GVM Net Worth: இயக்குனர் கௌதம் வாசுதேவ் மேனன் சமீபத்தில் தனது 51வது பிறந்தநாளை கொண்டாடினார். மார்ச் 1ம் தேதி ஜோஸ்வா படம் வெளியாக உள்ளது.
இயக்குனர் கௌதம் வாசுதேவ் மேனன் காதல் படங்கள் எடுப்பதில் புகழ் பெற்றவர். தமிழ் சினிமாவில் முன்னணி இயக்குனர்களில் ஒருவராக இருந்து வருகிறார்.
மின்சார கனவு படத்தில் உதவி இயக்குனராக பணியாற்றிய கௌதம் மேனன் மின்னலே படத்தின் மூலம் இயக்குனராக அறிமுகமானார். இந்த படத்தில் மாதவன், ரீமா சென் ஆகியோர் நடித்து இருந்தனர்.
இந்த படத்திற்கு பிறகு காக்க காக்க, வேட்டையாடு விளையாடு, வாரணம் ஆயிரம் என தொடர்ந்து ஹிட் படங்களை கொடுத்து வந்தார். பின்பு, சிம்பு மற்றும் த்ரிஷாவை வைத்து விண்ணைத்தாண்டி வருவாயா படத்தை எடுத்தார். இது ஒரு ட்ரெண்டு செட்டராக மாறியது.
கவுதம் மேனன் இயக்கத்தில் ஒரு படத்திலாவது நடிக்க வேண்டும் என்று பலருக்கும் ஆசை உள்ளது. இவரது இயக்கத்தில் உருவாகி நீண்ட நாட்களாக வெளிவராமல் இருக்கும் துருவ நட்சத்திரம் விரைவில் வெளியாக உள்ளது.
தற்போது படங்களில் நடித்தும் வருகிறார் கவுதம் மேனன். சென்னை, கேரளா என நிறைய இடங்களில் இவருக்கு சொத்து உள்ளது. கிட்டத்தட்ட 30 கோடிக்கும் மேல் சொத்து இருக்கும் என்று கூறப்படுகிறது.
