ಟಿ20 ವಿಶ್ವಕಪ್ ಗೆದ್ದ ಬಳಿಕ ಗುರುವಾರ ಭಾರತಕ್ಕೆ ಆಗಮಿಸಿದ ಟೀಂ ಇಂಡಿಯಾವನ್ನು ಅದ್ಧೂರಿಯಾಗಿ ಸ್ವಾಗತಿಸಲಾಯಿತು. ಟೀಂ ಇಂಡಿಯಾ ನೇರವಾಗಿ ದೆಹಲಿಗೆ ಬಂದು ಪ್ರಧಾನಿ ಮೋದಿ ಜೊತೆ ಮಾತುಕತೆ ನಡೆಸಿ, ಅಲ್ಲಿಂದ ಮುಂಬೈಗೆ ಆಗಮಿಸಿದರು.
ಅಂದಹಾಗೆ ವಿರಾಟ್ ಈ ವಿಜಯಯಾತ್ರೆ ಮುಗಿಸಿದ ಬಳಿಕ ಮತ್ತೆ ದೆಹಲಿಗೆ ಭೇಟಿ ನೀಡಿದ್ದಾರೆ. ದೆಹಲಿ ತಲುಪುತ್ತಿದ್ದಂತೆ ಕುಟುಂಬವನ್ನು ಭೇಟಿಯಾದ ವಿರಾಟ್, ಸಹೋದರ ವಿಕಾಸ್ ಕೊಹ್ಲಿ ಮತ್ತು ಅವರ ಮಕ್ಕಳನ್ನು ಭೇಟಿ ಮಾಡಿದ್ದಾರೆ.
ಅವರ ಜೊತೆ ಕಳೆದ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ. ಇನ್ನೊಂದೆಡೆ ವಿಕಾಸ್ ಕೊಹ್ಲಿ ಇನ್ಸ್ಟಾಗ್ರಾಂನಲ್ಲಿ 'ಸೂಪರ್ ಪ್ರೌಡ್ ಬ್ರದರ್' ಎಂದು ಬರೆದುಕೊಂಡಿದ್ದಾರೆ. ಈ ಚಿತ್ರಗಳಲ್ಲಿ, ವಿರಾಟ್ ತನ್ನ ಸಹೋದರ ವಿಕಾಸ್, ಅವರ ಮಗ, ಸೋದರಳಿಯ ಮತ್ತು ಸೊಸೆಯೊಂದಿಗೆ ಕಾಣಿಸಿಕೊಂಡಿದ್ದಾರೆ.
ಪ್ರಸ್ತುತ ಮುಂಬೈನಲ್ಲಿ ಪತ್ನಿ ಮತ್ತು ಮಕ್ಕಳೊಂದಿಗೆ ವಾಸಿಸುತ್ತಿರುವ ವಿರಾಟ್ ಕೊಹ್ಲಿ ದೆಹಲಿಯ ನಿವಾಸಿ. ಅವರ ಇಡೀ ಕುಟುಂಬ ದೆಹಲಿಯಲ್ಲಿ ವಾಸಿಸುತ್ತಿದೆ.
ಇನ್ನು ಫೋಟೋ ವೈರಲ್ ಆಗುತ್ತಿದ್ದಂತೆ, ವಿರಾಟ್ ಸೊಸೆ ಸದ್ದು ಮಾಡುತ್ತಿದ್ದಾಳೆ. ಈಕೆ ಹೆಸರು ಮೆಹಕ್ ದಿಂಗ್ರಾ. ವಿರಾಟ್ ಸಹೋದರಿ ಭಾವನಾ ದಿಂಗ್ರಾ ಮತ್ತು ಸಂಜಯ್ ದಿಂಗ್ರಾ ಮಗಳು.
ಮೆಹಕ್, ವಿಶ್ವಕಪ್ ಪದಕವನ್ನು ಕೊರಳಿಗೆ ಧರಿಸಿ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಈ ಫೋಟೋ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
