Covid-19 Effect: ಅಕಾಲಿಕ ಪ್ರೌಢಾವಸ್ಥೆ ಪ್ರಕರಣಗಳಲ್ಲಿ ಭಾರಿ ಹೆಚ್ಚಳ, ಬೆಚ್ಚಿಬಿದ್ದ ವೈದ್ಯಲೋಕ

Precocious Puberty In Girls: ಕೊರೊನಾ ನಂತರದ ಅವಧಿಯಲ್ಲಿ ಪುಟಾಣಿಗಳಲ್ಲಿ ವಯಸ್ಸಿಗೆ ಮುಂಚೆಯೇ ಹಾರ್ಮೋನುಗಳ ಬದಲಾವಣೆ ಕಂಡು ಬರುತ್ತಿದ್ದು. ಇಂತಹ ಹಲವು ಪ್ರಕರಣಗಳು ಮುನ್ನೆಲೆಗೆ ಬಂದ ಕಾರಣ ಇದೀಗ ವೈದ್ಯರೂ ಕೂಡ ಬೆಚ್ಚಿಬಿದ್ದಿದ್ದಾರೆ.

Precocious Puberty In Girls

Corona After Effect: ಕರೋನಾ ನಂತರದ ಅಡ್ಡ ಪರಿಣಾಮಗಳನ್ನು ಜನರು ಇಂದಿಗೂ ಕೂಡ ಅನುಭವಿಸುತ್ತಿದ್ದಾರೆ. ಹೃದಯದಿಂದ ಶ್ವಾಸಕೋಶದವರೆಗೆ, ಕರೋನಾ ಅನೇಕ ಅಂಗಗಳ ಮೇಲೆ ಗಂಭೀರ ಪರಿಣಾಮ ಬೀರಿದೆ. ಕರೋನಾದಿಂದ ಅನೇಕ ರೀತಿಯ ಅಡ್ಡ ಪರಿಣಾಮಗಳು ಇದೀಗ ಮಕ್ಕಳಲ್ಲೂ ಕಂಡುಬರಲಾರಂಭಿಸಿವೆ ಎನ್ನಲಾಗಿದೆ. ಚಿಕ್ಕ ವಯಸ್ಸಿನಲ್ಲಿ, ವಿಶೇಷವಾಗಿ ಪುಟಾಣಿ ಹುಡುಗಿಯರಲ್ಲಿ ಹಾರ್ಮೋನುಗಳು ವೇಗವಾಗಿ ಬದಲಾಗುತ್ತಿವೆ. ಇದನ್ನು ಅಕಾಲಿಕ ಪ್ರೌಢಾವಸ್ಥೆ ಎಂದು ಕರೆಯಲಾಗುತ್ತದೆ. ಇದರಲ್ಲಿ, ವಯಸ್ಕರ ಹಾರ್ಮೋನುಗಳು ಬಾಲಕಿಯರ ದೇಹದಲ್ಲಿ ರೂಪುಗೊಳ್ಳಲು ಪ್ರಾರಂಭಿಸುತ್ತವೆ, ಆದರೆ ವೈದ್ಯಕೀಯವಾಗಿ ಇದು ಬಾಲಕೀಯರ ದೈಹಿಕ ಬದಲಾವಣೆಗೆ ಸರಿಯಾದ ವಯಸ್ಸು ಅಲ್ಲ.

ಕರೋನಾ ನಂತರ ಇಂತಹ ಪ್ರಕರಣಗಳು ಶೇಕಡಾ 30 ರಷ್ಟು ಹೆಚ್ಚಾಗಿವೆ
ರಾಜಧಾನಿ ದೆಹಲಿಯಲ್ಲಿ ಕರೋನಾ ನಂತರ, ಇಂತಹ ಪ್ರಕರಣಗಳಲ್ಲಿ ಗಮನಾರ್ಹ ಏರಿಕೆ ಕಂಡುಬಂದಿದೆ. ಇದರಲ್ಲಿ 5 ರಿಂದ 8 ವರ್ಷ ವಯಸ್ಸಿನ ಪುಟ್ಟ ಬಾಲಕೀಯರಲ್ಲಿ ಅಕಾಲಿಕ ಪಿರಿಯಡ್ಸ್ ಕಾಣಿಸಿಕೊಳ್ಳುತ್ತಿದೆ. ಅಕಾಲಿಕ ಪ್ರೌಢಾವಸ್ಥೆಯ ಪ್ರಕರಣಗಳು ಈ ಮುಂಚೆಯೂ ಕೂಡ ಕಂಡುಬರುತ್ತಿದ್ದವು ಎಂದು ವೈದ್ಯರು ಹೇಳುತ್ತಾರೆ, ಆದರೆ ಕರೋನಾ ಸಾಂಕ್ರಾಮಿಕದಿಂದ, ಇಂತಹ ಪ್ರಕರಣಗಳಲ್ಲಿ ಶೇ.30 ರಷ್ಟು ಏರಿಕೆಯನ್ನು ಗಮನಿಸಲಾಗುತ್ತಿದ್ದು, ಇದು ತುಂಬಾ ಆತಂಕಕಾರಿ ಬೆಳವಣಿಗೆಯಾಗಿದೆ.

