Malali Mosque broke News

ಈ ಬಳಿಕ ಮಾತನಾಡಿದ ವಿಶ್ವ ಹಿಂದೂ ಪರಿಷತ್‌ ಮುಖಂಡ ಶರಣ್‌ ಪಂಪ್‌ವೆಲ್‌, "ನಮ್ಮ ಪೂರ್ವಜರು ಇಲ್ಲಿ ದೇವರ ಆರಾಧನೆ ಮಾಡುತ್ತಿದ್ದ ಬಗ್ಗೆ ಸ್ಪಷ್ಟನೆ ದೊರೆತಿದೆ. ಈ ಹಿನ್ನೆಲೆಯಲ್ಲಿ ಮಳಲಿ ಮಸೀದಿಯ ಆಡಳಿತ ಮಂಡಳಿಗೆ, ಅಲ್ಲಿರುವ ಜಾಗ ಬಿಟ್ಟುಕೊಡುವಂತೆ ಮನವಿ ಮಾಡುತ್ತೇವೆ. ಈ ಸಂಬಂಧ ನಾವು ಹೋರಾಟ ಮುಂದುವರೆಸಲಿದ್ದೇವೆ" ಎಂದು ಹೇಳಿದರು. 

ತಾಂಬೂಲ ಪ್ರಶ್ನೆಗೆ ಪ್ರೇರಣಾ ಶಕ್ತಿ ನೀಡುವಂತೆ ದೇವರಲ್ಲಿ ಪ್ರಾರ್ಥನೆ ಮಾಡಿದ ಬಳಿಕ ಕಾರ್ಯ ಆರಂಭಿಸಲಾಗಿದೆ. "ತಿಳಿದು ತಿಳಿಯದೆ ಮಾಡಿದ ತಪ್ಪಿನ ಅರಿವು ಇವತ್ತು ಆಗಬೇಕು. ಇಂದು ಸತ್ಕಾರ್ಯ ಮಾಡುವ ಕಾಲ ಬಂದಿದೆ. ಸತ್ಯದ ನುಡಿ ಇವತ್ತು ದೈವಜ್ಞರ ಬಾಯಲ್ಲಿ ಬರಬೇಕು. ಮಳಲಿಯಲ್ಲಿರುವ ಸಾನಿಧ್ಯ ಯಾವುದು ಎಂಬುದಕ್ಕೆ ಕ್ಷಿಪ್ರ ಉತ್ತರ ಸಿಗಬೇಕು" ಎಂದು ಪ್ರಾರ್ಥನೆ ಸಲ್ಲಿಸಲಾಗಿದೆ.