Nobel Prize For Literature: ಜಾನ್ ಫಾಸ್ಸೆ ಅವರಿಗೆ ಈ ಬಾರಿಯ ನೋಬೆಲ್ ಸಾಹಿತ್ಯ ಪುರಸ್ಕಾರ

Nobel Prize For Literature: 2023ರ ನೋಬೆಲ್ ಸಾಹಿತಿಯ ಪ್ರಶಸ್ತಿಗಾಗಿ ನಾರ್ವೇ ಬರಹಗಾರ ಜಾನ್ ಫಾಸ್ಸೆ ಅವರಿಗೆ ಘೋಷಿಸಲಾಗಿದೆ. ಮಾತನಾಡದವರ ಧ್ವನಿಯಾಗುವ ಅವರ ಅದ್ಭುತ ನಾಟಕಗಳಿಗೆ ಈ ಪ್ರಶಸ್ತಿ ನೀಡಲಾಗಿದೆ. World News In Kannada

Nobel Literature 2023 Prize: 2023 ರ ನೋಬೆಲ್ ಸಾಹಿತ್ಯ ಪ್ರಶಸ್ತಿ ನಾರ್ವೇ ಬರಹಗಾರ ಜಾನ್ ಫಾಸ್ಸೆ ಅವರ ಪಾಲಾಗಿದೆ. ಮಾತನಾಡದವರ ಧ್ವನಿಯಾಗುವ ಅವರ ಅದ್ಭುತ ನಾಟಕಗಳಿಗೆ ಈ ಪ್ರಶಸ್ತಿ ನೀಡಲಾಗುವುದು ಎನ್ನಲಾಗಿದೆ. ಈ ಸ್ವೀಡಿಷ್ ಅಕಾಡೆಮಿ ಈ ಮಾಹಿತಿಯನ್ನು ನೀಡಿದೆ. ಅಕಾಡೆಮಿಯ ಖಾಯಂ ಕಾರ್ಯದರ್ಶಿ ಮ್ಯಾಟ್ಸ್ ಮಾಲ್ಮ್ ಅವರು ಸ್ಟಾಕ್‌ಹೋಮ್‌ನಲ್ಲಿ ಪ್ರಶಸ್ತಿಯನ್ನು ಘೋಷಿಸಿದರು. ಸ್ವೀಡಿಷ್ ಸಂಶೋಧಕ ಆಲ್ಫ್ರೆಡ್ ನೊಬೆಲ್ ಅವರು ಬಿಟ್ಟುಹೋದ ಉಯಿಲಿನ ಅಡಿಯಲ್ಲಿ, ನೊಬೆಲ್ ಪ್ರಶಸ್ತಿಗಳು 11 ಮಿಲಿಯನ್ ಸ್ವೀಡಿಷ್ ಕ್ರೋನರ್ ($ 1 ಮಿಲಿಯನ್) ನಗದು ಬಹುಮಾನವನ್ನು ಹೊಂದಿರುತ್ತವೆ. ವಿಜೇತರಿಗೆ ಡಿಸೆಂಬರ್‌ನಲ್ಲಿ ನಡೆಯುವ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ 18 ಕ್ಯಾರೆಟ್ ಚಿನ್ನದ ಪದಕ ಮತ್ತು ಪ್ರಶಸ್ತಿ ಪತ್ರ ನೀಡಲಾಗುವುದು. ಕಳೆದ ವರ್ಷ, ಫ್ರೆಂಚ್ ಬರಹಗಾರ ಅನ್ನೆ ಎರ್ನಾಕ್ಸ್ ಈ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದರು. 119 ನೊಬೆಲ್ ಸಾಹಿತ್ಯ ಪ್ರಶಸ್ತಿ ವಿಜೇತರಲ್ಲಿ ಎರ್ನಾಕ್ಸ್ ಕೇವಲ 17 ನೇ ಮಹಿಳೆಯಾಗಿದ್ದರು.