ವಿಶ್ವಾದ್ಯಂತ ಅಕಾಲಿಕ ಪ್ರೌಢಾವಸ್ಥೆಯ ಪ್ರಕರಣಗಳಲ್ಲಿ ಹೆಚ್ಚಳ
ಪುಟ್ಟ ಬಾಲಕೀಯರಲ್ಲಿ ಇಂತಹ ದೈಹಿಕ ಬದಲಾವಣೆಗಳ ಪ್ರಕರಣಗಳು ಹೆಚ್ಚುತ್ತಿರುವ ಏಕೈಕ ದೇಶ ಭಾರತವಲ್ಲ, ಆದರೆ ಇಟಲಿಯಿಂದ ಟರ್ಕಿ ಮತ್ತು ಅಮೆರಿಕದವರೆಗೆ, ವಿಶ್ವಾದ್ಯಂತ ಚಿಕ್ಕ ಮಕ್ಕಳ ತಜ್ಞರು ಅಕಾಲಿಕ ಪ್ರೌಢಾವಸ್ಥೆಯ ಪ್ರಕರಣಗಳನ್ನು ವರದಿ ಮಾಡಿದ್ದಾರೆ. ವಾಷಿಂಗ್ಟನ್ ಪೋಸ್ಟ್ ಮತ್ತು ದಿ ಫುಲ್ಲರ್ ಪ್ರಾಜೆಕ್ಟ್‌ನ ಒಂದು ವರದಿಯ ಪ್ರಕಾರ, "ಕೆಲವು ಸಂದರ್ಭಗಳಲ್ಲಿ, 5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಹುಡುಗಿಯರಲ್ಲಿ ಸ್ತನ ಬೆಳವಣಿಗೆ ಸಂಭವಿಸುತ್ತಿದೆ ಮತ್ತು 8 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಹುಡುಗಿಯರಲ್ಲಿ ಪಿರಿಯಡ್ಸ್ ಆರಂಭವಾಗುತ್ತಿದೆ.

ಇದನ್ನೂ ಓದಿ-ಫ್ಲಿಪ್‌ಕಾರ್ಟ್‌ನಲ್ಲಿ 42-ಇಂಚಿನ ಸ್ಮಾರ್ಟ್ ಟಿವಿ ಕೇವಲ 2,499 ರೂ.ಗೆ ಖರೀದಿಸಿ

ಅಕಾಲಿಕ ಪ್ರೌಢಾವಸ್ಥೆಯ ಪರಿಣಾಮಗಳು
>> ಹುಡುಗಿಯರಲ್ಲಿ ಅಕಾಲಿಕ ಪ್ರೌಢಾವಸ್ಥೆಯ ಸಮಸ್ಯೆಯು ಪೋಷಕರು ಮತ್ತು ಹುಡುಗಿಯರ ಮೇಲೆ ಆವರ್ತಕ ಪರಿಣಾಮವನ್ನು ಬೀರುತ್ತದೆ.
>> ಈ ಸಮಯದಲ್ಲಿ, ಹುಡುಗಿಯರಿಗೆ ಅನಗತ್ಯ ಗರ್ಭಧಾರಣೆ ಅರ್ಥವಾಗುವುದಿಲ್ಲ, ಇದು ಅಪಾಯವನ್ನು ಹೆಚ್ಚಿಸುತ್ತದೆ.
>> ಈ ಸಮಯದಲ್ಲಿ, ಹೆಣ್ಣು ಮಗುವಿಗೆ ಗುಡ್ ಟಚ್ ಹಾಗೂ ಬ್ಯಾಡ್ ಟಚ್ ಜೊತೆಗೆ, ಋತುಬಂಧ ಮತ್ತು ಹಾರ್ಮೋನುಗಳ ಬದಲಾವಣೆಯ ಬಗ್ಗೆ ಹೇಳುವುದು ಸಹ ಅಗತ್ಯವಾಗಿದೆ.
>> ಹುಡುಗಿಯರಲ್ಲಿ ಹಾರ್ಮೋನುಗಳ ಬದಲಾವಣೆಯ ನಂತರ, ಹೆಚ್ಚಿನ ಸಂದರ್ಭಗಳಲ್ಲಿ ಬೆಳವಣಿಗೆ ಕುಂಠಿತಗೊಳ್ಳುತ್ತದೆ, ಅದರಲ್ಲಿಯೂ ವಿಶೇಷವಾಗಿ ಅವರ ಎತ್ತರ ಎಂದು ವೈದ್ಯರು ಹೇಳುತ್ತಾರೆ.
>> ಇದು ಹುಡುಗಿಯರ ಎತ್ತರದ ಮೇಲೆ ಪರಿಣಾಮ ಅದು ಬೀರುತ್ತಿದೆ. ಇದರಿಂದ ಪೋಷಕರೂ ಆತಂಕಗೊಂಡಿದ್ದಾರೆ.
>> ಇನ್ನೊಂದೆಡೆ ಅಕಾಲಿಕ ಮುಟ್ಟಿನ ಸಮಸ್ಯೆಯ ಕಾರಣ ಭವಿಷ್ಯದಲ್ಲಿ ಬಾಲಕೀಯರು PCOD ಸಮಸ್ಯೆಗಳಿಗೆ ಒಳಗಾಗುವ ಸಾಧ್ಯತೆಯಿದೆ.
>> ಇದು ಸಂಬಂಧಿಸದಿದ್ದರೂ, ಆರಂಭಿಕ ಸ್ತನ ಬೆಳವಣಿಗೆ ಹೊಂದಿರುವ ಹುಡುಗಿಯರಲ್ಲಿ ದೀರ್ಘಕಾಲದ ಹೆಚ್ಚಿನ ಈಸ್ಟ್ರೊಜೆನ್ ಮಟ್ಟದಿಂದಾಗಿ ಸ್ತನ ಕ್ಯಾನ್ಸರ್ನ ಅಪಾಯ ಎದುರಾಗುತ್ತದೆ.

