ರತನ್ ಟಾಟಾ ಉತ್ತರಾಧಿಕಾರಿಯ ಅಧಿಕೃತ ಘೋಷಣೆ :ಈ ಐರಿಶ್ ಪ್ರಜೆಯ ಹೆಗಲಿಗೆ ಟಾಟಾ ಸಾಮ್ರಾಜ್ಯದ ಜವಾಬ್ದಾರಿ

1 /7

140 ಕೋಟಿ ಭಾರತೀಯರ ಹೃದಯವನ್ನು ಆಳಿದ ರತನ್ ಟಾಟಾ ಇದೀಗ  ನಮ್ಮೊಂದಿಗಿಲ್ಲ.ಉದ್ಯಮಿಯಾಗಿ ಮಾತ್ರವಲ್ಲದೆ ಅವರ ದಾನ, ಔದಾರ್ಯ ಮತ್ತು ದಯೆಯ ಸ್ವಭಾವದಿಂದಾಗಿ ಪ್ರಪಂಚದಾದ್ಯಂತ ಪ್ರಸಿದ್ಧರಾಗಿದ್ದವರು.  

2 /7

ರತನ್ ಟಾಟಾ ನಿಧನದ ನಂತರ,ಟಾಟಾ ಟ್ರಸ್ಟ್‌ನ ಅಧಿಕಾರವನ್ನು ಯಾರು ವಹಿಸಿಕೊಳ್ಳುತ್ತಾರೆ ಎನ್ನುವ ರಹಸ್ಯ ಬಹಿರಂಗವಾಗಿದೆ. ರತನ್ ಟಾಟಾ ಅವರ ಉತ್ತರಾಧಿಕಾರಿಗಾಗಿ ನಡೆಯುತ್ತಿದ್ದ ಹುಡುಕಾಟ ಪೂರ್ಣಗೊಂಡಿದೆ.ಟಾಟಾ ಸಾಮ್ಯಾಜ್ಯದ ಉತ್ತರಾಧಿಕಾರಿ ಹೆಸರು ಅಧಿಕೃತವಾಗಿ ಘೋಷಣೆಯಾಗಿದೆ.  

3 /7

ನೋಯೆಲ್ ಟಾಟಾ ಇನ್ನು ಮುಂದೆ ಟಾಟಾ  ಟ್ರಸ್ಟ್‌ನ ಜವಾಬ್ದಾರಿಯನ್ನು ವಹಿಸಿಕೊಳ್ಳಲಿದ್ದಾರೆ. ಈ ಬಗ್ಗೆ ಟಾಟಾ ಟ್ರಸ್ಟ್‌ನ ಮಹತ್ವದ ಸಭೆಯಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ.   

4 /7

67 ವರ್ಷದ ನೋಯೆಲ್ ಟಾಟಾ, ರತನ್ ಟಾಟಾ ಮಲಸಹೋದರ.  ರತನ್ ಟಾಟಾ ಅವರ ಪರಂಪರೆಯನ್ನು ಅವರ ಸಹೋದರ ನೋಯೆಲ್ ಟಾಟಾ ನಿರ್ವಹಿಸಲಿದ್ದಾರೆ.  

5 /7

ನೋಯೆಲ್ ಟಾಟಾ ಅವರು ಟಾಟಾ ಇಂಟರ್‌ನ್ಯಾಶನಲ್‌ನ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದಾರೆ. ಟಾಟಾ ಇಂಟರ್‌ನ್ಯಾಶನಲ್ ಟಾಟಾ ಗ್ರೂಪ್‌ನ ಅಂಗವಾಗಿದ್ದು, ವಿದೇಶದಲ್ಲಿ ಉತ್ಪನ್ನಗಳು ಮತ್ತು ಸೇವೆಗಳನ್ನು ನೀಡುತ್ತಿದೆ.

6 /7

ನೋಯೆಲ್ ಟಾಟಾ ಅವರು ಸಸೆಕ್ಸ್ ವಿಶ್ವವಿದ್ಯಾಲಯದಿಂದ (UK) ಪದವಿ ಪಡೆದಿದ್ದದು, ಫ್ರಾನ್ಸ್‌ನಲ್ಲಿ INSEAD ನಿಂದ ಇಂಟರ್ನ್ಯಾಷನಲ್ ಎಕ್ಸಿಕ್ಯೂಟಿವ್ ಪ್ರೋಗ್ರಾಂ (IEP) ಅನ್ನು ಪೂರ್ಣಗೊಳಿಸಿದರು. ನೋಯೆಲ್ ಟಾಟಾ ಈ ಹಿಂದೆ ನೆಸ್ಲೆ, ಯುಕೆ ಜೊತೆ ಕೆಲಸ ಮಾಡಿದ್ದರು.   

7 /7

ನೋಯೆಲ್ ಐರಿಶ್ ಪ್ರಜೆಯಾಗಿದ್ದು,ಟಾಟಾ ಸನ್ಸ್‌ನಲ್ಲಿ ಅತಿ ದೊಡ್ಡ ಷೇರುದಾರರಾಗಿದ್ದ ಪಲ್ಲೊಂಜಿ ಮಿಸ್ತ್ರಿಯವರ ಪುತ್ರಿ ಆಲೂ ಮಿಸ್ತ್ರಿ ಅವರನ್ನು ವಿವಾಹವಾಗಿದ್ದಾರೆ.ಅವರ ಮೂವರು ಮಕ್ಕಳೇ ಲೇಹ್,ಮಾಯಾ ಮತ್ತು ನೆವಿಲ್ಲೆ.