వివాదాస్పద టిక్‌టాక్‌ ( TikTok ) పై బ్యాన్ ను పాకిస్తాన్ ( Pakistan ) ఎత్తివేసింది. ప్రజాభిప్రాయం కంటే చైనా ఒత్తిడికే పాకిస్తాన్ ప్రభుత్వం విలువిచ్చింది. చైనా నుంచి పెరిగిన ఒత్తిడి నేపధ్యంలో  నిషేధాన్ని ఎత్తివేస్తూ నిర్ణయం తీసుకుంది పాకిస్తాన్.


COMMERCIAL BREAK
SCROLL TO CONTINUE READING


మిత్రదేశం చైనా ( China ) ఒత్తిడికి పాకిస్తాన్ ఎట్టకేలకు తలొంచింది. దేశంలోని ప్రజల ప్రయోజనాల కంటే చైనా కంపెనీ ప్రయోజనాలే మిన్నగా భావించినట్టుంది.  నిషేధాన్ని ఎత్తివేసింది. అనైతిక, అసభ్యకరమైన సందేశాలకు వేదికగా మారిన టిక్‌టాక్‌ యాప్ ( Pakistan Banned TikTok app ) ‌ను పాకిస్తాన్‌ ఇటీవల బ్యాన్‌ చేసింది. చట్టపరమైన కఠిన చర్యలను చేపట్టడంలో టిక్‌టాక్‌ యాజమాన్యం విఫలమైందని, అసభ్యతతో కూడిన కంటెంట్‌  ఎక్కువగా ఉంటుందని పాకిస్తాన్ టెలికమ్యూనికేషన్ అథారిటీ ( పీటీఏ ) ఫిర్యాదు చేసింది. ఈ ఫిర్యాదు మేరకు అక్టోబర్‌ 9న నిషేధం విధించి చైనాకు ఊహించని షాక్‌ ఇచ్చింది. సమాజంలోని వివిధ వర్గాల నుంచి ఫిర్యాదులను స్వీకరించిన తరువాత ఈ చర్య తీసుకున్నట్లు పీటీఏ ( PTA ) తెలిపింది. నిషేధం విధించిన పదిరోజుల్లోనే వెనుకడుగేసింది పాకిస్తాన్. టిక్‌టాక్‌ను తిరిగి పునరుద్ధరించింది. నిషేధాన్నితొలగించి ( Pakistan lifts the ban on TikTok ) యధావిదిగా యూజర్స్‌కు అందుబాటులో తెచ్చేసింది.


మరి ఈ మాత్రం దానికి అంత హడావిడి ఎందుకు చేసినట్టనే సందేహాలు వస్తున్నాయి. ప్రజల్నించి వ్యక్తమవుతున్న వ్యతిరేకతతో నిషేధం విధించినప్పటికీ..చైనా నుంచి వచ్చిన ఒత్తిడి మేరకే ఈ నిర్ణయం తీసుకున్నట్లు విశ్లేషకులు భావిస్తున్నారు. టిక్‌టాక్‌ను నిషేధించినప్పటి నుంచి తిరిగి పునరుద్ధరించేలా పాకిస్తాన్ ప్రధాని ఇమ్రాన్ ఖాన్ పై ఒత్తిడి పెరిగిందనేది ప్రదానంగా విన్పిస్తున్న మాట. ఇండియా ఇప్పటికే ఈ యాప్ తో పాటు 59 చైనా యాప్ ( India banned chinese apps ) లను నిషేధించింది. అమెరికా సైతం నిషేధం విధించినా..ఆ దేశంలోని కోర్టులు అభ్యంతరంతో ప్రస్తుతానికి నిషేధ నిర్ణయం నిలిచిపోయుంది. Also read: New Zealand: రెండోసారి ప్రధానిగా జెసిండా ఆర్డెర్న్