Ali with CM YS Jagan: సినీ నటుడు ఆలీ తన ఫ్యామిలీతో కలిసి తాజాగా ఏపీ సీఎం జగన్‌ను కలిశారు. తాడేపల్లిలోని సీఎం క్యాంపు ఆఫీస్‌లో జగన్‌తో ఆయన భేటీ అయ్యారు. అనంతరం పలు విషయాలపై ఆలీ మీడియాతో మాట్లాడారు. 


COMMERCIAL BREAK
SCROLL TO CONTINUE READING

తాను సీఎంను మర్యాదపూర్వకంగానే కలిశానంటూ ఆలీ చెప్పుకొచ్చారు. సీఎం ఆఫీస్‌ నుండి పిలుపు రావడంతో కుటుంబ సమేతంగా తాను వచ్చి సీఎం జగన్‌ను కలిశానన్నారు. తనకు పదవి ఇస్తేనే వైఎస్సార్సీపీలోకి వచ్చి పని చేస్తానని తాను ఎప్పుడూ అనలేదని ఆలీ అన్నారు. పదవి రాలేదనే అసంతృప్తి తనకు లేదని స్పష్టం చేశారు. 



 


ఇక ఇటీవల సినీ ప్రముఖుల్ని సీఎం జగన్ పిలిచి అవమానించారని వస్తోన్న వార్తలన్నీ కూడా అవాస్తవని ఆలీ కొట్టిపారేశారు. సీఎం జగన్ చిరంజీవిని అవమానించారని వస్తోన్న వార్తలు సరైనవి కావంటూ ఆలీ వెల్లడించారు. సినీ ప్రముఖులందరికి ఎంతో గౌరవం ఇచ్చి సీఎం జగన్ లోపలికి తీసుకెళ్లారన్నారు. ఈ అంశంపై కొందరు వారికి ఇష్టం వచ్చినట్లుగా రాసుకున్నారని ఆలీ అన్నారు. ఇక దాన్ని అంతటితో వదిలేయాలంటూ సూచించారు.



ఇక తనకు పదవి వచ్చినా రాకున్నా రాజకీయాల్లో కొనసాగుతానని ఆలీ క్లారిటీ ఇచ్చారు. కాగా రెండు వారాల్లో గుడ్ న్యూస్ వస్తుందని ఆలీ తెలిపారు. తాను పర్సనల్‌గా సీఎం జగన్‌ను కలిశానని.. తన పెళ్లి రోజు సందర్భంగదా సీఎం జగన్‌ ఆశీర్వాదం తీసుకున్నామని చెప్పారు.


Also Read: Deep Sidhu Death: రోడ్డు ప్రమాదంలో నటుడు దుర్మరణం.. ఎర్రకోట హింస కేసులో నిందితుడు!


Also Read: Bheemla Nayak: పవర్​ స్టార్ ఫ్యాన్స్​కు గుడ్​ న్యూస్​- భీమ్లా నాయక్ వచ్చేస్తున్నాడు!


స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.


Android Link - https://bit.ly/3hDyh4G


Apple Link - https://apple.co/3loQYe 


Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి