ಗಾಂಧಿಯವರ ಜೀವನವು ತುಂಬಾ ಸರಳವಾಗಿತ್ತು. ಅವರ ಸರಳತೆಗಾಗಿ ಅವರು ಪ್ರಪಂಚದಾದ್ಯಂತ ಹೆಸರುವಾಸಿಯಾಗಿದ್ದಾರೆ. ಈ 5 ಫೋಟೋಗಳು ಬಹಳಷ್ಟು ಹೇಳುತ್ತವೆ, ಮಹಾತ್ಮ ಗಾಂಧಿಯವರ ಜೀವನದ ಒಂದು ನೋಟ ನಿಮಗಾಗಿ ಇಲ್ಲಿದೆ..
Gandhi Jayanti 2021: ಮಹಾತ್ಮ ಗಾಂಧಿ, ಸತ್ಯ ಮತ್ತು ಅಹಿಂಸೆಯ ಪ್ರತಿಪಾದಕರು ಅಲ್ಲದೆ ನಮ್ಮ ದೇಶಕ್ಕೆ ಸ್ವಾತಂತ್ರ್ಯ ನೀಡುವಲ್ಲಿ ಪ್ರಮುಖ ಪಾತ್ರ ವಹಿಸಿದವರು. ಗಾಂಧೀಜಿ ಸ್ವಾತಂತ್ರ್ಯಕ್ಕಾಗಿ ಅನೇಕ ಚಳುವಳಿಗಳನ್ನು ಮಾಡಿದ್ದಾರೆ, ಅದರ ಆಧಾರದ ಮೇಲೆ ಬ್ರಿಟಿಷರು ಭಾರತವನ್ನು ತೊರೆಯಬೇಕಾಯಿತು. ಗಾಂಧೀಜಿ ಸ್ವಾತಂತ್ರ್ಯ ಹೋರಾಟದ ಮಹಾನ್ ಚಿಂತಕರಾಗಿದ್ದರು. ಅವರ ಆಲೋಚನೆಗಳು ಅನೇಕ ಜನರ ಜೀವನವನ್ನು ಬದಲಾಯಿಸಿತು. ಗಾಂಧಿಯವರ ಜೀವನವು ತುಂಬಾ ಸರಳವಾಗಿತ್ತು. ಅವರ ಸರಳತೆಗಾಗಿ ಅವರು ಪ್ರಪಂಚದಾದ್ಯಂತ ಹೆಸರುವಾಸಿಯಾಗಿದ್ದಾರೆ. ಈ 5 ಫೋಟೋಗಳು ಬಹಳಷ್ಟು ಹೇಳುತ್ತವೆ, ಮಹಾತ್ಮ ಗಾಂಧಿಯವರ ಜೀವನದ ಒಂದು ನೋಟ ನಿಮಗಾಗಿ ಇಲ್ಲಿದೆ..
ಸ್ವದೇಶಿ ವಸ್ತುಗಳ ಬಳಕೆಗೆ ಕರೆ ನೀಡಿದ ಗಾಂಧೀಜಿ : ಗಾಂಧೀಜಿ ನೂಲುವ ಚಕ್ರವನ್ನು ಸತ್ಯ, ಅಹಿಂಸೆಯೊಂದಿಗೆ ತಮ್ಮ ಶಕ್ತಿಯನ್ನಾಗಿಸಿಕೊಂಡರು ಮತ್ತು ಅದೇ ನೂಲುವ ಚಕ್ರವು ನಮ್ಮ ದೇಶಕ್ಕೆ ಸ್ವಾತಂತ್ರ್ಯದ ಮೊದಲು ಸ್ವಾವಲಂಬಿಯಾಗುವ ಮೊದಲ ಪಾಠವನ್ನು ಕಲಿಸಿಕೊಟ್ಟಿತು. ಗಾಂಧೀಜಿ ಆ ಸಮಯದಲ್ಲಿಯೂ ಸ್ವದೇಶಿಯನ್ನು ಅಳವಡಿಸಿಕೊಳ್ಳುವ ಸಂದೇಶವನ್ನು ಚರಖಾ ಮೂಲಕ ನೀಡುತ್ತಿದ್ದರು.
