ಭವಿಷ್ಯದಲ್ಲಿ ಸಂಭವಿಸಲಿರುವ ಈ ಘಟನೆಗಳು ಬೆಕ್ಕಿಗೆ ಮೊದಲೇ ಗೊತ್ತಾಗುತ್ತವಂತೆ!

Spiritual News In Kannada: ಜೀವನದಲ್ಲಿ ನಡೆಯುವ ಘಟನೆಗಳನ್ನು ಸಾಮಾನ್ಯವಾಗಿ ನಾವು ಶುಭ ಶಕುನಗಳು ಅಥವಾ ಅಶುಭ ಶಕುನಗಳೊಂದಿಗೆ ಜೋಡಿಸಿ ನೋಡುತ್ತೇವೆ. ಇದು ಭವಿಷ್ಯದಲ್ಲಿ ನಡೆಯಲಿರುವ ಘಟನೆಗಳನ್ನು ಸೂಚಿಸುತ್ತದೆ ಎಂದು ಹೇಳಲಾಗುತ್ತದೆ. ಇದೇ ವೇಳೆ, ಬೆಕ್ಕುಗಳು ವಾಮಾಚಾರ ಮತ್ತು ದುಷ್ಟಶಕ್ತಿಗಳೊಂದಿಗೆ ಸಂಬಂಧ ಹೊಂದಿವೆ ಎನ್ನಲಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ, ಬೆಕ್ಕು ಮನೆಯ ಹೊರಗೆ ಅಳುತ್ತಿದ್ದರೆ, ಅದರ ಅರ್ಥವೇನು? ಬನ್ನಿ ತಿಳಿದುಕೊಳ್ಳಲು ಪ್ರಯತ್ನಿಸೋಣ

ಜ್ಯೋತಿಷ್ಯದಂತೆಯೇ, ಭವಿಷ್ಯದಲ್ಲಿ ಸಂಭವಿಸುವ ಘಟನೆಗಳ ಬಗ್ಗೆ ಹೇಳುವ ಶಕುನ ಶಾಸ್ತ್ರದಲ್ಲಿ ಕೆಲ ವಿಷಯಗಳನ್ನು ಉಲ್ಲೇಖಿಸಲಾಗಿದೆ. ಅಂತೆಯೇ, ಪ್ರಾಣಿಗಳ ಅಳುವುದು ಕೂಡ ಶಕುನ್ ಶಾಸ್ತ್ರಕ್ಕೆ ಸಂಬಂಧಿಸಿದೆ. ಎಷ್ಟೋ ಬಾರಿ ಮನೆಯ ಹೊರಗಿನಿಂದ ಬೆಕ್ಕಿನ ಕೂಗು ಕೇಳಿಬರುತ್ತದೆ ಮತ್ತು ಅದನ್ನು ಅಪಶಕುನವೆಂದು ಪರಿಗಣಿಸಿ ಅದನ್ನು ನಾವು ಓಡಿಸುತ್ತೇವೆ. ಆದರೆ ಶಕುನ ಶಾಸ್ತ್ರದಲ್ಲಿ ಇದನ್ನು ಶುಭ ಅಥವಾ ಅಶುಭವೆಂದು ಪರಿಗಣಿಸಲಾಗಿದೆ ಎಂಬುದು ನಿಮಗೆ ತಿಳಿದಿದೆಯೇ? ಇಲ್ಲ ಎಂದಾದಲ್ಲಿ ತಿಳಿದುಕೊಳ್ಳೋಣ ಬನ್ನಿ,

ಬೆಕ್ಕು ಅಳುವುದು ಏನನ್ನು ಸೂಚಿಸುತ್ತದೆ?
ಶಕುನ ಶಾಸ್ತ್ರದ ಪ್ರಕಾರ, ಮನೆಯ ಹೊರಗೆ ಬೆಕ್ಕನ್ನು ಅಳುವುದು ಒಳ್ಳೆಯದಲ್ಲ. ಈ ರೀತಿ ಮಾಡುವುದರಿಂದ ಬೆಕ್ಕು ಕೆಲವು ಅಹಿತಕರ ಘಟನೆಯನ್ನು ಸೂಚಿಸುತ್ತದೆ, ಮನೆಯ ಸದಸ್ಯರಿಗೆ ದೊಡ್ಡ ಅಡೆತಡೆಗಳು ಉಂಟಾಗಲಿದೆ ಎಂಬುದನ್ನೂ ಅದು ಸೂಚಿಸುತ್ತದೆ ಎಂದು ಹೇಳಲಾಗುತ್ತದೆ.

