ವಿರಾಟ್ ಕೊಹ್ಲಿ ಜೊತೆ ಬಾಬರ್ ಅಜಮ್ ಹೋಲಿಕೆ ಬಗ್ಗೆ ಯೂನಿಸ್ ಖಾನ್ ಏನಂದ್ರು

ಭಾರತದ ನಾಯಕ ವಿರಾಟ್ ಕೊಹ್ಲಿ ಮತ್ತು ಪಾಕಿಸ್ತಾನದ ಕ್ರಿಕೆಟಿಗ ಬಾಬರ್ ಅಜಮ್ ಅವರನ್ನು ಹೆಚ್ಚಾಗಿ ಹೋಲಿಸಲಾಗುತ್ತದೆ, ಈಗ ಯೂನಿಸ್ ಖಾನ್ ಈ ಬಗ್ಗೆ ಮಾತನಾಡಿದ್ದಾರೆ.

ನವದೆಹಲಿ: ಪಾಕಿಸ್ತಾನದ ಹೊಸದಾಗಿ ನೇಮಕಗೊಂಡ ಬ್ಯಾಟಿಂಗ್ ಕೋಚ್ ಯೂನಿಸ್ ಖಾನ್ ಟೀಮ್ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ (Virat Kohli) ಯನ್ನು ವಿಶ್ವದ ಅತ್ಯುತ್ತಮ ಬ್ಯಾಟ್ಸ್‌ಮನ್ ಎಂದು ಪರಿಗಣಿಸಿದ್ದಾರೆ. ಆದರೆ ಅವರ ಪ್ರಕಾರ ಮುಂಬರುವ 5 ವರ್ಷಗಳಲ್ಲಿ ಬಾಬರ್ ಅಜಮ್ (Babar Azam) ಅವರು ಭಾರತೀಯ ನಾಯಕನ ನಾಯಕರಾಗಲಿದ್ದಾರಂತೆ.  ಯೂನಿಸ್ ಖಾನ್ ಅವರು ಆಜಮ್ ಅವರನ್ನು ವಿರಾಟ್ ಜೊತೆ ಹೋಲಿಸಿರುವುದು ಮಾತ್ರವಲ್ಲ ವಿರಾಟ್ ನಂತಹ ಅಸಂಖ್ಯಾತ ದಾಖಲೆಗಳನ್ನು ಮುರಿಯುವ ಬ್ಯಾಟ್ಸ್‌ಮನ್ ಆಗುವ  ಪ್ರತಿಭೆ ಮತ್ತು ಸಾಮರ್ಥ್ಯ ಅಜಮ್‌ಗೆ ಇದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಮಾಧ್ಯಮಗಳೊಂದಿಗಿನ ಸಂಭಾಷಣೆಯ ಸಮಯದಲ್ಲಿ ಮಾತನಾಡಿದ ಯೂನಿಸ್, 'ಈ ಹೋಲಿಕೆ ನನಗೆ ಇಷ್ಟವಿಲ್ಲ. ಕೊಹ್ಲಿಯನ್ನು ನೋಡಿ, ಅವರು ಇದೀಗ ತಮ್ಮ ಆಟದ ಮೇಲ್ಭಾಗದಲ್ಲಿದ್ದಾರೆ. ಅವರು ಇಂದು ಅಗ್ರ ಬ್ಯಾಟ್ಸ್ಮನ್ ಆಗಿದ್ದಾರೆ ಮತ್ತು ಎಲ್ಲಾ ಸ್ವರೂಪಗಳಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಬಾಬರ್ ಎಲ್ಲಾ ಸ್ವರೂಪಗಳಲ್ಲಿ ಪ್ರದರ್ಶನ ನೀಡಿದ್ದಾರೆ ಆದರೆ ನಾನು ನೋಡುವ ರೀತಿ, ಇಂದು ಕೊಹ್ಲಿ ಎಲ್ಲಿದ್ದಾರೆ, ಇಲ್ಲಿಯವರೆಗೆ ಅವರು ಏನು ಸಾಧಿಸಿದ್ದಾರೆಯೋ  ಬಾಬರ್ ಮುಂದಿನ 5 ವರ್ಷಗಳಲ್ಲಿ ಅಲ್ಲಿಗೆ ತಲುಪಲಿದ್ದಾರೆ ಎಂದು ವಿಶ್ವಾಸದಿಂದ ನುಡಿದರು.

