2015ರಲ್ಲಿ ಕನ್ನಡದಲ್ಲಿ ತೆರೆಕಂಡ ಶಿವರಾಜ್ ಕುಮಾರ್ ಅಭಿನಯದ 'ವಜ್ರಕಾಯ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಪಟಾಕಾ ಬೆಡಗಿ ನಭಾ ನಟೇಶ್ ಇದೀಗ ಮತ್ತೊಮ್ಮೆ ಸಾಮಾಜಿಕ ಮಾಧ್ಯಮಗಳಲ್ಲಿ ತನ್ನ ಬೋಲ್ಡ್ ಭಾವಚಿತ್ರಗಳನ್ನು ಹರಿಬಿಟ್ಟು ಸುದ್ದಿ ಮಾಡಿದ್ದಾಳೆ.
ಬೆಂಗಳೂರು: 2015ರಲ್ಲಿ ಕನ್ನಡದಲ್ಲಿ ತೆರೆಕಂಡ ಶಿವರಾಜ್ ಕುಮಾರ್ ಅಭಿನಯದ 'ವಜ್ರಕಾಯ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಪಟಾಕಾ ಬೆಡಗಿ ನಭಾ ನಟೇಶ್ ಇದೀಗ ಮತ್ತೊಮ್ಮೆ ಸಾಮಾಜಿಕ ಮಾಧ್ಯಮಗಳಲ್ಲಿ ತನ್ನ ಬೋಲ್ಡ್ ಭಾವಚಿತ್ರಗಳನ್ನು ಹರಿಬಿಟ್ಟು ಸುದ್ದಿ ಮಾಡಿದ್ದಾಳೆ. ಈ ಬಾರಿ ಅವಳು ಹಂಚಿಕೊಂಡಿರುವ ಫೋಟೋಗಳು ಭಾರಿ ವೈರಲ್ ಆಗುತ್ತಿದ್ದು, ಅಭಿಮಾನಿಗಳಿಂದ ಭಾರಿ ಮೆಚ್ಚುಗೆ ಪಡೆದುಕೊಳ್ಳುತ್ತಿವೆ.
ಡಿಸೆಂಬರ್ 1995 ರಲ್ಲಿ ಜನಿಸಿದ ನಭಾ ನಟೇಶ್ 2015ರಲ್ಲಿ 'ವಜ್ರಕಾಯ' ಚಿತ್ರದ ಮೂಲಕ ಚಂದನ ನಗರಿಗೆ ಪದಾರ್ಪಣೆ ಮಾಡಿದ್ದಾರೆ. ಮಂಗಳೂರಿನಲ್ಲಿ ಮಾಹಿತಿ ವಿಜ್ಞಾನದಲ್ಲಿ ಪದವಿ ಪಡೆದಿರುವ ನಭಾ, ನಂತರದ ದಿನಗಳಲ್ಲಿ ಓರ್ವ ಮಾಡೆಲ್ ಆಗಿ ತಮ್ಮ ವೃತ್ತಿ ಜೀವನವನ್ನು ಆರಂಭಿಸಿದ್ದಾರೆ. ಅಷ್ಟೇ ಅಲ್ಲ 2013ರ ಫೆಮಿನಾ ಮಿಸ್ ಇಂಡಿಯಾ ಬೆಂಗಳೂರಿನ ಟಾಪ್ 10 ಪಟ್ಟಿಯಲ್ಲಿಯೂ ಕೂಡ ನಭಾ ಸ್ಥಾನ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಕನ್ನಡ ಚಿತ್ರರಂಗದಲ್ಲಿ 'ಪಟಾಖಾ' ಬೆಡಗಿ ಎಂದೇ ಖ್ಯಾತ ಈ ನಟಿ ತೆಲುಗು ಚಿತ್ರರಂಗದಲ್ಲಿಯೂ ಕೂಡ ತನ್ನದೇ ಆದ ಛಾಪು ಮೂಡಿಸಿದ್ದಾಳೆ. 2018ರಲ್ಲಿ ತೆರೆಕಂಡ 'ನನ್ನು ದೋಚುಕುಂಡೆವಾಟೆ' ಚಿತ್ರ ಅವಳು ಅಭಿನಯಿಸಿದ ತೆಲುಗಿನ ಮೊದಲ ಚಿತ್ರವಾಗಿದೆ. ಆದರೆ, 2019ರಲ್ಲಿ ತೆರೆ ಕಂಡ 'ಸ್ಮಾರ್ಟ್ ಶಂಕರ್' ಚಿತ್ರದ ಮೂಲಕ ಅವಳು ತೆಲುಗು ಚಿತ್ರರಂಗದಲ್ಲಿ ಅಪಾರ ಖ್ಯಾತಿಯನ್ನು ಪಡೆದಿದ್ದಾಳೆ. ಇತ್ತೀಚಿಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ಸಕ್ರಿಯವಾಗಿರುವ ಈ ಬೆಡಗಿ ಅಪಾರ ಪ್ರಮಾಣದ ಹಿಂಬಾಲಕರನ್ನು ಹೊಂದಿದ್ದಾಳೆ. ಆಗಾಗ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಅಭಿಮಾನಿಗಳ ಜೊತೆ ತನ್ನ ಭಾವಚಿತ್ರಗಳನ್ನು ಹಂಚಿಕೊಳ್ಳುವ ಈ ಬೆಡಗಿ, ಇದೀಗ ಮತ್ತೊಮ್ಮೆ ವಿಶಿಷ್ಟ ಅವತಾರದಲ್ಲಿ ತನ್ನ ಭಾವಚಿತ್ರಗಳನ್ನು ಹಂಚಿಕೊಂಡು ತನ್ನ ಅಭಿಮಾನಿಗಳ ನಿದ್ದೆಯನ್ನು ಕದ್ದಿದಾಳೆ. ಅವಳು ಹಂಚಿಕೊಂಡಿರುವ ಈ ಚಿತ್ರಗಳು ಇದೀಗ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ವೈರಲ್ ಆಗಿವೆ.
