Kirron Kher: ಬಾಲಿವುಡ್ ನಟ ಅನುಪಮ್ ಖೇರ್ ಪತ್ನಿಗೆ 'ಬ್ಲಡ್​ ಕ್ಯಾನ್ಸರ್'..!

ಕಿರಣ್​ ಖೇರ್ ಅವರು ಚಂಡೀಗಢ ಮತ ಕ್ಷೇತ್ರದ ಬಿಜೆಪಿ ಸಂಸದೆಯಾಗಿದ್ದಾರೆ.

ಮುಂಬೈ: ನಟಿ, ಬಿಜೆಪಿ ಸಂಸದೆ ಮತ್ತು  ಬಾಲಿವುಡ್ ಖ್ಯಾತ ನಟ ಅನುಪಮ್ ಖೇರ್ ಅವರ  ಪತ್ನಿಯಾದ ಕಿರಣ್​ ಖೇರ್​ ಬ್ಲಡ್ ಕ್ಯಾನ್ಸರ್​ನಿಂದ ಬಳಲುತ್ತಿದ್ದಾರೆ. 

ಕಿರಣ್​ ಖೇರ್ ಅವರು ಚಂಡೀಗಢ ಮತ ಕ್ಷೇತ್ರದ ಬಿಜೆಪಿ ಸಂಸದೆ(BJP MP)ಯಾಗಿದ್ದಾರೆ. ಮಲ್ಟಿಪಲ್​ ಮೈಲೋಮಾ(Multiple Myeloma) ಇದು ಒಂದು ರೀತಿಯ ರಕ್ತದ ಕ್ಯಾನ್ಸರ್​ ಆಗಿದೆ. ಈ ಕ್ಯಾನ್ಸರ್ ನಿಂದ ಬಳಲುತ್ತಿದ್ದಾರೆ. ಸಧ್ಯ ಅವರು ಮುಂಬೈನ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಪಕ್ಷದ ಪದಾಧಿಕಾರಿ ಅರುಣ್​ ಸೂದ್​ ತಿಳಿಸಿದ್ದಾರೆ. ಕಳೆದ ವರ್ಷದಿಂದ ಅವರು ಈ ಕ್ಯಾನ್ಸರ್​ಗೆ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಿಳಿದು ಬಂದಿದೆ. 

🙏 pic.twitter.com/3C0dcWwch4

— Anupam Kher (@AnupamPKher) April 1, 2021

ಈ ಕುರಿತು ಟ್ವೀಟ್ ಮಾಡಿರುವ ಪತಿ ಅನುಪಮ್ ಖೇರ್(Anupam Kher), ಕಿರಣ್ ಕುರಿತು ಹರಿದಾಡುತ್ತಿರುವ ಸುದ್ದಿ ನಿಜ, ಅವಳು ಸಧ್ಯ ಆರೋಗ್ಯದಿಂದ ಇದ್ದಾಳೆ. ಕಿರಣ್  ಮಲ್ಟಿಪಲ್​ ಮೈಲೋಮಾ ಇದು ಒಂದು ರೀತಿಯ ಬ್ಲಡ್ ಕ್ಯಾನ್ಸರ್​ ಆಗಿದೆ. ಈ ಡಿಸೀಜ್ ನಿಂದ ಬಳಲುತ್ತಿದ್ದಾಳೆ. ಪ್ರಸ್ತುತ ಅವಳು ಚಿಕಿತ್ಸೆಗೆ ಸ್ಪಂದಿಸುತ್ತಿದ್ದಾಳೆ. ಆದಷ್ಟು ಬೇಗೆ ಅವಳು ಈ ಗಂಡಾಂತರದಿಂದ ಹೊರಬರುತ್ತಾಳೆ. 

ಅವಳು ಹೃದಯವಂತೆ ಹಾಗಾಗಿ ಜನ ಅವಳನ್ನ ಪ್ರೀತಿಸುತ್ತಾರೆ. ಹಾಗೆ ನಿಮ್ಮ ಪ್ರೀತಿ ಮತ್ತು ಆಶೀರ್ವಾದ ಅವಳ ಮೇಲಿರಲಿ. ನಮಗೆ ಪ್ರೀತಿ ಹಂಚುತ್ತಿರುವ ತಮ್ಮಲ್ಲರಿಗೂ ಧನ್ಯವಾದಗಳು. ಅನುಪಮ್ ಮತ್ತು ಸಿಕಿಂದರ್.