ನವದೆಹಲಿ: 2030ರ ವೇಳೆಗೆ ಭಾರತವನ್ನು ಕಡಿಮೆ ಆದಾಯದ ದೇಶದಿಂದ ಮಧ್ಯಮ ಆದಾಯದ ಆರ್ಥಿಕತೆಗೆ ಪರಿವರ್ತಿಸಲಾಗುವುದು ಎಂದು ನೀತಿ ಆಯೋಗ (Niti Ayog)ದ ಉಪಾಧ್ಯಕ್ಷ ರಾಜೀವ್ ಕುಮಾರ್ ಹೇಳಿದರು. ಏಪ್ರಿಲ್ 2021ರ ವೇಳೆಗೆ ದೇಶದಲ್ಲಿ ಹೂಡಿಕೆ ಚಕ್ರವು ಸುಧಾರಿಸಲಿದೆ ಮತ್ತು ವ್ಯಾಪಾರ ರಂಗದ ಪರಿಸ್ಥಿತಿಯನ್ನು ಬಲಪಡಿಸಲು ಸಾಕಷ್ಟು ಪ್ರಯತ್ನಗಳನ್ನು ಮಾಡಲಾಗುವುದು ಎಂದು ಕುಮಾರ್ ಭರವಸೆ ವ್ಯಕ್ತಪಡಿಸಿದರು.
ಪಿಟಿಐ ಸುದ್ದಿಯ ಪ್ರಕಾರ ದೇಶದ ಕೊರೊನಾವೈರಸ್ ಸ್ಥಿತಿಯ ಕುರಿತ ಕಾರ್ಯಕ್ರಮವೊಂದರಲ್ಲಿ ಕೋವಿಡ್ -19 (Covid-19) ಸಾಂಕ್ರಾಮಿಕ ರೋಗವನ್ನು ಪಾಶ್ಚಿಮಾತ್ಯ ದೇಶಗಳಿಗೆ ಹೋಲಿಸುವುದು ಸರಿಯಲ್ಲ. ಇದಕ್ಕೆ ಕಾರಣವೆಂದರೆ ಸಂಪನ್ಮೂಲ ಮತ್ತು ಆದ್ಯತೆ ಒಂದೇ ಆಗಿರುವುದಿಲ್ಲ ಎಂದು ಹೇಳಿದರು.
ಕರೋನಾವೈರಸ್ ನಂತರ ದೇಶದ ಆರ್ಥಿಕ ಸ್ಥಿತಿ ಏನಾಗಲಿದೆ? ನೀತಿ ಆಯೋಗದ ಉಪಾಧ್ಯಕ್ಷರು ಹೇಳಿದ್ದೇನು?
ಪ್ರಾರಂಭವಾದ ದೊಡ್ಡ ಕಾರ್ಯಕ್ರಮಗಳಲ್ಲಿ ಕೆಳವರ್ಗದ ಜನರ ಆರೋಗ್ಯ ಮತ್ತು ಯೋಗಕ್ಷೇಮಕ್ಕೆ ಒತ್ತು ನೀಡಲಾಗಿದೆ. ಅದರ ನಂತರ ಕೈಗಾರಿಕೆಗಳು ಮತ್ತು ವ್ಯವಹಾರಗಳಿಗೆ ಒತ್ತು ನೀಡಲಾಗುತ್ತದೆ. ವಿಶೇಷವಾಗಿ ಸಣ್ಣ ಮತ್ತು ಮಧ್ಯಮ (ಎಂಎಸ್‌ಎಂಇ) ಕಂಪನಿಗಳಿಗೆ, ನಗದು ಸಮಸ್ಯೆಯನ್ನು ತೆಗೆದುಹಾಕಲಾಗಿದೆ. ಜನರ ಜೀವ ಮತ್ತು ಜೀವನೋಪಾಯವನ್ನು ಉಳಿಸಲು ಸರ್ಕಾರ ಕೆಲಸ ಮಾಡುತ್ತಿದೆ ಎಂದು ನೀತಿ ಆಯೋಗದ ಉಪಾಧ್ಯಕ್ಷರು ಭರವಸೆ ನೀಡಿದರು.
ಸುದ್ದಿಯ ಪ್ರಕಾರ ಈ ದಶಕದಲ್ಲಿ ಭಾರತವನ್ನು 2030ರ ವೇಳೆಗೆ ಕಡಿಮೆ ಆದಾಯದ ದೇಶದಿಂದ ಮಧ್ಯಮ ಆದಾಯದ ಆರ್ಥಿಕತೆಗೆ ಪರಿವರ್ತಿಸುವ ಹಾದಿಯಲ್ಲಿ ಸಾಗುತ್ತೇವೆ. ಏಪ್ರಿಲ್ 2021ರ ವೇಳೆಗೆ ದೇಶವು ಹೂಡಿಕೆ ಚಕ್ರದಲ್ಲಿ ಸುಧಾರಣೆಯ ಹಾದಿಯನ್ನು ತಲುಪಲಿದೆ ಎಂಬ ವಿಶ್ವಾಸವಿದೆ. ಅದೇ ಸಮಯದಲ್ಲಿ ವಿಶ್ವ ಮಟ್ಟದಲ್ಲಿ ವ್ಯಾಪಾರವನ್ನು ಸುಧಾರಿಸಲು ಭಾರತ ಬಲವಾದ ಪ್ರಯತ್ನಗಳನ್ನು ಮಾಡುತ್ತದೆ ಎಂದು ಕುಮಾರ್ ಹೇಳಿದರು.
ಇಂಡಸ್ಟ್ರಿ ಬಾಡಿ ಸಿಐಐ ನಡೆಸಿದ ಈ ಆನ್‌ಲೈನ್ ಕಾರ್ಯಕ್ರಮದಲ್ಲಿ ಹೀರೋ ಎಂಟರ್‌ಪ್ರೈಸಸ್‌ನ ಅಧ್ಯಕ್ಷ ಸುನಿಲ್ ಕಾಂತ್ ಮುಂಜಾಲ್ ಕಂಪೆನಿಗಳು ಬಿಕ್ಕಟ್ಟನ್ನು ನಿವಾರಿಸಲಿದ್ದಾರೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದರು. ಅದೇ ರೀತಿ ಬಿಎಲ್‌ಪಿ ಗ್ರೂಪ್ ಇಂಡಿಯಾ ಅಧ್ಯಕ್ಷ ಮತ್ತು ಸಿಇಒ ತೇಜ್‌ಪ್ರೀತ್ ಎಸ್ ಚೋಪ್ರಾ ಮಾತನಾಡಿ ಹೊಸ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವ ಕಂಪನಿಗಳು ವೇಗವಾಗಿ ಚಲಿಸುತ್ತವೆ ಎಂದರು.
