இந்த தீபாவளியில் குறைந்த விலையில் கார் வாங்க திட்டமிட்டுள்ளீர்களா? அப்படியென்றால், இந்த செய்தி உங்களுக்கானது. இந்தியாவின் மிகப்பெரிய மொபிலிட்டி தளமான ஓலா (OLA), வாடிக்கையாளர்களுக்காக ஒரு சிறப்பு சலுகையை வழங்குகிறது. ஓலா நிறுவனம் இந்தியாவின் மிகப் பெரிய 'ப்ரீ ஓண்ட் கார் திருவிழாவை' அறிவித்துள்ளது.
இந்த கார் திருவிழாவில் கார் வாங்கினால் ரூ.1 லட்சம் வரை தள்ளுபடி வழங்கப்படும் என அந்நிறுவனம் தெரிவித்துள்ளது. தள்ளுபடியுடன், 2 ஆண்டுகளுக்கு உங்கள் காருக்கான இலவச சர்வீசிங், 12 மாத வாரண்டி மற்றும் 7 நாட்களுக்கான ரிட்டர்ன் பாலிசி போன்ற பல சலுகைகளும் வழங்கப்படுகின்றன.
ஓலா கார்ஸ் சிஇஓ அருண் சர்தேஷ்முக் கூறுகையில், “இந்த தீபாவளிக்கு ஓலா கார்ஸ் பல சிறந்த மற்றும் அற்புதமான சலுகைகளை வழங்குகிறது. புதிய வாகனம் வாங்கும் அனுபவத்தை விட சிறந்த அனுபவத்தை எங்கள் வாடிக்கையாளர்களுக்கு வழங்குவோம். இதற்காக அவர்கள் எங்கும் செல்ல வேண்டியதில்லை. இந்த வசதிகள் அனைத்தும் வீட்டில் இருந்தபடியே அவர்களுக்கு கிடைக்கும் என்பதுதான் இதன் சிறப்பு. இதன் கீழ், ஓலா கார்கள் தளத்தில் 2000-க்கும் மேற்பட்ட சிறந்த சலுகைகள் வழங்கப்படுகின்றன.” என்றார்.
ஓலா செயலி மூலம் புதிய மற்றும் பயன்படுத்திய வாகனங்களை வாங்கலாம். வாகனம் வாங்குவதில் இருந்து, நிதியுதவி, பதிவு, காப்பீடு, பராமரிப்பு மற்றும் கார் சேவை போன்ற சேவைகளும் இங்கு வழங்கப்படுகின்றன. இது மட்டுமின்றி, வாடிக்கையாளர்கள் விரும்பினால், தங்கள் வாகனத்தை மீண்டும் ஓலா கார்களுக்கு மறுவிற்பனை செய்யலாம். அதாவது, இனி வாடிக்கையாளர்களுக்கு கார் வாங்கவோ விற்கவோ டென்ஷன் இல்லை. எந்தவொரு தொந்தரவும் இல்லாமல் தங்கள் கார்களை வாங்க, விற்க மற்றும் பராமரிக்க விரும்பும் வாடிக்கையாளர்களுக்கு இது ஒரு ஒன் ஸ்டாப் ஷாப்பாக இருக்கும்.
இந்த மாதத்தில் ஓலா கார்கள் 5,000 வாகனங்களை விற்பனை செய்துள்ளதாக அந்நிறுவனம் தெரிவித்துள்ளது. அதாவது ஓலா விற்பனை செய்யும் கார்கள் மீது மக்களுக்கு ஈர்ப்பு உள்ளது. ஓலா கார்ஸ் நிறுவனம் 300 மையங்களுடன் 100 நகரங்களில் தனது வணிகத்தை விரிவுபடுத்துவதாக அறிவித்துள்ளது. இதுமட்டுமின்றி இந்த கார் திருவிழாவில் கார் வாங்கினால் ரூ.1 லட்சம் வரை தள்ளுபடி வழங்கப்படும் என அந்நிறுவனம் கூறியுள்ளது. இதனுடன், 2 ஆண்டுகளுக்கு உங்கள் காரின் இலவச சேவை, 12 மாத வாரண்டி, 7 நாட்களுக்கான ரிட்டர்ன் பாலிசி போன்ற பல சலுகைகளும் வழங்கப்பட்டு வருகின்றன.
பழைய கார்கள் அதாவது செகண்ட் ஹேண்ட் கார்கள் 'ப்ரீ ஓன்ட் கார்' கார்கள் என்று அழைக்கப்படுகின்றன. அதாவது, முன்பு ஒருமுறை வாங்கப்பட்ட கார்கள் இப்போது மீண்டும் விற்கப்படுகின்றன. நாட்டில் ப்ரீ-ஓண்ட் கார்களுக்கான சந்தை சில காலமாக மிக வேகமாக வளர்ந்து வருகிறது. இங்கு மக்களுக்கு நல்ல தரமுள்ள கார்கள் மலிவான விலையில் கிடைக்கின்றன.