ರಸಾಯನಶಾಸ್ತ್ರಕ್ಕಾಗಿ ನೊಬೆಲ್ ಪ್ರಶಸ್ತಿ ಯಾರಿಗೆ?
ಮೈಕ್ರೋ ಕ್ವಾಂಟಮ್ ಡಾಟ್‌ಗಳ ಕುರಿತಾದ ಕೆಲಸಕ್ಕಾಗಿ ಅಮೆರಿಕದ ಮೂವರು ವಿಜ್ಞಾನಿಗಳಾದ ಮೊಂಗಿ ಬವೆಂಡಿ, ಲೂಯಿಸ್ ಬ್ರೂಸ್ ಮತ್ತು ಅಲೆಕ್ಸಿ ಎಕಿಮೊವ್ ಅವರಿಗೆ ರಸಾಯನಶಾಸ್ತ್ರದ ನೊಬೆಲ್ ಪ್ರಶಸ್ತಿಯನ್ನು ನೀಡಲಾಗುವುದು ಎಂದು ಘೋಷಿಸಲಾಗಿದೆ. ಕ್ವಾಂಟಮ್ ಚುಕ್ಕೆಗಳು ಸೂಕ್ಷ್ಮ ಕಣಗಳಾಗಿವೆ, ಅವು ತುಂಬಾ ಗಾಢವಾದ ಬಣ್ಣದ ಬೆಳಕನ್ನು ಹೊರಸೂಸುತ್ತದೆ. ಎಲೆಕ್ಟ್ರಾನಿಕ್ಸ್ ಮತ್ತು ವೈದ್ಯಕೀಯ ಪ್ರಪಂಚದಲ್ಲಿ ಇಮೇಜಿಂಗ್‌ನಲ್ಲಿ ಅವುಗಳನ್ನು ಬಳಸಲಾಗುತ್ತದೆ.ರಾಯಲ್ ಸ್ವೀಡಿಷ್ ಅಕಾಡೆಮಿ ಆಫ್ ಸೈನ್ಸಸ್ ಮ್ಯಾಸಚೂಸೆಟ್ಸ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ (MIT) ಮೌಂಗಿ ಬವೆಂಡಿಯವರ ಅಧ್ಯಯನವನ್ನು ಅನುಮೋದಿಸಿದೆ; ಕೊಲಂಬಿಯಾ ವಿಶ್ವವಿದ್ಯಾನಿಲಯದ ಲೂಯಿಸ್ ಬ್ರೂಸ್ ಮತ್ತು ನ್ಯಾನೊಕ್ರಿಸ್ಟಲ್ ಟೆಕ್ನಾಲಜಿ ಇಂಕ್‌ನ ಅಲೆಕ್ಸಿ ಎಕಿಮೊವ್ ಅವರು ಕೆಲವೇ ಪರಮಾಣುಗಳ ವ್ಯಾಸವನ್ನು ಹೊಂದಿರುವ ಸೂಕ್ಷ್ಮ ಕಣಗಳ ಮೇಲಿನ ಕೆಲಸಕ್ಕಾಗಿ ಈ ಪ್ರಶಸ್ತಿಯನ್ನು ಘೋಷಿಸಲಾಗಿದೆ. ರಸಾಯನಶಾಸ್ತ್ರ ಪ್ರಶಸ್ತಿ ಘೋಷಣೆಯಾಗಿದೆ ಎಂದರೆ ನೊಬೆಲ್ ಋತುವಿನ ಅರ್ಧ ಹಂತವನ್ನು ತಲುಪಿದೆ. ಇದಾದ ನಂತರ ಅಕ್ಟೋಬರ್ 9 ರೊಳಗೆ ಶಾಂತಿ ಮತ್ತು ಅರ್ಥಶಾಸ್ತ್ರದ ಪ್ರಶಸ್ತಿಗಳನ್ನು ಪ್ರಕಟಿಸಲಾಗುವುದು ಎನ್ನಲಾಗಿದೆ.

