મત આપીને દાદીનું મૃત્યુ પરંતુ પૌત્રને અપાવી જીત, આ ઘટના જાણીને તમે પણ થઈ જશો ભાવુક

પુણેના મુશલી ગામમાં પંચાયત ચૂંટણીના ઉમેદવાર વિજય સાઠે માતે તેમના 113 વર્ષના દાદી સરૂબાઈ સાઠેએ મતદાન કર્યું હતું. ત્યારબાદ તેઓ ચૂંટણી તો જીતી ગયા પરંતુ આ જીતનો જશ્ન જોવા માટે તેમના દાદી આ દુનિયામાં નથી. 

 

મહારાષ્ટ્રમાં ગ્રામ પંચાયત ચૂંટણી માટે 15 જાન્યુઆરીએ મતદાન થયું હતું. સરૂબાઈ સાઠે સવારે પોતાના પૌત્ર માટે મતદાન કરવા ગયા અને તે રાત્રે તેમનું નિધન થયું હતું. 

 

 

18 જાન્યુઆરીએ ચૂંટણીના પરિણામ આવ્યા તો જાણવા મળ્યું કે, વિજય સાઠે માત્ર એક મતના અંતરથી ચૂંટણી જીતી ગયા છે. 

 

 

વિજય સાઠેએ કહ્યુ કે, જો દાદી મત ન આપત તો તે ક્યારેય ન જીતી શકત. આ તેમના દાદીની જીત છે. સાઠેએ કહ્યુ કે, તેમના દાદી ઈચ્છતા હતા કે તે પોતાના ગામ માટે કંઈક કરે અને આજે આ સપનું પૂરુ થયું છે.