ಇಂದು ಜಗತ್ತು ನಿಂತಿರುವುದು ಹಣದ ಮೇಲೆ ಎಂದರೆ ತಪ್ಪಾಗಲ್ಲ. ಹಣ ಕಂಡರೆ ಹೆಣ ಕೂಡ ಬಾಯಿ ಬಿಡುತ್ತೆ ಎಂಬ ಮಾತಿನಂತೆ ಇಂದಿನ ಕಾಲದಲ್ಲಿ ಪ್ರತಿಯೊಬ್ಬರೂ ಸಹ ಹಣದ ಹಿಂದೆ ಓಡುತ್ತಿದ್ದಾರೆ. ಆದರೆ ಪ್ರೀತಿ, ಸಂಬಂಧ ಎಂದು ಬಂದಾಗ ಹಣವನ್ನು ನೋಡಬಾರದು, ಸಂಬಂಧಕ್ಕೆ ಬೆಲೆ ಕೊಡಬೇಕು ಎಂಬ ಮಾತಿದೆ.
ಕೆಲವು ರಾಶಿಯ ಜನರು ಹಣವನ್ನು ಪ್ರೀತಿಗಿಂದ ಹೆಚ್ಚಾಗಿ ಇಷ್ಟಪಡುತ್ತಾರಂತೆ. ಅಂತಹ ರಾಶಿ ಬಗ್ಗೆ ಇಲ್ಲಿ ಮಾಹಿತಿ ನೀಡಲಾಗಿದೆ.
ವೃಶ್ಚಿಕ ರಾಶಿಯ ಜನರು ಹಣದ ವಿಚಾರದಲ್ಲಿ ಸ್ವಲ್ಪಮಟ್ಟಿಗೆ ವಾಸ್ತವಿಕವಾದಿಗಳು. ಅವರಿಗೆ ಐಷಾರಾಮಿ ಜೀವನದ ಬಗ್ಗೆ ಹೆಚ್ಚಿನ ಉತ್ಸಾಹವಿರುತ್ತದೆ. ಇವರು ಹಣವನ್ನು ಇಷ್ಟಪಟ್ಟರೂ ಸಹ ಶಾಶ್ವತವಾದ ಸಂಬಂಧವನ್ನು ಕಂಡುಕೊಳ್ಳಲು ಹವಣಿಸುತ್ತಾರೆ.
ಇನ್ನು ಮಕರ ರಾಶಿಯವರಿಗೆ ಪ್ರೀತಿಯ ವಿಚಾರದಲ್ಲಿ ದೃಢತೆ ಇದ್ದರೂ ಸಹ, ಅವರು ಆರ್ಥಿಕವಾಗಿ ಸದೃಢವಾಗಿರಲು ಇಷ್ಟಪಡುತ್ತಾರೆ. ಮಕರ ರಾಶಿಯವರು ಹಣ ಮತ್ತು ಪ್ರೀತಿ ಎರಡರಲ್ಲೂ ಜೀವಿಸಲು ಇಷ್ಟಪಡುತ್ತಾರೆ. ಆದರೆ ಅವರ ಹೆಚ್ಚಿನ ಮನಸ್ಸು ಹಣ ಮತ್ತು ಸ್ಥಾನಮಾನವನ್ನು ಗಳಿಸುವಲ್ಲಿ ಇರುತ್ತದೆ.
ಇನ್ನು ಧನು ರಾಶಿಯವರು ಆಸೆಗಳನ್ನು ಪೂರೈಸಿಕೊಳ್ಳಲು ಹಣದ ಹಿಂದೆ ಬೀಳುತ್ತಾರೆ. ಹೆಚ್ಚು ದುಂದುವೆಚ್ಚ ಮಾಡುವ ಇವರು, ಹಣಕ್ಕಾಗಿ ಯಾರನ್ನಾದರೂ ಪ್ರೀತಿಸಬಲ್ಲರು. ಅಥವಾ ಹಣಕ್ಕಾಗಿ ಸಂಗಾತಿಯನ್ನು ಬಿಟ್ಟು ದುಡ್ಡಿನ ಹಿಂದೆ ಬೀಳುವ ಸಾಧ್ಯತೆಯಿದೆ.
ಪ್ರೀತಿ ಮತ್ತು ಸಂಪತ್ತಿನ ವಿಚಾರ ಬಂದರೆ ವೃಷಭ ರಾಶಿಯವರು ಹಣವನ್ನು ಆರಿಸಿಕೊಳ್ಳುತ್ತಾರೆ. ತಾವು ಕಂಡ ಕನಸಿನಂತೆ ಬದುಕುವ ಇವರು, ದುಡ್ಡಿಗಾಗಿ ಯಾರನ್ನಬೇಕಾದರು ಪ್ರೀತಿಸಬಲ್ಲರು. ಇವರಿಗೆ ಜೀವನ ವಿಧಾನದ ಬಗ್ಗೆ ಮೊಂಡುತನ ಮತ್ತು ಕಠಿಣತೆ ಇದೆ. ಹೀಗಾಗಿ ಹಣವಿದ್ದರೆ ಎಲ್ಲಾ ಸಾಧ್ಯ ಎಂಬ ಭಾವನೆ ಇವರದ್ದು.