ದಂಡೀ ಯಾತ್ರೆ : ಬ್ರಿಟಿಷ್ ಉಪ್ಪಿನ ಕಾನೂನನ್ನು ವಿರುದ್ಧ ಮಹಾತ್ಮ ಗಾಂಧಿ ದಂಡಿ ಮಾರ್ಚ್ ಅನ್ನು ಆಯೋಜಿಸಿದರು. ಈ ಯಾತ್ರೆ 12 ಮಾರ್ಚ್ 1930 ರಂದು ಗುಜರಾತಿನ ದಂಡಿಯಿಂದ ಆರಂಭವಾಯಿತು. ಇದು ದೇಶವು ಸ್ವಾತಂತ್ರ್ಯಕ್ಕಾಗಿ ಯಾತ್ರೆ ಮಾಡುತ್ತಿದ್ದ ಸಮಯ. ಒಂದೆಡೆ, ಭಗತ್ ಸಿಂಗ್ ನಂತಹ ಯುವ ನಾಯಕರು ಬ್ರಿಟಿಷರನ್ನು ಉಸಿರುಗಟ್ಟಿಸಿದರು ಮತ್ತು ಮತ್ತೊಂದೆಡೆ, ಮಹಾತ್ಮಾ ಗಾಂಧಿ ಅಹಿಂಸಾತ್ಮಕ ಚಳುವಳಿಯ ಮೂಲಕ ಬ್ರಿಟಿಷ್ ಉಪ್ಪಿನ ಕಾನೂನನ್ನು ಮುರಿಯಲು ಮುಂದಾದರು.
ವೃತ್ತಿಯಲ್ಲಿ ಬ್ಯಾರಿಸ್ಟರ್ : ಮಹಾತ್ಮ ಗಾಂಧಿ ಉನ್ನತ ಶಿಕ್ಷಣಕ್ಕಾಗಿ ಕಾಲೇಜಿಗೆ ಸೇರಿಕೊಂಡರು, ಆದರೆ ಬಡ ಕುಟುಂಬದಿಂದ ಬಂದಿದ್ದರಿಂದ ಮತ್ತು ಶುಲ್ಕವನ್ನು ಭರಿಸಲು ಸಾಧ್ಯವಾಗದ ಕಾರಣ, ಅವರು ಕಾಲೇಜನ್ನು ಮಧ್ಯದಲ್ಲಿಯೇ ಬಿಡಬೇಕಾಯಿತು. ಗಾಂಧಿ ಕಾಲೇಜನ್ನು ತೊರೆದಾಗ, ಅವರ ಕುಟುಂಬ ಸ್ನೇಹಿತ ಮಾವ್ಜಿ ಡೇವ್ ಜೋಶಿ ಅವರಿಗೆ ಮತ್ತು ಅವರ ಕುಟುಂಬಕ್ಕೆ ಕಾನೂನು ಅಧ್ಯಯನ ಮಾಡಲು ಲಂಡನ್‌ಗೆ ಹೋಗಬೇಕೆಂದು ಸಲಹೆ ನೀಡಿದರು. ಇದರ ನಂತರ, ಕುಟುಂಬದ ಸದಸ್ಯರ ಮನವೊಲಿಸಿದ ನಂತರ, ಅವರು ಲಂಡನ್‌ಗೆ ಹೋಗಿ ಬ್ಯಾರಿಸ್ಟರ್ ಅಧ್ಯಯನ ಮಾಡಿದರು. ಅವರು ಹಲವು ವರ್ಷಗಳ ಕಾಲ ಆಫ್ರಿಕಾದಲ್ಲಿ ವಾಸಿಸುತ್ತಿದ್ದರು. ನಂತರ ಭಾರತಕ್ಕೆ ಮರಳಿದ ನಂತರ, ದೇಶವನ್ನು ಬ್ರಿಟಿಷರಿಂದ ಮುಕ್ತಗೊಳಿಸಲು ಅವರು ತಮ್ಮ ಜೀವನವನ್ನು ಮುಡಿಪಾಗಿಟ್ಟರು. ಅವರ ಆಲೋಚನೆಗಳಿಂದ ಜನರು ಎಷ್ಟು ಪ್ರಭಾವಿತರಾಗಿದ್ದರು ಎಂದರೆ ಎಲ್ಲರೂ ಅವರನ್ನ ಮಹಾತ್ಮ ಎಂಬ ಹೆಸರಿನಿಂದ ಕರೆಯಲು ಆರಂಭಿಸಿದರು.
