Vi ಈಗ ತನ್ನ ಎಲ್ಲ ಗ್ರಾಹಕರನ್ನು 3G ನೆಟ್‌ವರ್ಕ್‌ನಿಂದ 4 G ಮತ್ತು 5 G ಗೆ ವರ್ಗಾಯಿಸುವ ಇರಾದೆ ಹೊಂದಿದೆ.
ನವದೆಹಲಿ : ವೊಡಾಫೋನ್- ಐಡಿಯಾ (Vi) ಗ್ರಾಹಕರಿಗೆ ಬಹಳ ಮುಖ್ಯವಾದ ಸುದ್ದಿ ಬಂದಿದೆ. ಖಾಸಗಿ ಟೆಲಿಕಾಂ ಕಂಪನಿ Vi ತನ್ನ ಸೇವೆಗಳಲ್ಲಿ ಒಂದನ್ನು ಶೀಘ್ರದಲ್ಲೇ ಸ್ಥಗಿತಗೊಳಿಸಲಿದೆ. ಕಂಪನಿಯ ಈ ನಿರ್ಧಾರದಿಂದ ಲಕ್ಷಾಂತರ ಜನರು ಪರಿಣಾಮ ಬೀರಲಿದ್ದಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
ಟೆಕ್ ಸೈಟ್ ಟೆಲಿಕಾಂಟಾಕ್ ಪ್ರಕಾರ, Vi ತನ್ನ 3G ಸೇವೆಯನ್ನು ಶೀಘ್ರದಲ್ಲೇ ನಿಲ್ಲಿಸಲಿದೆ. 2022 ರ ಅಂತ್ಯದ ವೇಳೆಗೆ 3 ಜಿ ಸೇವೆಗಳನ್ನು ದೇಶಾದ್ಯಂತ ಸಂಪೂರ್ಣವಾಗಿ ನಿಲ್ಲಿಸಲಾಗುವುದು ಎಂದು ಕಂಪನಿಯ ಎಂಡಿ ಮತ್ತು ಸಿಇಒ ರವೀಂದ್ರ ಠಕ್ಕರ್ ತಿಳಿಸಿದ್ದಾರೆ.
ಮಾಹಿತಿಯ ಪ್ರಕಾರ, Vi ಈಗ ತನ್ನ ಎಲ್ಲ ಗ್ರಾಹಕರನ್ನು 3G ನೆಟ್‌ವರ್ಕ್‌ನಿಂದ 4 G ಮತ್ತು 5 G ಗೆ ವರ್ಗಾಯಿಸುವ ಇರಾದೆ ಹೊಂದಿದೆ. ಈ ಕಾರಣದಿಂದಾಗಿಯೇ ಕಂಪನಿಯು ಈಗ ತನ್ನ 3G ಸೇವೆಗಳನ್ನು ಸ್ಥಗಿತಗೊಳಿಸುವ ನಿರ್ಧಾರಕ್ಕೆ ಬಂದಿದೆ.
Vi ಈಗ ದೇಶದಲ್ಲಿ 5 G ನೆಟ್ ವರ್ಕ್ ಪ್ರಾರಂಭಿಸಲು ತಯಾರಿ ನಡೆಸುತ್ತಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಸರ್ಕಾರದಿಂದ ಅನುಮತಿ ಪಡೆದ ನಂತರ ಕಂಪನಿಯು ದೇಶದಲ್ಲಿ ಸೂಪರ್ ಫಾಸ್ಟ್ 5 G ನೆಟ್‌ವರ್ಕ್ ಅನ್ನು ಪ್ರಾರಂಭಿಸುತ್ತದೆ.
ಒಂದು ವೇಳೆ, ನೀವು 3 G ನೆಟ್‌ವರ್ಕ್ ಸಂಪರ್ಕವನ್ನು ಹೊಂದಿದ್ದರೆ, ನಂತರ ನೀವು ನಿಮ್ಮ ಹತ್ತಿರದ Vi ಸ್ಟೋರ್‌ಗೆ ಹೋಗಿ ಹೊಸ 4 G ಸಂಪರ್ಕವನ್ನು ಪಡೆಯಬಹುದು. ಕಂಪನಿಯು ಈ ಬಗ್ಗೆ ಗ್ರಾಹಕರಿಗೆ ಸಂದೇಶಗಳನ್ನು ಕಳುಹಿಸಲು ಪ್ರಾರಂಭಿಸಿದೆ.
ಮಾಹಿತಿಯ ಪ್ರಕಾರ, ಪ್ರಸ್ತುತ, Vi ಯಲ್ಲಿ ಸುಮಾರು 1.1 ಕೋಟಿ ಗ್ರಾಹಕರು 3 G ಸಂಪರ್ಕ ಹೊಂದಿದ್ದಾರೆ.
