“ನನ್ನ ತಾಳ್ಮೆ ಪರೀಕ್ಷಿಸಬೇಡಿ...”- ಒಂದೇ ಸರಣಿಯಲ್ಲಿ ನಾಯಕತ್ವ ಕಳೆದುಕೊಂಡ ಶಾಹೀನ್ ಅಫ್ರಿದಿ ಹೀಗಂದಿದ್ದು ಯಾರಿಗೆ?

Shaheen Afridi Cryptic Post: ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ತನ್ನ ನಾಯಕತ್ವದ ನಿರ್ಧಾರದಿಂದ ಯು-ಟರ್ನ್ ತೆಗೆದುಕೊಂಡಿತು. ಅಷ್ಟೇ ಅಲ್ಲದೆ, ಬಾಬರ್ ಅಜಮ್ ಅವರನ್ನು ವೈಟ್ ಬಾಲ್ ಕ್ರಿಕೆಟ್‌’ನ ನಾಯಕರನ್ನಾಗಿ ನೇಮಿಸಿತು. ಇದರೊಂದಿಗೆ, T20I ನಾಯಕನಾಗಿ ಶಾಹೀನ್ ಅಫ್ರಿದಿ ಅವರ ಅಧಿಕಾರಾವಧಿಯು ಕೊನೆಗೊಂಡಿತು

shaheen afridi post

Shaheen Afridi Cryptic Post: ಪಾಕಿಸ್ತಾನ ಕ್ರಿಕೆಟ್ ತಂಡದ ವೇಗದ ಬೌಲರ್ ಶಾಹೀನ್ ಅಫ್ರಿದಿ ಟಿ20 ನಾಯಕತ್ವದಿಂದ ವಜಾಗೊಂಡ ನಂತರ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದಾರೆ.

ಇತ್ತೀಚೆಗೆ, ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ತನ್ನ ನಾಯಕತ್ವದ ನಿರ್ಧಾರದಿಂದ ಯು-ಟರ್ನ್ ತೆಗೆದುಕೊಂಡಿತು. ಅಷ್ಟೇ ಅಲ್ಲದೆ, ಬಾಬರ್ ಅಜಮ್ ಅವರನ್ನು ವೈಟ್ ಬಾಲ್ ಕ್ರಿಕೆಟ್‌’ನ ನಾಯಕರನ್ನಾಗಿ ನೇಮಿಸಿತು. ಇದರೊಂದಿಗೆ, T20I ನಾಯಕನಾಗಿ ಶಾಹೀನ್ ಅಫ್ರಿದಿ ಅವರ ಅಧಿಕಾರಾವಧಿಯು ಕೊನೆಗೊಂಡಿತು.

ಇದನ್ನೂ ಓದಿ: ಈ ಫೋಟೋದಲ್ಲಿರುವ ಕಂದಮ್ಮ ಸೌತ್ ಸಿನಿರಂಗದಲ್ಲಿ ಪ್ರೈವೇಟ್ ಜೆಟ್ ಹೊಂದಿರುವ ಏಕೈಕ ನಟಿ! ಬರೋಬ್ಬರಿ 183 ಕೋಟಿ ಆಸ್ತಿಯ ಯಜಮಾನಿ!

ಪಾಕಿಸ್ತಾನ ಪರ 250ಕ್ಕೂ ಹೆಚ್ಚು ವಿಕೆಟ್ ಪಡೆದಿರುವ ವೇಗದ ಬೌಲರ್ ಶಾಹೀನ್ ಅಫ್ರಿದಿ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. “ನಾನು ಎಷ್ಟು ಕ್ರೂರ ಮತ್ತು ನಿರ್ದಯಿ ಎಂದು ತೋರಿಸಬೇಕಾದ ಪರಿಸ್ಥಿತಿಗೆ ನನ್ನನ್ನು ಎಂದಿಗೂ ತಳ್ಳಬೇಡಿ. ನನ್ನ ತಾಳ್ಮೆಯನ್ನು ಪರೀಕ್ಷಿಸಬೇಡಿ. ನನ್ನನ್ನು ಅತ್ಯಂತ ಕರುಣಾಮಯಿ ಮತ್ತು ಉತ್ತಮ ವ್ಯಕ್ತಿ ಎಂದು ಭಾವಿಸಿರಬಹುದು. ಆದರೆ ಒಮ್ಮೆ ನಾನು ನನ್ನ ಮಿತಿಯನ್ನು ತಲುಪಿದರೆ, ನಿಮ್ಮ ಊಹೆಗೂ ನಿಲುಕದಂತ ಕೆಲಸ ಮಾಡಲು ನನ್ನಿಂದ ಸಾಧ್ಯ” ಎಂದು ಎಚ್ಚರಿಕೆ ಸಂದೇಶ ನೀಡಿದ್ದಾರೆ.

ಇದನ್ನೂ ಓದಿ: ಸಾಲು ಸಾಲು ಹಿಟ್ ಸಿನಿಮಾ ನೀಡಿದರೂ ಮೊದಲ ಪ್ರೇಮದಲ್ಲೇ ಸೋಲು! ಮನದ ನೋವನ್ನು ಮೆಟ್ಟಿ ನಿಂತ ಈ ಬೆಡಗಿ

ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಅಧ್ಯಕ್ಷ ಮೊಹ್ಸಿನ್ ನಖ್ವಿ ಅವರು ಕಳೆದ ವಾರ ಬಾಬರ್ ಅವರು ಅಫ್ರಿದಿ ಬದಲಿಗೆ ಟಿ 20 ಐ ನಾಯಕರಾಗಿದ್ದಾರೆ ಎಂದು ಖಚಿತಪಡಿಸಿದ್ದರು. 2023 ರ ODI ವಿಶ್ವಕಪ್ ಬಳಿಕ ಶಾಹೀನ್ ಅಫ್ರಿದಿಯನ್ನು ಪಾಕಿಸ್ತಾನ T20I ತಂಡದ ನಾಯಕನಾಗಿ ನೇಮಿಸಲಾಯಿತು. ಶಾಹೀನ್ ಅಫ್ರಿದಿ ನಾಯಕತ್ವದಲ್ಲಿ ಪಾಕಿಸ್ತಾನ ತಂಡ ನ್ಯೂಜಿಲೆಂಡ್ ವಿರುದ್ಧದ ಟಿ20 ಅಂತಾರಾಷ್ಟ್ರೀಯ ಸರಣಿಯನ್ನು 1-4 ಅಂತರದಿಂದ ಕಳೆದುಕೊಂಡಿತ್ತು.