ಇದನ್ನೂ ಓದಿ-ಭೂಮಿಯಿಂದ 400 ಕಿಮೀ ಎತ್ತರದಲ್ಲಿ ಬಾಹ್ಯಾಕಾಶದಲ್ಲಿ ಹೇಗೆ ಕಾಫಿ ಕುಡಿಯಬೇಕು? ವಿಡಿಯೋ ನೋಡಿ...!

ಭೌತಶಾಸ್ತ್ರದ ನೊಬೆಲ್
ಈ ಬಾರಿಯ ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿಯನ್ನು ಸೆಕೆಂಡಿನ ಚಿಕ್ಕ ಭಾಗದಲ್ಲಿ ಪರಮಾಣುಗಳಲ್ಲಿನ ಎಲೆಕ್ಟ್ರಾನ್‌ಗಳ ಚಲನೆಯನ್ನು ಅಧ್ಯಯನ ಮಾಡಿದ ಮೂವರು ವಿಜ್ಞಾನಿಗಳಿಗೆ ನೀಡಲಾಗುವುದು ಎಂದು ಘೋಷಿಸಲಾಗಿದೆ. ಅಮೇರಿಕದ ಓಹಿಯೋ ಸ್ಟೇಟ್ ಯೂನಿವರ್ಸಿಟಿಯ ಪಿಯರೆ ಅಗಸ್ಟಿನಿ, ಮ್ಯಾಕ್ಸ್ ಪ್ಲ್ಯಾಂಕ್ ಇನ್‌ಸ್ಟಿಟ್ಯೂಟ್ ಆಫ್ ಕ್ವಾಂಟಮ್ ಆಪ್ಟಿಕ್ಸ್‌ನ ಫ್ರಾಂಜ್ ಕ್ರಾಸ್ ಮತ್ತು ಜರ್ಮನಿಯ ಲುಡ್ವಿಗ್ ಮ್ಯಾಕ್ಸಿಮಿಲಿಯನ್ ಯುನಿವರ್ಸಿಟಿ ಆಫ್ ಮ್ಯೂನಿಚ್ ಮತ್ತು ಸ್ವೀಡನ್‌ನ ಲುಂಡ್ ವಿಶ್ವವಿದ್ಯಾನಿಲಯದ ಅನ್ನೆ ಲುಯಿಲ್ಲಿ ಅವರು ಭೌತಶಾಸ್ತ್ರ ಕ್ಷೇತ್ರದಲ್ಲಿ ನೀಡಿದ ಕೊಡುಗೆಗಾಗಿ ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ನೀಡಲಾಗುವುದು ಎನ್ನಲಾಗಿದೆ.

ಇದನ್ನೂ ಓದಿ-ಕಟಾಲಿನ್ ಕರಿಕೊ ಮತ್ತು ಡ್ರೂ ವೈಸ್‌ಮನ್‌ಗೆ ವೈದ್ಯಕೀಯ ಶಾಸ್ತ್ರದ ನೋಬೆಲ್ ಪ್ರಶಸ್ತಿ!

ವೈದ್ಯಕೀಯ ನೊಬೆಲ್ ಪಡೆದವರು ಯಾರು?
ಕೋವಿಡ್-19 ವಿರುದ್ಧ ಹೋರಾಡಲು ಎಮ್‌ಆರ್‌ಎನ್‌ಎ ಲಸಿಕೆಗಳ ಅಭಿವೃದ್ಧಿಗೆ ಸಂಬಂಧಿಸಿದ ಆವಿಷ್ಕಾರಗಳಿಗಾಗಿ ಕ್ಯಾಟಲಿನ್ ಕರಿಕೊ ಮತ್ತು ಡ್ರೂ ವೈಸ್‌ಮನ್ ಅವರಿಗೆ ನೊಬೆಲ್ ಆಫ್ ಮೆಡಿಸಿನ್ ನೀಡಲಾಗುವುದು ಎಂದು ಘೋಷಿಸಲಾಗಿದೆ.

ಇದನ್ನೂ ನೋಡಿ-