Coronavirus: ಚೀನಾಗೆ ಪ್ರಯಾಣಿಸುವವರಿಗೆ US ಎಚ್ಚರಿಕೆ

Image courtesy: Reuters

ನವದೆಹಲಿ: ಮಾರಣಾಂತಿಕ ಕೊರೊನಾವೈರಸ್ ಏಕಾಏಕಿ ಬೀಜಿಂಗ್ನಲ್ಲಿ ಮೊದಲ ಜೀವವನ್ನು ಬಲಿ ಪಡೆದುಕೊಂಡಿದೆ ಎಂದು ದಿ ಗಾರ್ಡಿಯನ್ ವರದಿ ಹೇಳಿದೆ, ಇದಾದ ಬೆನ್ನಲ್ಲೇ ಯುಎಸ್ ಹೊಸ ಚೀನಾ ಪ್ರಯಾಣ ಎಚ್ಚರಿಕೆ ನೀಡಿದೆ. ಅಧಿಕೃತ ಪ್ರಸಾರ ಸಿಜಿಟಿಎನ್ ಟ್ವೀಟ್ ಅನ್ನು ಲೈವ್ ವರದಿ ಉಲ್ಲೇಖಿಸಿ, "ಚೀನಾದಲ್ಲಿ ಕರೋನವೈರಸ್ ಸಂಬಂಧಿತ ಸೋಂಕುಗಳ ಬಗ್ಗೆ ಪರಿಷ್ಕೃತ ಅಂಕಿಅಂಶಗಳನ್ನು ನಾವು ಪಡೆಯಲು ಪ್ರಾರಂಭಿಸುತ್ತಿದ್ದೇವೆ" ಎಂದು ಅದು ಹೇಳಿದೆ.

ಸಿಜಿಟಿಎನ್ ಟ್ವೀಟ್ ವುಬಾನ್ ನಗರದ ಕೇಂದ್ರಬಿಂದುವಾಗಿರುವ ಹುಬೈ ಪ್ರಾಂತ್ಯದಲ್ಲಿ ಕೊರೊನಾವೈರಸ್ ನಿಂದಾಗಿ 100ಕ್ಕಿಂತ ಹೆಚ್ಚು ಜನರು ಸಾವನ್ನಪಿರುವ ಬಗ್ಗೆ ವರದಿಯಾಗಿದೆ ಮತ್ತು ಪ್ರಾಂತ್ಯದಲ್ಲಿರುವ  ಸುಮಾರು 60 ದಶಲಕ್ಷ ಜನರಲ್ಲಿ ವೈರಸ್ ಹೊಂದಿರುವ 2,714 ಪ್ರಕರಣಗಳು ದೃಢಪಟ್ಟಿದೆ ಎಂದು ವರದಿಗಳು ತಿಳಿಸಿವೆ ಎಂಬುದನ್ನು ಉಲ್ಲೇಖಿಸಿದೆ.

ಏತನ್ಮಧ್ಯೆ, ಪೀಪಲ್ಸ್ ಡೈಲಿ ಚೀನಾ, ಚೀನಾದಲ್ಲಿ ಕೊರೊನಾವೈರಸ್ ಗೆ ತುತ್ತಾಗಿರುವ 4193 ಪ್ರಕರಣಗಳು ದೃಢಪಟ್ಟಿದೆ, 106 ಸಾವುಗಳು ಸಂಭವಿಸಿವೆ ಮತ್ತು 58 ಜನರು ಚೇತರಿಸಿಕೊಂಡಿದ್ದಾರೆ ಎಂದು ಟ್ವೀಟ್ ಮಾಡಿದೆ.

#LATEST on #WuhanPneumonia:
- 4193 cases confirmed in China, 106 deaths, 58 people recovered

Overseas cases:
- Thailand: 8
- Japan: 4
- South Korea: 4
- U.S.: 5
- Vietnam: 2
- Singapore: 5
- Malaysia: 4
- Nepal: 1
- France: 3
- Australia: 5
-Canada: 1
-Germany: 1
-Cambodia：1 pic.twitter.com/WxLhBr9M82

— People's Daily, China (@PDChina) January 28, 2020

ಗಾರ್ಡಿಯನ್ ವರದಿಯು "ಸೋಮವಾರದವರೆಗೆ ಸಾವಿನ ಸಂಖ್ಯೆ 82 ಆಗಿತ್ತು, ಮಂಗಳವಾರ ಆ ಸಂಖ್ಯೆ 106 ಕ್ಕೆ ಏರಿದೆ. ಅಂಕಿಅಂಶಗಳು 23% ನಷ್ಟು ಹೆಚ್ಚಾಗಿದೆ" ಎಂದು ಹೇಳಿದರು. "ಕೊರೊನಾವೈರಸ್ ಗೆ ತುತ್ತಾಗಿರುವವರ ಸಂಖ್ಯೆ 2,887 ರಿಂದ 4,193 ಕ್ಕೆ ಏರಿದೆ. ಇದು 31% ನಷ್ಟು ಹೆಚ್ಚಾಗಿದೆ" ಎಂದು ಅದು ಹೇಳಿದೆ.

ಆದಾಗ್ಯೂ, ಅದರ ನೆರೆಯ ಕೌಬ್ರಿಗಳಲ್ಲಿ ಹೆಚ್ಚುತ್ತಿರುವ ಕೊರೊನಾವೈರಸ್ ಸೋಂಕಿನ ಪ್ರಕರಣಗಳ ನಡುವೆ ಭಾರತ ಸರ್ಕಾರವು ಚೀನಾದ ವುಹಾನ್ ಪ್ರದೇಶದಲ್ಲಿ ವಾಸಿಸುತ್ತಿರುವ ಭಾರತೀಯ ಪ್ರಜೆಗಳನ್ನು "ಸ್ಥಳಾಂತರಿಸುವ" ಯೋಜನೆಯನ್ನು ಸಿದ್ಧಪಡಿಸಲು ಪ್ರಾರಂಭಿಸಿದೆ. 

ವುಹಾನ್ ಮತ್ತು ಚೀನಾದ ಇತರ ಪ್ರದೇಶಗಳಿಂದ ಭಾರತೀಯರನ್ನು ಸ್ಥಳಾಂತರಿಸುವಲ್ಲಿ ವಿದೇಶಾಂಗ ಸಚಿವಾಲಯ (ಎಂಇಎ) ಚೀನಾದ ಅಧಿಕಾರಿಗಳ ಸಹಾಯವನ್ನು ಪಡೆಯಲಿದೆ.

ಕೊರೋನವೈರಸ್ ನಿಂದ ಏಕಾಏಕಿ ಹೆಚ್ಚು ಹಾನಿಗೊಳಗಾದ ವುಹಾನ್ ನಗರ ಮತ್ತು ಹುಬೈ ಪ್ರಾಂತ್ಯದಿಂದ 250 ಕ್ಕೂ ಹೆಚ್ಚು ಭಾರತೀಯರನ್ನು ಸ್ಥಳಾಂತರಿಸುವ ಯೋಜನೆಗಳ ಕುರಿತು ಚರ್ಚಿಸಲು ಭಾರತ ಮತ್ತು ಚೀನಾದ ಅಧಿಕಾರಿಗಳು ಸೋಮವಾರ ಸಭೆ ಸೇರಿದ್ದಾರೆ ಎಂದು ಪಿಟಿಐ ವರದಿ ತಿಳಿಸಿದೆ.