ಇದನ್ನೂ ಓದಿ-Electric Water Heater: ಚಳಿಗಾಲದಲ್ಲಿ ಬಿಸಿ ನೀರಿಗಾಗಿ ಟ್ಯಾಪ್‌ನೊಂದಿಗೆ ಫಿಟ್ ಮಾಡಿ ಈ ಎಲೆಕ್ಟ್ರಿಕ್ ವಾಟರ್ ಹೀಟರ್

ಹುಡುಗಿಯರಲ್ಲಿ ಅಕಾಲಿಕ ಪ್ರೌಢಾವಸ್ಥೆಗೆ ಕಾರಣಗಳು
ಕೋವಿಡ್ ಸಮಯದಲ್ಲಿ ಜನರು ಮನೆಗಳಲ್ಲಿಯೇ ಇದ್ದರು ಮತ್ತು ಲಾಕ್‌ಡೌನ್‌ನಿಂದಾಗಿ ಮಕ್ಕಳ ದೈಹಿಕ ಚಟುವಟಿಕೆಯ ಮೇಲೆ ಅದು ಅಪಾರ ಪರಿಣಾಮ ಬೀರಿದೆ. ಇಂತಹ ಪರಿಸ್ಥಿತಿಯಲ್ಲಿ ಮಕ್ಕಳ ತೂಕ ಹೆಚ್ಚಾಗತೊಡಗಿದೆ. ವಯಸ್ಸನ್ನು ಓದದ ನಮ್ಮ ಮೆದುಳು ಕೇವಲ ದೈಹಿಕ ಬದಲಾವಣೆಗಳಿಂದಾಗಿ ಬಹಳಷ್ಟು ಬದಲಾವಣೆಗಳನ್ನು ಮಾಡಲು ಆರಂಭಿಸುತ್ತದೆ. ಸರಳವಾಗಿ ಹೇಳುವುದಾದರೆ, ದೇಹದಲ್ಲಿನ ಎಲ್ಲಾ ಹಾರ್ಮೋನ್ ಮಟ್ಟವನ್ನು ನಿರ್ವಹಿಸುವ ಪಿಟ್ಯುಟರಿ ಗ್ರಂಥಿಯು ದೇಹವು ಒಂದು ನಿರ್ದಿಷ್ಟ ತೂಕವನ್ನು ತಲುಪಿದಾಗ ಪ್ರೌಢಾವಸ್ಥೆಯನ್ನು ಪ್ರಚೋದಿಸುತ್ತದೆ. ಇದಕ್ಕೆ ಕಾರಣ ಹಾರ್ಮೋನುಗಳು. ಇದಲ್ಲದೆ, ಸಾಂಕ್ರಾಮಿಕ ಸಮಯದಲ್ಲಿ ಮಕ್ಕಳ ಸ್ಕ್ರೀನ್ ಟೈಮ್ ಗಮನಾರ್ಹವಾಗಿ ಹೆಚ್ಚಾಗಿದೆ. ಇದು ದೇಹದಲ್ಲಿನ ಮೆಲಟೋನಿನ್ ಮಟ್ಟವನ್ನು ಸಹ ಕಡಿಮೆಯಾಗಿದೆ. ಈ ಮಟ್ಟವು ಪಿಟ್ಯುಟರಿ ಗ್ರಂಥಿಯನ್ನು ಸಹ ಪ್ರಚೋದಿಸುತ್ತದೆ.

ಇದನ್ನೂ ನೋಡಿ-