OTT Releases This week: ஹாலிவுட் முதல் கோலிவுட் வரை வெளியான சில முக்கிய படங்கள் ஓடிடியில் வெளிவந்துள்ளன. அவற்றை எந்த தளத்தில் எப்படி பார்ப்பது?
திரையரங்குகளில் ரிலீஸாகும் படங்களை விட ஓடிடி தளங்களில் அதிக படங்கள் ரிலீஸாகி வருகின்றன. இந்தியாவில் நெட்ஃப்ளிக்ஸ், ஹாட்ஸ்டார், அமேசான் ப்ரைம் உள்ளிட்ட பல தளங்கள் இருக்கின்றன. இவற்றில் புது படைப்புகளும் வெளியாகி வருகின்றன.
இந்த வாரம், ஓடிடியில் பல படங்கள் வெளிவர இருக்கின்றன. குய்கோ, பார்பி என உள்ளூர் முதல் வெளியூர் வரை வெளியான பல படங்கள் ஓடிடியில் வெளியாகின்றன.
சிவராஜ் குமார் நடிப்பில் வெளியான கோஸ்ட் படம் ரசிகர்கள் மத்தியில் நல்ல வரவேற்பினை பெற்றது. ஆக்ஷன் த்ரில்லராக உருவான இந்த படத்தை ஆஹா தமிழ் தளத்தில் தமிழ் டப்பிங்கில் காணலாம்.
உலகம் முழுவதும் பல லட்சம் ரசிகர்களை ஈர்த்த படம் பார்பி. மார்கோட் ராபி நடித்திருந்த இந்த படத்தை ஜியோ சினிமா தளத்தில் காணலாம்.
வைஷ்ணவா தேஜ், ஸ்ரீலீலா ஆகியோரின் நடிப்பில் வெளியான படம், ஆதிகேசவா. இந்த படத்தை நெட்ஃப்ளிக்ஸ் தளத்தில் காணலாம்.
சையின்ஸ் ஃபிக்ஷன் பாணியில் உருவான ரெபல் மூன் பாகம் 1 படத்தை நெட்ஃப்ளிக்ஸ் தளத்தில் காணலாம்.
யோகி பாபு, விக்ராந்த் நடிப்பில் வெளியான குய்கோ படத்தை நெட்ஃப்ளிக்ஸ் தளத்தில் காணலாம்.