ಬಾಬರ್ ಸಚಿನ್ ತೆಂಡೂಲ್ಕರ್ (Sachin Tendulkar) ಅಥವಾ ಜಾವೇದ್ ಮಿಯಾಂದಾದ್ (Javed Miandad)  ಅವರಂತಹ ಶ್ರೇಷ್ಠ ಕ್ರಿಕೆಟಿಗನಾಗುವುದನ್ನು ನೋಡಲು ಬಯಸುತ್ತೇನೆ ಎಂದು ತಿಳಿಸಿದ ಯುನೈಸ್ ಸಚಿನ್ ಮತ್ತು ಮಿಯಾಂದಾದ್ ಇಬ್ಬರೂ ತಮ್ಮ ದೇಶಕ್ಕಾಗಿ ಅತ್ಯುತ್ತಮವಾಗಿ ಬ್ಯಾಟಿಂಗ್ ಮಾಡಿದ ಆಟಗಾರರು. ಮಾತ್ರವಲ್ಲದೆ ಇಬ್ಬರೂ ಯಾವುದೇ ಪಂದ್ಯದ ನಿಲುವನ್ನು ಬದಲಿಸುವಲ್ಲಿ ಪ್ರವೀಣರಾಗಿದ್ದರು ಎಂದರು.

ಅಜಮ್ ಅವರಲ್ಲೂ ಕೂಡ ಇದೇ ವಿಷಯವನ್ನು ನೋಡಲು ಬಯಸುತ್ತೇನೆ ಎಂದು ತಿಳಿಸಿದ ಯೂನಿಸ್ ಆದರೆ ನಿರೀಕ್ಷೆಗಳ ಭಾರವನ್ನು ನಾವು ಅವರ ಮೇಲೆ ಇಡಬಾರದು. ಮುಂಬರುವ ಸಮಯದಲ್ಲಿ ಸಚಿನ್ ತೆಂಡೂಲ್ಕರ್ ಅಥವಾ ಜಾವೇದ್ ಮಿಯಾಂದಾದ್ ಅವರಂತಹ ಶ್ರೇಷ್ಠ ಆಟಗಾರನಾಗಲು ಅವನು ಸಮಯವನ್ನು ನೀಡಬೇಕಾಗಿದೆ ಎಂದರು.

ಪಾಕಿಸ್ತಾನದ ಬ್ಯಾಟಿಂಗ್ ಕೋಚ್ ಆದ ನಂತರ ಅಜಮ್‌ಗೆ ಅವರು ಹೇಗೆ ಸಹಾಯ ಮಾಡುತ್ತಾರೆ ಎಂಬ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಯೂನಿಸ್, 'ನಾನು ಬಾಬರ್ ಆಟದ ಮಾನಸಿಕ ಭಾಗದಲ್ಲಿ ಕೆಲಸ ಮಾಡಲು ಬಯಸುತ್ತೇನೆ. ಬಾಬರ್ ಇನ್ನೂ ಅನೇಕ ಅದ್ಭುತ ಸಂಗತಿಗಳನ್ನು ಸಾಧಿಸಲು ಮತ್ತು ಉತ್ತಮ ಆಟಗಾರನಾಗಲು ನಾನು ಇಷ್ಟಪಡುತ್ತೇನೆ. ಅವನು ನನ್ನ ಮತ್ತು ನನ್ನ ದಾಖಲೆಯ ಮುಂದೆ ಹೋಗುವುದನ್ನು ನೋಡಲು ನಾನು ಬಯಸುತ್ತೇನೆ ಎಂದು ಹೇಳಿದರು.