ಗ್ರಾಹಕರಿಗೆ ಗುಡ್ ನ್ಯೂಸ್: ಎಲ್‌ಪಿಜಿ ಸಿಲಿಂಡರ್‌ ದರ 162 ರೂ. ಇಳಿಕೆ, ನೂತನ ದರ ಎಷ್ಟೆಂದು ತಿಳಿಯಿರಿ

ತೈಲ ಮಾರುಕಟ್ಟೆ ಕಂಪನಿಗಳು (ಎಚ್‌ಪಿಸಿಎಲ್, ಬಿಪಿಸಿಎಲ್, ಐಒಸಿ) ಸಬ್ಸಿಡಿ ರಹಿತ ಎಲ್‌ಪಿಜಿ ಸಿಲಿಂಡರ್‌ಗಳ ಬೆಲೆಗಳನ್ನು ಗಮನಾರ್ಹವಾಗಿ ಕಡಿತಗೊಳಿಸಿವೆ.

ನವದೆಹಲಿ : ಲಾಕ್‌ಡೌನ್ ಮಧ್ಯೆ ಒಳ್ಳೆಯ ಸುದ್ದಿಗಳೊಂದಿಗೆ ಮೇ ತಿಂಗಳು ಪ್ರಾರಂಭವಾಗಿದ್ದು ಎಲ್‌ಪಿಜಿ (LPG) ಸಿಲಿಂಡರ್‌ಗಳು ಅಗ್ಗವಾಗಿವೆ. ವಾಸ್ತವವಾಗಿ ತೈಲ ಮಾರುಕಟ್ಟೆ ಕಂಪನಿಗಳು (ಎಚ್‌ಪಿಸಿಎಲ್, ಬಿಪಿಸಿಎಲ್, ಐಒಸಿ) ಸಬ್ಸಿಡಿ ರಹಿತ ಎಲ್‌ಪಿಜಿ ಎಲ್‌ಪಿಜಿ ಸಿಲಿಂಡರ್‌ಗಳ ಬೆಲೆಗಳನ್ನು ಕಡಿತಗೊಳಿಸಿವೆ. ದೆಹಲಿಯಲ್ಲಿ, 14.2 ಕೆಜಿ ಸಬ್ಸಿಡಿ ರಹಿತ ಎಲ್ಪಿಜಿ ಸಿಲಿಂಡರ್ ಅನ್ನು 162.5 ರೂ.ಗೆ ಇಳಿಸಲಾಗಿದೆ. ಈಗ ಹೊಸ ಬೆಲೆಗಳು (ಭಾರತದಲ್ಲಿ ಎಲ್‌ಪಿಜಿ ಬೆಲೆ 01 ಮೇ 2020) 581.50 ರೂ.ಗೆ ಇಳಿದಿದೆ. ಅದೇ ಸಮಯದಲ್ಲಿ 19 ಕೆಜಿ ಸಿಲಿಂಡರ್ ಬೆಲೆಯನ್ನು 256 ರೂ.ನಿಂದ ಇಳಿಸಲಾಗಿದ್ದು 1029.50 ರೂ.ಗೆ ತಲುಪಿದೆ.

ಹೊಸ ದರ ಎಷ್ಟು ?
ಐಒಸಿ ಪ್ರಕಾರ ಈಗ ದೆಹಲಿಯಲ್ಲಿ 14.2 ಕೆಜಿ ಸಬ್ಸಿಡಿ ರಹಿತ ಎಲ್ಪಿಜಿ ಸಿಲಿಂಡರ್ ಬೆಲೆ 581 ರೂ.ಗೆ ಇಳಿದಿದೆ. ಇದಕ್ಕೂ ಮೊದಲು ಇದರ ದರ 744 ರೂ. ಆಗಿತ್ತು. ಅದೇ ಸಮಯದಲ್ಲಿ ಕೋಲ್ಕತ್ತಾದ ಬೆಲೆಯನ್ನು 774.50 ರೂ.ನಿಂದ 584.50 ರೂ.ಗೆ ಇಳಿಸಲಾಗಿದೆ, ಮುಂಬೈಯಲ್ಲಿ ಇದನ್ನು 714.50 ರೂ.ಗಳಿಂದ 579.00 ರೂ.ಗೆ ಮತ್ತು ಚೆನ್ನೈನಲ್ಲಿ 761.50 ರಿಂದ 569.50 ರೂ.ಗೆ ಇಳಿಸಲಾಗಿದೆ.

19 ಕೆಜಿ ಎಲ್‌ಪಿಜಿ ಸಿಲಿಂಡರ್ ಬೆಲೆ ಕೂಡ ಇಳಿಕೆ:
19 ಕೆಜಿ ಎಲ್‌ಪಿಜಿ ಎಲ್‌ಪಿಜಿ ಸಿಲಿಂಡರ್‌ನ ಬೆಲೆಯನ್ನೂ ಸಹ ಕಡಿತಗೊಳಿಸಲಾಗಿದೆ. ಹೊಸ ದರಗಳು ಇಂದಿನಿಂದ ಜಾರಿಯಾಗಲಿದ್ದು 19 ಕೆಜಿ ಎಲ್‌ಪಿಜಿ ಸಿಲಿಂಡರ್ ನವದೆಹಲಿಯಲ್ಲಿ 256 ರೂ. ಇಳಿಕೆ ಕಂಡಿದ್ದು ಈಗ ಗ್ಯಾಸ್ ಸಿಲಿಂಡರ್ ಬೆಲೆಯನ್ನು 1285.50 ರೂ.ಗಳಿಂದ 1029.50 ರೂ.ಗೆ ಇಳಿಸಲಾಗಿದೆ. ಇದರ ಬೆಲೆ ಕೋಲ್ಕತ್ತಾದಲ್ಲಿ 1086.00 ರೂ., ಮುಂಬೈನಲ್ಲಿ 978.00 ಮತ್ತು ಚೆನ್ನೈನಲ್ಲಿ 1144.50 ರೂ. ಆಗಿದೆ.

1.5 ಮಿಲಿಯನ್ ಗ್ರಾಹಕರಿಗೆ ಪ್ರಯೋಜನ: 
ಎಲ್‌ಪಿಜಿ ಬೆಲೆಯಲ್ಲಿನ ಕಡಿತದಿಂದ ದೇಶದ 1.5 ಕೋಟಿ ಗ್ರಾಹಕರು ಪ್ರಯೋಜನ ಪಡೆಯಲಿದ್ದಾರೆ. ಎಲ್‌ಪಿಜಿಯ ಬಳಕೆ ಹೆಚ್ಚಾಗಲು ಕಾರಣವೆಂದರೆ ನಿಗದಿತ ಮಿತಿಯ ನಂತರ ಅನೇಕ ಕುಟುಂಬಗಳು ಸಿಲಿಂಡರ್‌ಗಳಿಗೆ ಸಬ್ಸಿಡಿಯ ಲಾಭವನ್ನು ಪಡೆಯುವುದಿಲ್ಲ. ಈ ಕಡಿತವು ಆ ಕುಟುಂಬಗಳಿಗೆ ಪ್ರಯೋಜನವನ್ನು ನೀಡುತ್ತದೆ.