ஐபிஎல் அல்லாத புதிய கிரிக்கெட் தொடரில் தோனி?

மும்பை இந்தியன்ஸ் உரிமையாளர்களான ரிலையன்ஸ் இண்டஸ்ட்ரீஸ் ஏற்கனவே தென்னாப்பிரிக்காவின் டி20 லீக்கில் தங்கள் உரிமையின் பெயரை அறிவித்து, அதற்கு ‘எம்ஐ கேப் டவுன்’ என்று பெயரிட்டுள்ளது. ஜோகன்னஸ்பர்க் உரிமையை வாங்கிய சென்னை சூப்பர் கிங்ஸ் உரிமையாளர்களும் இந்த வாரம் புதிய அணியின் பெயரை அறிவிக்க உள்ளனர்.  மிக முக்கியமாக, சிஎஸ்கேயின் பயிற்சியாளர் ஸ்டீபன் பிளெமிங் மற்றும் கேப்டன் எம்எஸ் தோனி ஆகியோர் புதிய அணியை இயக்குவதில் ஈடுபடுவார்கள் என்று எதிர்பார்க்கப்படுகிறது. அணியின் அதிகாரப்பூர்வ பெயர் வரும் நாட்களில் அறிவிக்கப்படும் என்று சிஎஸ்கே வட்டாரங்கள் தெரிவிக்கின்றன.  

இருப்பினும், அணியின் பெயர் அதிகாரப்பூர்வமாக வெளியிடப்பட்ட பிறகுதான், பயிற்சியாளர்கள், துணை ஊழியர்கள் மற்றும் மற்ற உறுப்பினர்களை பற்றிய விவரம் தெரியவரும்.  “இந்த வாரத்தில் அதிகாரப்பூர்வ பெயர் உங்களுக்குத் தெரியும். ஒரு புதிய முயற்சியில் CSK-ஐ முன்னெடுத்துச் செல்லும் வாய்ப்பு கிடைத்து உள்ளது.  ஸ்டீபன் ஃப்ளெமிங் உடன் நாங்கள் தற்போது பேச்சுவார்த்தை நடத்தி வருகிறோம். இந்த தொடரில் தோனி பங்கேற்க பிசிசிஐயின் அனுமதி பெற வேண்டும். பிசிசிஐ அனுமதித்தால் ஏதாவது ஒரு பொறுப்பில் தோனி இருக்கலாம், ”என்று சிஎஸ்கே அதிகாரி கூறினார்.

கிரிக்கெட் தென்னாப்பிரிக்கா டி20 லீக்கில் அணியை சென்னை சூப்பர் கிங்ஸ் வாங்கிய பிறகு, அதன் பின்னணி வேலைகள் முழு வீச்சில் நடைபெற்று வருகின்றன. ஸ்டீபன் பிளெமிங் பயிற்சியாளராகவும், எம்எஸ் தோனி வழிகாட்டியாகவும் இருக்கும் அணி ‘ஜோகன்னஸ்பர்க் சூப்பர் கிங்ஸ்’ என்று அழைக்கப்படும் என்றும் செய்திகள் வெளிவர தொடங்கி உள்ளன.  சிஎஸ்கே தவிர, மும்பை இந்தியன்ஸ் உட்பட மற்ற ஐபிஎல் அணிகளின் உரிமையாளர்கள் மற்ற அணிகளுக்கான ஏலத்தை வென்றனர். CSK உரிமையானது ஜோகன்னஸ்பர்க் உரிமையை அதிக விலை கொடுத்து ஏலத்தில் பெற முடிந்தது என்பது குறிப்பிடத்தக்கது.

என்ஓசிக்கான உள்நாட்டு கிரிக்கெட்டில் ஒப்பந்தம் இல்லாத வீரர்கள் அல்லது தங்கள் மாநிலங்களின் இடம்பெறாத வீரர்களை மட்டுமே வெளிநாட்டு டி20 லீக்குகளுக்கு அனுமதிப்பது குறித்து பிசிசிஐ பரிசீலித்து வருகிறது. அது நடந்தால், பல கிரிக்கெட் வீரர்கள் வெளிநாட்டு லீக்குகளில் விளையாடத் தயாராகிவிடுவார்கள். இது குறித்து செப்டம்பர் மாதம் நடைபெறும் பிசிசிஐ ஏஜிஎம்மில் முடிவு எடுக்கப்படும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