Students Drown: విషాదం.. ఈతకు వెళ్లి ముగ్గురు విద్యార్థులు మృతి..

Students Drown in peddapalli: ఈతకు వెళ్లి ముగ్గురు విద్యార్థులు మృత్యువాత పడిన ఘటన పెద్దపల్లి జిల్లా రామగుండం ఎన్టీపీసీ పీకే రామయ్య కాలనీలో చోటుచేసుకుంది. శుక్రవారం సెలవుదినం కావడంతో విద్యార్థులు రామయ్య కాలనీలో గల నీటికుంట దగ్గరకు స్విమ్మింగ్ చేయడానికి వెళ్లారు. నీటిలోకి దిగిన కాసేపటికే వారిలో ఇద్దరు మృత్యు ఒడికి చేరగా... మరొకరు ఆస్పత్రికి తరలిస్తుండగా చనిపోయారు. 

మృతులను ఎన్టీపీసీ న్యూ పోరేటపల్లికి చెందిన విక్రమ్‌, ఉమామహేశ్ సాయిచరణ్‌గా గుర్తించారు. చిన్నారుల మరణ వార్త విని వారి కుటుంబాలు శోకసంద్రంలో మునిగిపోయాయి.  వీరంతా ఎనిమిదో తరగతి చదువుతున్నారని పోలీసులు తెలిపారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. 

రీసెంట్ గా ఇలాంటి ఘటనే..
ఈ నెల ప్రారంభంలో ఇలాంటి ఘటనే జరిగింది. నీటిలో జలక్రీడలు ఆడేందుకు నలుగురు విద్యార్థులు నలియా నదికి వెళ్లి నీటమునిగారు. వీరి కేకలు విన్న స్థానికులు వారిని రక్షించి ఆస్పత్రికి తరలించారు. చికిత్స పొందుతూ ముగ్గురు మృతి చెందగా.. మరొకరి పరిస్థితి విషమంగా ఉంది. ఈ ఘటన  ఒడిశా భద్రక్‌ జిల్లా నలియాలో ఏప్రిల్ 4న చోటుచేసుకుంది. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.