Flesh Eating Bacteria: 48 గంటల్లో ప్రాణాలు తీసేస్తున్న వ్యాధి, జపాన్‌లో ఆందోళన

Flesh Eating Bacteria: కోవిడ్ 19 మహమ్మారి తరువాత జపాన్‌లో ఓ ప్రమాదకరమైన బ్యాక్టీరియా ఇన్‌ఫెక్షన్ భయపెడుతోంది. ఈ ఇన్‌ఫెక్షన్ కేసులు క్రమంగా పెరుగుతుండటం ఆందోళన కల్గిస్తోంది. ఈ ఇన్‌ఫెక్షన్ సోకిందంటే కేవలంల 48 గంటల్లో ప్రాణం పోతుంది. ఈ వ్యాధి లక్షణాలు, ఎలా సంరక్షించుకోవాలో తెలుసుకుందాం.

జపాన్‌లో అత్యంత అరుదైన ఫ్లష్ ఈటింగ్ బ్యాక్టీరియా ప్రబలుతోంది. రోజురోజుకూ కేసుల సంఖ్య పెరుగుతుండటంతో ఆందోళనకర వాతావరణం నెలకొంది. ఈ బ్యాక్టీరియా స్పెక్ట్రోకోకల్ టాక్సిక్ షాక్ సిండ్రోమ్‌కు కారణమౌతుంది. ఇది తక్కువ సమయంలోనే ప్రాణాంతకంగా మారుతుంది. నిపుణుల హెచ్చరిక ప్రకారం ఇన్‌ఫెక్షన్ సోకిన 48 గంటల్లోనే రోగి ప్రాణం పోవచ్చు. ఈ ఏడాది 2024లో జూన్ వరకూ జపాన్‌లో 977 STSS కేసులు నమోదయ్యాయి. గత ఏడాది 941 కేసులు వెలుగు చూశాయి. నేషనల్ ఇనిస్టిట్యూట్ ఆఫ్ ఇన్‌ఫెక్షియస్ డిసీజెస్ ప్రకారం ఇదే వేగంతో కేసులు పెరుగుతుంటే ఈ ఏడాదిలో 2500 కేసులకు చేరుకోవచ్చు. ఇక మరణాలరేటు 30 శాతంగా ఉంది. కోవిడ్ 19 మహమ్మారి ఉన్నప్పుడు విధించిన నిబంధనలు సడలించిన తరువాత జపాన్‌లో ఈ పరిస్థితి ఎదురైంది. 

ఫ్లష్ ఈటింగ్ బ్యాక్టీరియా ఇన్‌ఫెక్షన్ లక్షణాలు

ఈ ఇన్‌ఫెక్షన్ సోకితే ప్రారంభంలో ఫ్లూ వంటి లక్షణాలు కన్పిస్తాయి. ఇందులో జ్వరం, కండరాల నొప్పి, గొంతులో గరగర ఉంటాయి. ఆ తరువాత లక్షణాలు తీవ్రౌతాయి. తీవ్రమైన జ్వరం, బ్లడ్ ప్రెషర్ పడిపోవడం, చర్మం ఎర్రగా మారడం వంటివి కన్పిస్తాయి. ఇప్పటివరకైతే ఈ బ్యాక్టీరియా గురించి పూర్తి సమాచారం అందుబాటులో లేదు. దీన్నించి కాపాడుకునేందుకు చేతులు ఎప్పటికప్పుడు శుభ్రం చేసుకోవడం, ఏదైనా గాయమైతే ఎప్పటికప్పుడు క్లీనింగ్ చేసుకోవడం చాలా అవసరం. ఇంకా ఇతర లక్షణాలు కన్పిస్తే వెంటనే వైద్యుడిని సంప్రదించాలి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     

Android Link - https://play.google.com/store/apps/details?id=com.indiadotcom.zeetelugu     

Apple Link - https://apps.apple.com/in/app/zee-telugu-news/id1633190712

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook