ನೀವು ಆಯುಷ್ಮಾನ್ ಭಾರತ್ ಯೋಜನೆಯ (Ayushman Bharat Yojana) ಫಲಾನುಭವಿಗಳಾಗಿದ್ದರೆ ಅಥವಾ ಶೀಘ್ರದಲ್ಲೇ ನಿಮ್ಮ ನೋಂದಣಿ ಪಡೆಯಲು ಹೊರಟಿದ್ದರೆ, ಮೋದಿ ಸರ್ಕಾರ ನಿಮಗೆ ದೊಡ್ಡ ಪರಿಹಾರ ನೀಡಿದೆ. ಈಗ ಈ ಯೋಜನೆಗೆ ಸೇರ್ಪಡೆಗೊಳ್ಳಲು ಬಯಸುವವರಿಗೆ ಅರ್ಹತಾ ಕಾರ್ಡ್ (Entitlement Card) ಅನ್ನು ಉಚಿತವಾಗಿ ನೀಡಲಾಗುವುದು. ಈ ಮೊದಲು ಈ ಕಾರ್ಡಿಗಾಗಿ 30 ರೂಪಾಯಿಗಳ ಶುಲ್ಕ ವಿಧಿಸಲಾಗುತ್ತಿತ್ತು. ಮೋದಿ ಸರ್ಕಾರದ ಈ ನಿರ್ಧಾರ ಬಡ ಕುಟುಂಬಗಳಿಗೆ ಸಾಕಷ್ಟು ಪರಿಹಾರ ನೀಡಿದಂತಾಗುತ್ತದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
ಆಯುಷ್ಮಾನ್ ಯೋಜನೆಯ ಫಲಾನುಭವಿಗಳು ಈವರೆಗೆ ಅರ್ಹತಾ ಕಾರ್ಡ್‌ಗಾಗಿ ಸಾಮಾನ್ಯ ಸೇವಾ ಕೇಂದ್ರಗಳನ್ನು (ಸಿಎಸ್‌ಸಿ) ಸಂಪರ್ಕಿಸುತ್ತಿದ್ದರು ಮತ್ತು ಗ್ರಾಮೀಣ ಮಟ್ಟದ ಆಯೋಜಕರು 30 ರೂ. ಪಾವತಿಸಿದ ನಂತರ ಕಾರ್ಡ್ ಪಡೆಯುತ್ತಿದ್ದರು. ಆದರೆ ಈಗ ಹೊಸ ವ್ಯವಸ್ಥೆಯಲ್ಲಿ ಮೊದಲ ಬಾರಿಗೆ ಕಾರ್ಡ್ ತೆಗೆದುಕೊಳ್ಳುವುದನ್ನು ಉಚಿತಗೊಳಿಸಲಾಗಿದೆ.
ಆದರೆ ಫಲಾನುಭವಿಯು ನಕಲಿ ಕಾರ್ಡ್ ಅಥವಾ ಮರುಮುದ್ರಣಕ್ಕಾಗಿ 15 ರೂ. ಗಳನ್ನು ಪಾವತಿಸಬೇಕಾಗುತ್ತದೆ. ಬಳಿಕ ಬಯೋಮೆಟ್ರಿಕ್ ದೃಢೀಕರಣದ ನಂತರ ಈ ಕಾರ್ಡ್‌ಗಳನ್ನು ಫಲಾನುಭವಿಗಳಿಗೆ ನೀಡಲಾಗುವುದು.