ಕಸ್ತೂರ್ ಬಾ ಅವರನ್ನ ವಿವಾಹವದ ಗಾಂಧೀಜಿ : 13 ನೇ ವಯಸ್ಸಿನಲ್ಲಿ ಮಹಾತ್ಮ ಗಾಂಧಿಯವರು ಕಸ್ತೂರ್ ಬಾ ಗಾಂಧಿಯನ್ನು ವಿವಾಹವಾದರು. ಅವರ ಗಂಭೀರ ಮತ್ತು ಸ್ಥಿರ ಸ್ವಭಾವದಿಂದಾಗಿ, ಎಲ್ಲರೂ ಅವರನ್ನು 'ಬಾ' ಎಂದು ಕರೆಯುತ್ತಿದ್ದರು. 1922 ರಲ್ಲಿ, ಸ್ವಾತಂತ್ರ್ಯ ಹೋರಾಟದಲ್ಲಿ ಹೋರಾಡುವಾಗ ಮಹಾತ್ಮ ಗಾಂಧಿ ಜೈಲಿಗೆ ಹೋದಾಗ, ಕಸ್ತೂರ್ ಬಾ ಗಾಂಧಿಯವರು ಚಳುವಳಿ ಪ್ರಾರಂಭಿಸಿದರು ಮತ್ತು ಅದರಲ್ಲಿ ಮಹಿಳೆಯರನ್ನು ಸೇರಿಸಲು ಮತ್ತು ಸ್ವಾತಂತ್ರ್ಯ ಹೋರಾಟದಲ್ಲಿ ಅವರ ಭಾಗವಹಿಸುವಿಕೆಯನ್ನು ಹೆಚ್ಚಿಸಲು ಯಶಸ್ವಿಯಾದರು. 1915 ರಲ್ಲಿ ಕಸ್ತೂರ್ಬಾ ಮಹಾತ್ಮ ಗಾಂಧಿಯವರೊಂದಿಗೆ ಭಾರತಕ್ಕೆ ಮರಳಿದಾಗ, ಅವರು ಸಬರಮತಿ ಆಶ್ರಮದಲ್ಲಿ ಜನರಿಗೆ ಸಹಾಯ ಮಾಡಲು ಪ್ರಾರಂಭಿಸಿದರು.ಆಶ್ರಮದಲ್ಲಿ ಎಲ್ಲರೂ ಅವರನ್ನು 'ಬಾ' ಎಂದು ಕರೆಯುತ್ತಿದ್ದರು. 'ಬಾ' ಎಂದರೆ 'ತಾಯಿ' ಎಂದರ್ಥ.
ಗಾಂಧಿಯವರ ಬಾಲ್ಯ ಜೀವನ : ಗಾಂಧೀಜಿಯವರು 2 ಅಕ್ಟೋಬರ್ 1969 ರಂದು ಗುಜರಾತನ ಪೋರಬಂದರ್‌ನಲ್ಲಿ ಜನಿಸಿದರು. ಗಾಂಧೀಜಿಯವರು ಬಾಲ್ಯದಿಂದಲೂ ವಿದ್ಯಾಭ್ಯಾಸದಲ್ಲಿ ಚುರುಕಾಗಿದ್ದರು. ಅವರ ಆತ್ಮಚರಿತ್ರೆಯಾದ 'ಮೈ ಎಕ್ಸ್ಪರಿಮೆಂಟ್ಸ್ ವಿಥ್ ಟ್ರುತ್' ನಲ್ಲಿ, ಗಾಂಧಿ ಬಾಲ್ಯದಲ್ಲಿ ನಾನು ದೆವ್ವಗಳಿಗೆ ತುಂಬಾ ಹೆದರುತ್ತಿದ್ದೆ ಎಂದು ಬರೆದಿದ್ದಾರೆ. ಆ ಭಯವನ್ನು ತಗ್ಗಿಸಲು, ಅವರು ರಾಮನ ಹೆಸರನ್ನು ಜಪಿಸುತ್ತಿದ್ದರು, ಅದನ್ನು ಅವರ ತಮ್ಮ ಜೀವನದ ಕೊನೆಯ ಸಮಯದವರೆಗೂ ಅದನ್ನ ಜಪಿಸಿದ್ದಾರೆ. ಹಾಗಾಗಿ ರಾಜ್ ಘಾಟ್ ನ ಅವರ ಸಮಾಧಿ ಮೇಲೆ ಹೇ ರಾಮ್ ಎಂದು ಬರೆಯಲಾಗಿದೆ
