ఆంధ్రప్రదేశ్  ప్రభుత్వ ఉద్యోగులకు ( Ap Government Employs ) ఇది నిజంగా శుభవార్తే. పెండింగులో ఉన్న మూడు డిఏల చెల్లింపుకు ముఖ్యమంత్రి వైఎస్ జగన్ ( Ap cm ys jagan ) గ్రీన్ సిగ్నల్ ఇచ్చారు. కరోనా కష్టకాలంలో డీఏ చెల్లింపుకు అంగీకరించడంతో ఉద్యోగులు హర్షం వ్యక్తం చేస్తున్నారు.


COMMERCIAL BREAK
SCROLL TO CONTINUE READING


కరోనా వైరస్ ( Coronavirus ) కారణంగా ఏర్పడిన లాక్డౌన్ ( Lockdown ) నేపధ్యంలో  అన్ని రంగాలు స్థంబించాయి. అన్ని రంగాల్లో ఆర్ధిక పరిస్థితి క్షీణించింది. ప్రైవేటు, ప్రభుత్వ రంగాల్లో సైతం జీతాల్లో కోత పడింది. ఈ నేపధ్యంలో ఏపీ ప్రభుత్వం మాత్రం ప్రభుత్వ ఉద్యోగులకు శుభవార్త అందించింది. 2018 నుంచి పెండింగ్‌లో ఉన్న మూడు డీఏ ( కరువు భత్యం ) ల చెల్లింపుకు ముఖ్యమంత్రి  వైెఎస్ జగన్ గ్రీన్‌ సిగ్నల్ ఇచ్చారు. ఏ డీఏ ఎప్పుడు చెల్లించనున్నారనే విషయంపై ప్రభుత్వం కార్యాచరణను ప్రకటించింది. 2018 జూలై మొదటి డీఏను 2021 జనవరి జీతాలతో, 2019 జనవరి డీఏను జూలై జీతాలతో, 2019 జూలై డీఏను 2022 జనవరి జీతాలతోనూ చెల్లించే  విధంగా ఏపీ ప్రభుత్వం ( Ap Government ) ఆదేశాలు జారీ చేసింది. 


తొలి డీఏ చెల్లింపు ద్వారా ప్రభుత్వ ఖజానాపై 1 వేయి 35 కోట్ల అదనపు భారం, రెండో డీఏ ద్వారా 2 వేల 74 కోట్ల అదనపు భారం, మూడవ డీఏ చెల్లింపు ద్వారా 3 వేల 802 కోట్ల భారం ఉండనుంది. మొదటి డీఏను మూడు వాయిదాల్లో జమ చేయాలని ఆదేశించారు. ముఖ్యమంత్రి వైఎస్ జగన్ నిర్ణయంతో 4 లక్షల 49 వేల ప్రభుత్వ ఉద్యోగులు, 3 లక్షల 57 వేల పెన్షనర్లకు ప్రయోజనం కలగనుంది. 


పెండింగు డీఏల చెల్లింపులు ఆమోదం తెలపడమే కాకుండా ఏది ఎప్పుడు చెల్లించనున్నారో కార్యాచరణ వెలువరించడంపై ప్రభుత్వ ఉద్యోగ సంఘాలు హర్షం వ్యక్తం చేస్తున్నాయి. Also read: Andhra Pradesh: స్థానిక సంస్థల ఎన్నికలు ఇప్పట్లో కష్టమే: మంత్రి గౌతమ్ రెడ్డి