ಮಕರ ಸಂಕ್ರಾಂತಿ ದಿನ ಪೊಂಗಲ್ ತಯಾರಿಸಿ ತಿನ್ನುವ ಹಿಂದಿನ ಉದ್ದೇಶ ನಿಮಗೆ ಗೊತ್ತಾ ? ಇದು ನಂಬಿಕೆಯೋ, ವಿಜ್ಞಾನವೋ ?

ಬೆಂಗಳೂರು : ಇಂದು ಮಕರ ಸಂಕ್ರಾಂತಿ. ಸೂರ್ಯ ದೇವರು ತನ್ನ ರಾಶಿಯನ್ನು ಧನು ರಾಶಿಯಿಂದ ಮಕರ ರಾಶಿಗೆ ಬದಲಾಯಿಸಿದ್ದಾನೆ. ಇದರೊಂದಿಗೆ ಇಂದಿನಿಂದ ದಕ್ಷಿಣಾಯಣದಿಂದ ಉತ್ತರಾಯಣಕ್ಕೆ ಸೂರ್ಯನ ಪಥ ಬದಲಾಗಿದೆ. ಈ ದಿನ, ಪವಿತ್ರ ನದಿಗಳಲ್ಲಿ ಸ್ನಾನ ಮಾಡುವುದು ಮತ್ತು ಅಗತ್ಯವಿರುವವರಿಗೆ ದಾನ ಮಾಡುವುದು ಬಹಳ ಮಹತ್ವದ್ದಾಗಿದೆ. ಈ ದಿನ ಪೊಂಗಲ್ ತಿಂದು ದಾನ ಮಾಡುವ ಸಂಪ್ರದಾಯವೂ ಇದೆ. ಆದರೆ ಇದರ ಹಿಂದಿನ ಕಾರಣವೇನು? ಇದು ಕೇವಲ ಪೌರಾಣಿಕ ಸಂಪ್ರದಾಯವೇ ಅಥವಾ ಇದರ ಹಿಂದೆ  ವೈಜ್ಞಾನಿಕ ಕಾರಣವೂ ಇದೆಯೇ? 

Add Zee News as a Preferred Source

ಮಕರ ಸಂಕ್ರಾಂತಿಯಂದು ಪೊಂಗಲ್ ಏಕೆ ಮಾಡುತ್ತಾರೆ?
ಜ್ಯೋತಿಷಿಗಳ ಪ್ರಕಾರ ಪೊಂಗಲ್ ತಯಾರಿಸಲು ಬೇಳೆಕಾಳುಗಳು, ಅಕ್ಕಿ, ನೀರು, ಉಪ್ಪು ಮತ್ತು ಅರಿಶಿನವನ್ನು ಬಳಸಲಾಗುತ್ತದೆ.ಅಂದರೆ ಹಸಿರು, ಕೆಂಪು, ಹಳದಿ, ಬಿಳಿ, ಕಪ್ಪು ಸೇರಿದಂತೆ ಎಲ್ಲಾ ಬಣ್ಣಗಳೂ ಇದರಲ್ಲಿ ಸೇರಿವೆ. ಈ ಎಲ್ಲಾ ಬಣ್ಣಗಳು ನವಗ್ರಹಗಳ ಪ್ರಭಾವವನ್ನು ಪ್ರತಿಬಿಂಬಿಸುತ್ತವೆ.ಪೊಂಗಲ್ ನಲ್ಲಿ ಬಳಸುವ ಅರಿಶಿನ ಗುರುವಿಗೆ ಸಂಬಂಧಿಸಿದ್ದಾಗಿದೆ. ಕಪ್ಪು ಬೇಳೆ ಶನಿ, ರಾಹು ಮತ್ತು ಕೇತುಗಳಿಗೆ ಸಂಬಂಧಿಸಿದೆ ಎಂದು ಹೇಳಲಾಗುತ್ತದೆ. 

ಇದನ್ನೂ ಓದಿ : ಒಣ ಚರ್ಮಕ್ಕೆ ಈ ಫೇಸ್ ಮಾಸ್ಕ್ ಹಾಕಿ.. ಚಳಿಗಾಲದಲ್ಲೂ ನಿಮ್ಮ ಮುಖ ಚಂದ್ರನಂತೆ ಹೊಳೆಯುವುದು!

