Shani Gochar 2023 : ಶನಿಯ ರಾಶಿ ಬದಲಾವಣೆ ಎಲ್ಲರ ಜೀವನದ ಮೇಲೂ ಪರಿಣಾಮ ಬೀರುತ್ತದೆ. ಶನಿದೇವನನ್ನು ನ್ಯಾಯದ ದೇವರು ಎನ್ನುತ್ತಾರೆ. ಈತ ಕರ್ಮಗಳಿಗೆ ಅನುಸಾರವಾಗಿ ಫಲವನ್ನು ನೀಡುತ್ತಾನೆ. ಇದೀಗ ಶನಿಯ ಸಂಚಾರ ಮೂರು ರಾಶಿಗಳಿಗೆ ಶುಭ ಫಲವನ್ನು ನೀಡುತ್ತದೆ.
Saturn Transit 2023: ಛಾಯಾಪುತ್ರ ಶನಿ ದೇವ ಸದಾ ವ್ಯಕ್ತಿಯ ಕರ್ಮಗಳಿಗೆ ಅನುಗುಣವಾಗಿ ಫಲವನ್ನು ನೀಡುತ್ತಾನೆ. ಅದಕ್ಕೆ ಶನಿಗೆ ನ್ಯಾದ ದೇವರು ಎನ್ನುವುದು. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಶನಿಯು ತುಂಬಾ ನಿಧಾನವಾಗಿ ಚಲಿಸುತ್ತಾನೆ. ಪ್ರತಿ ಎರಡೂವರೆ ವರ್ಷಗಳಿಗೊಮ್ಮೆ ಶನಿ ರಾಶಿ ಬದಲಿಸುತ್ತಾನೆ. ಈ ವರ್ಷ ಶನಿದೇವ ಕುಂಭ ರಾಶಿಯನ್ನು ಪ್ರವೇಶಿಸಿದ್ದಾನೆ. ಕುಂಭ ಶನಿಯ ರಾಶಿ. ಬರೋಬ್ಬರಿ 30 ವರ್ಷಗಳ ನಂತರ ಶನಿಯು ತನ್ನದೇ ಆದ ಕುಂಭ ರಾಶಿಯಲ್ಲಿ ಕುಳಿತಿದ್ದಾನೆ. 2025 ರವರೆಗೆ ಶನಿ ಈ ರಾಶಿಯಲ್ಲೇ ಇರುತ್ತಾನೆ. ಇದು 12 ರಾಶಿಗಳ ಜೀವನದ ಮೇಲೂ ಪ್ರಭಾವ ಬೀರಲಿದೆ.
ಕುಂಭ ರಾಶಿಗೆ ಶನಿಯ ಸಂಚಾರ ಮೂರು ರಾಶಿಯ ಜನರಿಗೆ ಉತ್ತಮ ಫಲಿತಾಂಶಗಳನ್ನು ನೀಡಲಿದೆ. 2025 ರವರೆಗಿನ ಅವಧಿಯು ಬಹಳಷ್ಟು ಪ್ರಗತಿ, ಹಣ ಮತ್ತು ಯಶಸ್ಸನ್ನು ತರಲಿದೆ.
ವೃಷಭ ರಾಶಿ : ಕುಂಭ ರಾಶಿಯಲ್ಲಿ ಶನಿಯ ಸಂಚಾರವು ವೃಷಭ ರಾಶಿಯವರಿಗೆ ತುಂಬಾ ಶುಭದಾಯಕವಾಗಿದೆ. ಉತ್ತಮ ಲಾಭವನ್ನು ಶನಿದೇವ ನೀಡುತ್ತಾನೆ. ವ್ಯವಹಾರದಲ್ಲಿ ಯಶಸ್ಸು, ಉದ್ಯೋಗದಲ್ಲಿ ಪ್ರಗತಿ ಕಾಣುತ್ತದೆ. ಮಾಧ್ಯಮ, ಚಲನಚಿತ್ರೋದ್ಯಮ, ಕಲೆ, ಸಂಗೀತ ಇತ್ಯಾದಿ ಕ್ಷೇತ್ರಗಳಿಗೆ ಸಂಬಂಧಿಸಿದ ಜನರು ಹೆಚ್ಚಿನ ಪ್ರಯೋಜನವನ್ನು ಪಡೆಯುತ್ತಾರೆ. ಆದಾಯ ಹೆಚ್ಚಲಿದೆ.
ಮಿಥುನ ರಾಶಿ : ಶನಿಯ ಸಂಚಾರವು ಮಿಥುನ ರಾಶಿಯವರಿಗೆ ಅನೇಕ ಲಾಭಗಳನ್ನು ತರಲಿದೆ. 2025 ರವರೆಗಿನ ಅವಧಿಯು ಅವರಿಗೆ ವೃತ್ತಿಯಲ್ಲಿ ಪ್ರಗತಿಯನ್ನು ನೀಡುತ್ತದೆ. ಹಣದ ಲಾಭವಾಗುವುದು, ಕೆಲಸದಲ್ಲಿ ಬಡ್ತಿ ದೊರೆಯುತ್ತದೆ. ವ್ಯಾಪಾರಿಗಳು ಹೆಚ್ಚಿನ ಲಾಭ ಗಳಿಸಬಹುದು.
ತುಲಾ ರಾಶಿ : ತುಲಾ ರಾಶಿಯವರಿಗೆ ಶನಿಯ ದಯೆ ಇರಲಿದೆ. ನೀವು ಅನೇಕ ರೀತಿಯ ಸಮಸ್ಯೆಗಳಿಂದ ಮುಕ್ತರಾಗುತ್ತೀರಿ. ವ್ಯಾಪಾರದಲ್ಲಿ ಪ್ರಗತಿ ಕಂಡುಬರಲಿದೆ. ನಿಮ್ಮ ಕೆಲಸದಲ್ಲಿ ಯಶಸ್ಸು ಸಿಗುತ್ತದೆ. ವ್ಯಾಪಾರ ವೃದ್ಧಿಯಾಗಲಿದೆ. ಮದುವೆ ನಿಶ್ಚಯವಾಗಬಹುದು. ವೈವಾಹಿಕ ಜೀವನವೂ ಉತ್ತಮವಾಗಿರುತ್ತದೆ.
