ગુજરાતમાં યોગા દિવસ : CM રૂપાણીએ યોગાથી દિવસની શરૂઆત કરી, કીર્તિદાન ગઢવીએ પરિવાર સાથે યોગા કર્યાં

ઝી મીડિયા/બ્યૂરો :આજે આંતરરાષ્ટ્રીય યોગા દિવસ છે, ત્યારે સમગ્ર વિશ્વ આજે યોગા કરી રહ્યું છે. વડાપ્રધાન નરેન્દ્ર મોદીએ પણ આજે રાષ્ટ્રજોગ સંબોધન કર્યું હતું. ત્યારે ગુજરાતભરમાં પણ લોકોએ યોગા કરીને આંતરરાષ્ટ્રીય યોગા દિવસ ઉજવ્યો હતો. મુખ્યમંત્રી વિજય રૂપાણીએ  21 જૂન આંતર રાષ્ટ્રીય યોગ દિવસ અંતર્ગત આજે સવારે યોગ પ્રાણાયમ કરીને દિવસનો પ્રારંભ કર્યો હતો. આ વર્ષે કોરોના સંક્રમણને કારણે આયુષ મંત્રાલયે ‘યોગ એટ હોમ યોગ વિથ ફેમિલી’ થીમ સાથે દેશભરમાં આ યોગ દિવસ ઉજવવાનું આયોજન કર્યું છે. વિજય રૂપાણીએ પણ  ગાંધીનગરમાં મુખ્યમંત્રી નિવાસ સ્થાનના કેમ્પસમાં પત્ની અંજલી રૂપાણી અને  ગુજરાત રાજ્ય યોગ બોર્ડના અધ્યક્ષ શિષપાલ સાથે સવારે યોગાસન કર્યા હતા.