ಅಂತೆಯೇ, ಹಸಿರು ಬೇಳೆ ಬುಧನಿಗೆ ಸಂಬಂಧಿಸಿದೆ. ಅಕ್ಕಿಯನ್ನು ಶುಕ್ರ ಮತ್ತು ಚಂದ್ರನ ಸಂಕೇತವೆಂದು ವಿವರಿಸಲಾಗಿದೆ.ಪೊಂಗಲ್ ಬೇಯಿಸಿದಾಗ ಹೊರಬರುವ ಉಷ್ಣತೆಯು ಸೂರ್ಯ ದೇವರು ಮತ್ತು ಮಂಗಳಕ್ಕೆ ಸಂಬಂಧಿಸಿದೆ ಎಂಬುವುದು ನಂಬಿಕೆ. ಹಾಗಾಗಿ ಪೊಂಗಲ್ ಸೇವಿಸುವ ಮೂಲಕ ಎಲ್ಲಾ ನವಗ್ರಹಗಳ ಅನುಗ್ರಹವನ್ನು ಕರುಣಿಸುತ್ತದೆ.   

ಮಕರ ಸಂಕ್ರಾಂತಿಯಂದು ಪೊಂಗಲ್ ತಿನ್ನುವುದರಿಂದ ಆಗುವ ಲಾಭಗಳು:
ವೈಜ್ಞಾನಿಕ ನೆಲೆಯಲ್ಲಿ ನೋಡಿದರೆ, ಮಕರ ಸಂಕ್ರಾಂತಿಯಂದು ಪೊಂಗಲ್ ಸೇವನೆಯು ದೇಹಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಜನವರಿಯಲ್ಲಿ, ಜನರು ತೀವ್ರ ಚಳಿಯಿಂದ ನಡುಗುತ್ತಿರುತ್ತಾರೆ. ಈ ಸಂದರ್ಭದಲ್ಲಿ ಬಿಸಿ ಪೊಂಗಲ್ ತಿನ್ನುವುದು ಶೀತದಿಂದ ಪರಿಹಾರವನ್ನು ನೀಡುತ್ತದೆ. ಇದು ಜೀರ್ಣವಾಗುವುದೂ ಸುಲಭ. ಆದ್ದರಿಂದ, ಹೊಟ್ಟೆಯು ಸಹ ಪರಿಹಾರವನ್ನು ಪಡೆಯುತ್ತದೆ ಮತ್ತು ಜೀರ್ಣಕ್ರಿಯೆಗೆ ಸಂಬಂಧಿಸಿದ ತೊಂದರೆಗಳು ದೂರವಾಗುತ್ತವೆ. ಇದು ದೇಹಕ್ಕೆ ಹೊಸ ಶಕ್ತಿಯನ್ನು ನೀಡುತ್ತದೆ, ಇದರಿಂದಾಗಿ ವ್ಯಕ್ತಿಯು ಆರೋಗ್ಯವಾಗಿರುತ್ತಾನೆ. ಇತರ ಆಹಾರಗಳನ್ನು  ತಿನ್ನುವುದರಿಂದ, ಈ ಎಲ್ಲಾ ಪ್ರಯೋಜನಗಳು ಒಟ್ಟಿಗೆ ಲಭ್ಯವಾಗುತ್ತದೆ. ಈ ಕಾರಣಕ್ಕಾಗಿಯೇ ಮಕರ ಸಂಕ್ರಾಂತಿಯಂದು ಪೊಂಗಲ್ ಸೇವಿಸುವುದು ಮತ್ತು ಅದನ್ನು ನಿರ್ಗತಿಕರಿಗೆ ದಾನ ಮಾಡುವುದು ಶ್ರೇಷ್ಠ ಪುಣ್ಯ ಎಂದು ಬಣ್ಣಿಸಲಾಗಿದೆ. 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ. 

(ಸೂಚನೆ :ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ಖಚಿತಪಡಿಸುವುದಿಲ್ಲ.)