ನವದೆಹಲಿ: ಮಂಗಳವಾರದಂದು ರಾಜ್ಯಸಭೆಯಲ್ಲಿ ಭಾರತೀಯ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ ಮಸೂದೆ 2017 ಗೆ ಸದನ ಅಂಗೀಕಾರ ನೀಡಿತು. ಆ ಮೂಲಕ ದೇಶದಾದ್ಯಂತ 20 ಐಐಎಂಗಳಿಗೆ ಸ್ವಾಯತ್ತತೆಯನ್ನು ದೃಷ್ಟಿಯಲ್ಲಿಟ್ಟುಕೊಂಡು ಈ ಮಸೂದೆಯನ್ನು ಅಂಗಿಕಾರ ಮಾಡಲಾಗಿದೆ.
ಲೋಕಸಭೆಯಿಂದ ಅಂಗೀಕರಿಸಲ್ಪಟ್ಟ ಈ ಮಸೂದೆಯು ಐಐಎಂಗಳನ್ನು ರಾಷ್ಟ್ರೀಯ ಪ್ರಾಮುಖ್ಯತೆಯ ಸಂಸ್ಥೆಗಳೆಂದು ಘೋಷಿಸಿ ಆ ಸಂಸ್ಥೆಗಳಿಗೆ ಪದವಿ ನೀಡುವ ಅಧಿಕಾರವನ್ನು ಸರ್ಕಾರ ನೀಡಿದೆ.
ಮಸೂದೆಯ ಪ್ರಕಾರ, ಪ್ರತಿ ಐಐಎಂನ ಕಾರ್ಯಕಾರಿ ಮಂಡಳಿಯು 19 ಸದಸ್ಯರನ್ನು ಒಳಗೊಂಡಿರುತ್ತದೆ. ಇದರಲ್ಲಿ ಶ್ರೇಷ್ಠ ವ್ಯಕ್ತಿಗಳು, ಸಿಬ್ಬಂದಿ ಸದಸ್ಯರು ಮತ್ತು ಹಳೆಯ ವಿದ್ಯಾರ್ಥಿಗಳು ಸೇರಿದಂತೆ 17 ಮಂಡಳಿಯ ಸದಸ್ಯರನ್ನು ನಾಮನಿರ್ದೇಶನ ಮಾಡುತ್ತದೆ. ಉಳಿದ ಎರಡು ಸದಸ್ಯರು ಅನುಕ್ರಮವಾಗಿ ಕೇಂದ್ರೀಯ ಮತ್ತು ರಾಜ್ಯ ಸರ್ಕಾರಗಳಿಂದ ನಾಮನಿರ್ದೇಶಿತರಾಗುತ್ತಾರೆ. ಮಂಡಳಿಯು ತನ್ನದೇ ಆದ ಅಧ್ಯಕ್ಷರನ್ನು ನೇಮಿಸುತ್ತದೆ.
ಪ್ರತಿ IIM ಅಕಾಡೆಮಿಕ್ ಕೌನ್ಸಿಲ್ ಈ ವಿಷಯಗಳನ್ನು ನಿರ್ಧರಿಸುತ್ತದೆ: (i) ಶೈಕ್ಷಣಿಕ ವಿಷಯ; (ii) ಕೋರ್ಸುಗಳಿಗೆ ಪ್ರವೇಶಕ್ಕಾಗಿ ಮಾನದಂಡ ಮತ್ತು ಪ್ರಕ್ರಿಯೆ; ಮತ್ತು (iii) ಪರೀಕ್ಷೆಗಳ ನಡವಳಿಕೆಯ ಮಾರ್ಗದರ್ಶನಗಳು.
ಒಂದು ಸಮನ್ವಯ ವೇದಿಕೆ ಸ್ಥಾಪಿಸಲಾಗುವುದು, ಇದು 20 IIM ಗಳ ಪ್ರಾತಿನಿಧ್ಯವನ್ನು ಒಳಗೊಂಡಿರುತ್ತದೆ. ಅಲ್ಲಿ ಎಲ್ಲಾ ಐಐಎಂಗಳಿಗೆ ಸಾಮಾನ್ಯ ಆಸಕ್ತಿಯ ವಿಷಯಗಳ ಬಗ್ಗೆ ಅದು ಚರ್ಚಿಸುತ್ತದೆ. ಪ್ರಸ್ತುತ ಸಂದರ್ಭದಲ್ಲಿ ಕೇಂದ್ರ ಸರ್ಕಾರವು ಅವರ ಮಂಡಳಿಗಳು, ನಿರ್ದೇಶಕರ ಅಧ್ಯಕ್ಷರನ್ನು ನೇಮಕ ಮಾಡುತ್ತದೆ.
