நடிகை ஆலியா பட் - ரன்பீர் கபூர் இணையருக்கு விரைவில் குழந்தை பிறக்க உள்ளது. இந்நிலையில், ஆலியா பட்டிற்கு வளைகாப்பு நிகழ்வு இன்று மும்பையில் உள்ள அவரது வீட்டில் எளிய முறையில் நடந்தது. நிகழ்வில் எடுக்கப்பட்ட புகைப்படங்களை நடிகை ஆலியோ பட் தனது இன்ஸ்டாகிராம் பக்கத்தில் பகிர்ந்துள்ளார்.
ஆலியா பட் - ரன்பீர் கபூர் ஜோடி இந்தாண்டு ஏப்.14ஆம் தேதி திருமணம் செய்துகொண்டனர். ஆலியாவின் வயது 29, ரன்பீரின் 40.
இவர்களின் திருமணம் மும்பையில் பிரம்மாண்டமாக நடைபெற்றது.
ஆலியா பட் தான் கர்ப்பமடைந்து இருப்பதாக கடந்த ஜூன் மாதம் அறிவித்தார்.
ரன்பீர் - ஆலியோ, சமீபத்தில் வெளியான 'பிரம்மாஸ்திரா' திரைப்படத்தில்தான், முதல்முறையாக ஜோடியாக நடித்திருந்தனர்.
அதற்கு முன்பு, 2016ஆம் ஆண்டு வெளியான 'ஏ தில் ஹை முஷ்கில்' ரன்பீருக்கு ஜோடியாக அனுஷ்கா சர்மா நடித்திருந்தார். அதில், ஆலியா வேறு கதாபாத்திரத்தில் நடித்திருந்தார்
இந்த ஜோடிக்கு வரும் அக்.28ஆம் தேதி குழந்தை பிறக்கும் என மருத்துவர்கள் தேதி குறித்துள்ளதாக தகவல் வெளியாகி உள்ளது.
