Cricket News: ಟೆಸ್ಟ್‌ ಪಂದ್ಯದ ಮೂರನೇ ದಿನದಂದು ಟೀಂ ಇಂಡಿಯಾ ಕಪ್ಪು ಬ್ಯಾಂಡ್‌ ಧರಿಸಿ ಮೈದಾನ ಪ್ರವೇಶಿಸಿದ್ಯಾಕೆ ಗೊತ್ತಾ?

Team India entered the field wearing a black band: ಟೆಸ್ಟ್ ಸರಣಿಯ ಮೂರನೇ ಪಂದ್ಯದ ಮೂರನೇ ದಿನ ಭಾರತೀಯ ಕ್ರಿಕೆಟ್ ತಂಡವು ಕಪ್ಪು ಬ್ಯಾಂಡ್‌ಗಳನ್ನು ಧರಿಸಿ ಮೈದಾನಕ್ಕೆ ಎಂಟ್ರಿ ಕೊಟ್ಟಿದೆ..

Cricket news black armband Team India: ರಾಜ್‌ಕೋಟ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಐದು ಪಂದ್ಯಗಳ ಟೆಸ್ಟ್ ಸರಣಿಯ ಮೂರನೇ ಪಂದ್ಯದ ಮೂರನೇ ದಿನವಾದ ಶನಿವಾರ, ಭಾರತೀಯ ಕ್ರಿಕೆಟ್ ತಂಡವು ಕಪ್ಪು ಬ್ಯಾಂಡ್‌ಗಳನ್ನು ಧರಿಸಿ ಮೈದಾನಕ್ಕೆ ಬಂದಿದೆ... ಇತ್ತೀಚೆಗೆ ನಿಧನರಾದ ಭಾರತದ ಹಿರಿಯ ಟೆಸ್ಟ್ ಕ್ರಿಕೆಟಿಗ ದತ್ತಾಜಿರಾವ್ ಗಾಯಕ್ವಾಡ್ ಅವರ ಸ್ಮರಣಾರ್ಥವಾಗಿ ಆಟಗಾರರು ಕೈಗೆ ಕಪ್ಪು ಪಟ್ಟಿ ಧರಿಸಿದ್ದರು ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಮಾಹಿತಿ ನೀಡಿದೆ.

ದತ್ತಾಜಿರಾವ್ ಗಾಯಕ್ವಾಡ್ ಅವರು ತಮ್ಮ 95 ನೇ ವಯಸ್ಸಿನಲ್ಲಿ ಕೊನೆಯುಸಿರೆಳೆದರು. ಭಾರತೀಯ ಕ್ರಿಕೆಟ್‌ಗೆ ಅಪಾರ ಕೊಡುಗೆ ನೀಡಿದ ಇವರು ಕಳೆದ 12 ದಿನಗಳಿಂದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ ಚಿಕಿತ್ಸೆ ಫಲಿಸದೇ ಮಂಗಳವಾರ (ಫೆಬ್ರವರಿ 13, 2024) ಜಗತ್ತಿಗೆ ವಿದಾಯ ಹೇಳಿದರು.

ಇದನ್ನೂ ಓದಿ-IND vs ENG: ಸರ್ಫರಾಜ್ ಖಾನ್ ತಂದೆಗೆ ಭರ್ಜರಿ ಗಿಫ್ಟ್‌ ನೀಡಿದ ಆನಂದ್ ಮಹೀಂದ್ರ!

ದತ್ತಾಜಿರಾವ್ ಗಾಯಕ್ವಾಡ್ ಅವರ ಕ್ರಿಕೆಟ್ ವೃತ್ತಿಜೀವನದ ಬಗ್ಗೆ ಮಾತನಾಡುವುದಾದರೆ.. ದತ್ತಾಜಿರಾವ್ ಅವರು 1952 ಮತ್ತು 1961 ರ ನಡುವೆ ಭಾರತ ತಂಡಕ್ಕಾಗಿ 11 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. 1959ರಲ್ಲಿ ಟೀಂ ಇಂಡಿಯಾವನ್ನು ಮುನ್ನಡೆಸುವ ಅವಕಾಶ ಸಿಕ್ಕಿತ್ತು. 1961 ರಲ್ಲಿ ಅವರು ತಮ್ಮ ಕೊನೆಯ ಟೆಸ್ಟ್ ಪಂದ್ಯವನ್ನು ಚೆನ್ನೈ ಮೈದಾನದಲ್ಲಿ ಆಡಲು ಬಂದ್ದಿದ್ದರು.. 

ದತ್ತಾಜಿರಾವ್ ಗಾಯಕ್ವಾಡ್ ಅವರು ರಣಜಿ ಟ್ರೋಫಿಯಲ್ಲಿ ಬರೋಡಾ ತಂಡವನ್ನು ಪ್ರತಿನಿಧಿಸಿದ್ದು.. ಬರೋಡಾ ಪರ 1947 ರಿಂದ 1961 ರವರೆಗೆ ಕ್ರಿಕೆಟ್ ಆಡಿದರು. ಈ ಅವಧಿಯಲ್ಲಿ ಅವರು 36.40 ಸರಾಸರಿಯಲ್ಲಿ 5788 ರನ್ ಗಳಿಸಿದರು. ಇದರಲ್ಲಿ 17 ಶತಕಗಳು ಮತ್ತು 23 ಅರ್ಧ ಶತಕಗಳು ಸೇರಿವೆ.