ಬೆಕ್ಕು ಅಳಲು ಹಲವು ಕಾರಣಗಳಿವೆ
>> ಶಕುನ ಶಾಸ್ತ್ರದ ಪ್ರಕಾರ, ಮನೆಯ ಹೊರಗೆ ಬೆಕ್ಕು ಅಳುವುದು ಮನೆಗೆ ನಕಾರಾತ್ಮಕ ಶಕ್ತಿ ಪ್ರವೇಶಿಸುವ ಸಂಕೇತವಾಗಿದೆ.

>> ಶಕುನ ಶಾಸ್ತ್ರದ ಪ್ರಕಾರ, ಬೆಕ್ಕು ಭವಿಷ್ಯದ ಘಟನೆಗಳನ್ನು ಗ್ರಹಿಸಬಲ್ಲದು ಎಂದು ನಂಬಲಾಗಿದೆ. ನೀವು ಇಂತಹ ಪರಿಸ್ಥಿತಿಯನ್ನು ಎದುರಿಸುತ್ತಿದ್ದರೆ, ಬೆಕ್ಕನ್ನು ನಿಮ್ಮ ಮನೆಯಿಂದ ಬೇಗನೆ ಓಡಿಸಿ.

>> ನಿಮ್ಮ ಮನೆಯ ಹೊರಗೆ ಎರಡು ಬೆಕ್ಕುಗಳು ಪರಸ್ಪರ ಜಗಳವಾಡುತ್ತಿದ್ದರೆ, ಅದು ನಿಮ್ಮ ಮನೆಯಲ್ಲಿ ಹಣದ ನಷ್ಟ ಮತ್ತು ಅಪಶ್ರುತಿಯ ಸಂಕೇತವಾಗಿದೆ ಎಂದು ಹೇಳಲಾಗುತ್ತದೆ. ಇದರರ್ಥ ನಿಮ್ಮ ಮನೆಯಲ್ಲಿ ಆರ್ಥಿಕ ಬಿಕ್ಕಟ್ಟು ಎದುರಾಗಲಿದೆ ಎಂದರ್ಥ.

>> ಶಕುನ ಶಾಸ್ತ್ರದ ಪ್ರಕಾರ, ನೀವು ಎಲ್ಲೋ ಹೋಗುತ್ತಿದ್ದರೆ ಮತ್ತು ಬೆಕ್ಕು ನಿಮ್ಮ ದಾರಿಗೆ ಅಡ್ಡ ಬಂದರೆ, ಅದು ಒಳ್ಳೆಯದೆಂದು ಪರಿಗಣಿಸಲಾಗುವುದಿಲ್ಲ. ಬೆಕ್ಕು ಎಡಭಾಗದಿಂದ ರಸ್ತೆ ದಾಟುವುದು ಅಶುಭವೆಂದು ಪರಿಗಣಿಸಲಾಗಿದೆ. ಇದರಿಂದ ನೀವು ಯಾವ ಕೆಲಸಕ್ಕಾಗಿ ಹೊರಟಿರುವಿರೋ ಆ ಕೆಲಸವು ನೆರವೇರುವುದಿಲ್ಲ ಎಂಬ ನಂಬಿಕೆ ಇದೆ.

ಇದನ್ನೂ ಓದಿ-

>> ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಬೆಕ್ಕು ಮನೆಗೆ ನುಗ್ಗಿ ಅಡುಗೆ ಮನೆಯಲ್ಲಿ ಇಟ್ಟಿರುವ ಹಾಲನ್ನು ಕುಡಿದರೆ, ಅದು ಮನೆಯಲ್ಲಿ ಸಂಪತ್ತು ನಾಶವಾಗುವುದನ್ನು ಸೂಚಿಸುತ್ತದೆ. ಮತ್ತೊಂದೆಡೆ, ದೀಪಾವಳಿಯ ದಿನದಂದು ಬೆಕ್ಕು ಮನೆಗೆ ಪ್ರವೇಶಿಸುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ. ಇದರಿಂದ ವರ್ಷವಿಡೀ ಮನೆಯಲ್ಲಿ ಧನದ ಹರಿವು ಹೆಚ್ಚಾಗುತ್ತದೆ ಎನ್ನಲಾಗುತ್ತದೆ.

ಇದನ್ನೂ ಓದಿ-ಶುಕ್ರ-ಚಂದಿರನ ಮೈತ್ರಿಯಿಂದ ನಿರ್ಮಾಣಗೊಂಡಿದೆ 'ಕಲಾತ್ಮಕ ಯೋಗ', ಈ ರಾಶಿಗಳ ಜನರ ಮೇಲೆ ಅಪಾರ ಧನವೃಷ್ಟಿ!

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಧಾರ್ಮಿಕ ನಂಬಿಕೆಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ. ಅನುಸರಿಸುವ ಮುನ್ನ ವಿಷಯ ತಜ್ಞರ ಸಲಹೆ ಪಡೆದುಕೊಳ್ಳಲು ಮರೆಯಬೇಡಿ)

ಇದನ್ನೂ ನೋಡಿ-