Nayanthara plastic surgery : ಹೊಸ ನಟಿಯರ ನಡುವೆ ಲೇಡಿ ಸೂಪರ್ ಸ್ಟಾರ್ ನಯನತಾರಾ ಕ್ರೇಜ್‌ ಇಂದಿಗೂ ಕೊಂಚವೂ ಕಡಿಮೆಯಾಗಿಲ್ಲ.. ಈ ನಡುವೆ ನಟಿ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿದ್ದಾರೆ ಎನ್ನುವ ಸುದ್ದಿಯೊಂದು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿತ್ತು.. ಇದೀಗ ಈ ಕುರಿತು ಸ್ವತಃ ನಯನತಾರಾ ಸ್ಪಷ್ಟನೆ ನೀಡಿದ್ದಾರೆ..
ನಟಿ ನಯನತಾರಾ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಭಾಷೆಯ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ನಯನತಾರಾ 2003 ರಲ್ಲಿ ಮಲಯಾಳಂ ಚಿತ್ರ ಮನಸಿನಕರೆ ಮೂಲಕ ಸಿನಿರಂಕ್ಕೆ ಎಂಟ್ರಿ ಕೊಟ್ಟರು.
2005ರಲ್ಲಿ ಹರಿ ನಿರ್ದೇಶನದ ಅಯ್ಯಾ ಚಿತ್ರದಲ್ಲಿ ನಟಿಸುವ ಮೂಲಕ ನಯನತಾರಾ ತಮಿಳು ಅಭಿಮಾನಿಗಳ ಗಮನ ಸೆಳೆದರು.
2010 ರಲ್ಲಿ ತೆರೆಕಂಡ ಸೂಪರ್ ಸಿನಿಮಾದ ಮೂಲಕ ನಯನತಾರ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟು ಕನ್ನಡಿಗರ ಮನ ಗೆದ್ದರು.
ಚಂದ್ರಮುಖಿ ಚಿತ್ರದಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್‌ ಅವರಿಗೆ ಜೋಡಿಯಾಗಿ ಕಾಲಿವುಡ್ ಅಭಿಮಾನಿಗಳ ಮನದಲ್ಲಿ ಸ್ಥಾನ ಪಡೆದರು.
ಸದ್ಯ ನಯನತಾರಾ ನಾಯಕಿಯರಿಗೆ ಪ್ರಾಮುಖ್ಯತೆ ನೀಡುವ ಚಿತ್ರಗಳಲ್ಲಿ ನಟಿಸುತ್ತಲೇ ಇದ್ದಾರೆ. ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿದ್ದೇನೆ ಎಂಬ ವದಂತಿಗಳಿಗೆ ತೆರೆ ಎಳೆಯಲು ನಯನತಾರಾ ಮಾತನಾಡಿದ್ದಾರೆ.
ಪ್ಲಾಸ್ಟಿಕ್ ಸರ್ಜರಿ ವದಂತಿಗೆ ನಯನತಾರಾ ತೆರೆ ಎಳೆದಿದ್ದಾರೆ.. ಈ ಕುರಿತು ಮಾತನಾಡಿರುವ ಅವರು ಡಯಟ್ ಮಾಡುತ್ತಿರುವುದರಿಂದ ತೂಕ ಹೆಚ್ಚಾದಾಗ ಮತ್ತು ಕಡಿಮೆಯಾದಾಗ ಮುಖ ಶೇಪ್‌ ಬದಲಾಗುತ್ತದೆ ಎಂದು ತಿಳಿಸಿದ್ದಾರೆ.. ಇದನ್ನೇ ಕೆಲವರು ಪ್ಲಾಸ್ಟಿಕ್ ಸರ್ಜರಿ ಅಂತ ಅಂದುಕೊಂಡಿದ್ದಾರೆ ಎಂದು ವಿವರಿಸಿದ್ದಾರೆ..