ಐಟಿ ಸಚಿವಾಲಯದ ಅಧೀನದಲ್ಲಿರುವ ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರ (ಎನ್‌ಎಚ್‌ಎ) ಮತ್ತು ಸಿಎಸ್‌ಸಿಯೊಂದಿಗೆ ಒಪ್ಪಂದ ಮಾಡಿಕೊಂಡ ನಂತರ ಕೇಂದ್ರ ಸರ್ಕಾರ ಶುಲ್ಕ ವಿನಾಯಿತಿ ಘೋಷಿಸಿದೆ. ಎನ್‌ಎಚ್‌ಎ ಈ ಯೋಜನೆಯನ್ನು ನಿರ್ವಹಿಸುವ ಸರ್ಕಾರಿ ಸಂಸ್ಥೆಯಾಗಿದ್ದರೆ, ಸಿಎಸ್‌ಸಿ ತನ್ನ ಉತ್ಪಾದನೆಯನ್ನು ನಿರ್ವಹಿಸುವ ಖಾಸಗಿ ಸಂಸ್ಥೆಯಾಗಿದೆ. ಆಯುಷ್ಮಾನ್ ಕಾರ್ಡ್ (Ayushman card) ನೀಡಿದಾಗ ಎನ್‌ಎಚ್‌ಎ ಮೊದಲ ಬಾರಿಗೆ ಸಿಎಸ್‌ಸಿಗೆ 20 ರೂಪಾಯಿ ಪಾವತಿಸಲಿದೆ. ಈ ಒಪ್ಪಂದದ ಮುಖ್ಯ ಉದ್ದೇಶವೆಂದರೆ ಪಿವಿಸಿ ಆಯುಷ್ಮಾನ್ ಕಾರ್ಡ್‌ಗಳನ್ನು ಯೋಜನೆಯಡಿ ಉತ್ಪಾದಿಸುವುದು. ಇದಲ್ಲದೆ, ಯೋಜನೆಯಡಿ ವ್ಯವಸ್ಥೆಯನ್ನು ಸುಧಾರಿಸುವುದಾಗಿದೆ. ಇದನ್ನೂ ಓದಿ - ದೇಶದ 13.5 ಕೋಟಿ ESIC ಲಾಭಾರ್ಥಿಗಳಿಗೆ ಶೀಘ್ರವೇ ಸಿಗಲಿದೆ Modi ಸರ್ಕಾರದ ಈ ಯೋಜನೆಯ ಲಾಭ
ಎನ್‌ಎಚ್‌ಎ ಸಿಇಒ ರಾಮ್‌ಸೇವಕ್ ಶರ್ಮಾ ಅವರ ಪ್ರಕಾರ, ಆಯುಷ್ಮಾನ್ ಯೋಜನೆಯ ಲಾಭ ಪಡೆಯಲು ಪಿವಿಸಿ ಕಾರ್ಡ್ ಇನ್ನು ಮುಂದೆ ಕಡ್ಡಾಯವಾಗುವುದಿಲ್ಲ. ಹಳೆಯ ಕಾರ್ಡ್‌ಗಳನ್ನು ಹೊಂದಿರುವ ಫಲಾನುಭವಿಗಳ ಆಧಾರದ ಮೇಲೆ ಯೋಜನೆಯ ಲಾಭವೂ ಲಭ್ಯವಿರುತ್ತದೆ. ಆರೋಗ್ಯ ಅಧಿಕಾರಿಗಳು ಪಿವಿಸಿ ಕಾರ್ಡ್‌ಗಳ ಮೂಲಕ ಫಲಾನುಭವಿಗಳನ್ನು ಗುರುತಿಸಲು ಸಾಧ್ಯವಾಗುತ್ತದೆ. ಅಲ್ಲದೆ, ಅಗತ್ಯವಿರುವ ಫಲಾನುಭವಿಗಳು ಯಾವುದೇ ತೊಂದರೆ ಇಲ್ಲದೆ ಆರೋಗ್ಯ ಸೇವೆಗಳನ್ನು ಪಡೆಯಲು ಸಾಧ್ಯವಾಗುತ್ತದೆ. ಇದನ್ನೂ ಓದಿ - Good News: ಇನ್ಮುಂದೆ ಬಡವರಷ್ಟೇ ಅಲ್ಲ ಇವರೂ ಕೂಡ ಈ ಯೋಜನೆಯ ಲಾಭ ಪಡೆಯಬಹುದು
ಆಯುಷ್ಮಾನ್ ಭಾರತ್ ಯೋಜನೆಯನ್ನು ಮೋದಿ ಸರ್ಕಾರ 2017 ರಲ್ಲಿ ಪ್ರಾರಂಭಿಸಿತು. ಈ ಯೋಜನೆಯಡಿ ಬಡ ಕುಟುಂಬಗಳು 5 ಲಕ್ಷ ರೂಪಾಯಿಗಳವರೆಗೆ ಉಚಿತವಾಗಿ ಚಿಕಿತ್ಸೆ ಪಡೆಯುತ್ತವೆ. ಈ ಯೋಜನೆಯಡಿ ಈವರೆಗೆ 1 ಕೋಟಿ 63 ಲಕ್ಷಕ್ಕೂ ಹೆಚ್ಚು ಫಲಾನುಭವಿಗಳಿಗೆ ಚಿಕಿತ್ಸೆ ನೀಡಲಾಗಿದೆ. ವಿಶೇಷವೆಂದರೆ ಆಯುಷ್ಮಾನ್ ಕಾರ್ಡ್‌ನ ಫಲಾನುಭವಿಗಳು ಯಾವುದೇ ಖಾಸಗಿ ಆಸ್ಪತ್ರೆಯಲ್ಲಿ ಅಗತ್ಯಕ್ಕೆ ಅನುಗುಣವಾಗಿ ಚಿಕಿತ್ಸೆ ಪಡೆಯಬಹುದು.
