Home remedies for cold cough: குளிர்காலத்தில், வாழ்க்கை முறை முதல் உணவு வரை மிகவும் கவனமாக இருக்க வேண்டும். சளியும் இருமலும் வந்துவிட்டால் நாம் படும் பாடு கொஞ்ச நஞ்சமல்ல. சளி, இருமல் வந்துவிட்டால், அதிலிருந்து இயற்கையான வழிமுறைகளைப் பயன்படுத்தியே மீண்டுவிடலாம். எப்படி என்று பார்ப்போம்.
உப்புநீரில் வாயைக் கொப்பளித்தல்: வெதுவெதுப்பான உப்புநீரில் வாய் கொப்பளிக்க வேண்டும். இது தொண்டையில் ஏற்பட்ட வீக்கத்தைக் குறைக்கும், தொண்டை உறுத்தலை நீக்கும், சளியையும் குறைக்கும்.
இஞ்சி: வறண்ட இருமலை இஞ்சி நீக்கக்கூடியது. உப்பு கலந்த இஞ்சியை சில நிமிடங்களுக்கு நன்கு மெல்லவும் இவை சளி, இருமலுக்கு நல்ல பலன் கிடைக்கும்.
கருமிளகு டீ: கருமிளகு இருமல், சளிக்கு மிக நல்ல மருந்து. கருமிளகு டீ குடிப்பது தொண்டைவலியைக் குறைக்கும்.
பால் மற்றும் மஞ்சள்: சூடான பாலில் மஞ்சள் சேர்த்துப் பருகுவது சளியைப் போக்கும். பால் மற்றும் மஞ்சளில் நம் உடலுக்கு நன்மை செய்யக்கூடிய பல பொருட்கள் உள்ளன. குழந்தைகள், பெரியவர்கள் என அனைவருக்கும் ஏற்றது மஞ்சள் பால்.
எலுமிச்சை சிரப்: ஒரு வாணலியில் தேனை ஊற்றி, அதன் அடர்த்தி குறைகிற வரை சூடாக்கவும். இதனுடன் சிறிது எலுமிச்சைச் சாறு, லவங்கப்பட்டை சேர்த்துப் பயன்படுத்திவர சளி குறையும்.
