫ్యాన్సీ నంబర్ ప్లేట్ ఉండటంతో పాటు, ట్రాఫిక్ నిబంధనలకు విరుద్ధంగా ఉండటంతో పంజాగుట్ట ట్రాఫిక్ పోలీసులు అదుపులోకి తీసుకుని, సరైన నంబర్ ప్లేట్ ను వాహనానికి బిగించమని తెలిపారు. నంబర్ ప్లేట్ మార్చిన వెంటనే ఈ వాహనాన్ని బయటికి విడుదల చేసినట్లు పోలీసులు తెలిపారు.

హైదరాబాద్ నగరమంతటా ట్రాఫిక్ పోలీసులు నిబంధనలకు విరుధంగా ఉన్నవాహనాలను అదుపులోకి తీసుకుని, మోటారు వాహన చట్టం ప్రకారం అన్నీ రకాల అనుమతులు ఉంటేనే అనుమతించబడతాయని పోలీసు అధికారులు పేర్కొన్నారు. 

గత ఏడాది నుండి హైదరాబాద్, సైబరాబాద్, రాచకొండ కమీషనరేట్‌లలోని ట్రాఫిక్ పోలీసులు నిబంధనలకు విరుద్దంగా ఉన్న వాహనాల వాడకంపై సుమారు 1.5 లక్షల కేసులను నమోదు చేశామని, నేరస్థులు వాహన నంబర్ ప్లేట్లను ట్యాంపరింగ్ చేయడం,  తీవ్రమైన నేరాలకు పాల్పడటం వంటివి తమ దృష్టికి వచ్చాయని పోలీసులు తెలిపారు.