ఆ కళాశాలలు ఫీజులు వెనక్కి ఇవ్వకపోతే గుర్తింపు రద్దుతో పాటు కఠిన చర్యలు

AP Government: ఆంధ్రప్రదేశ్‌లోని ప్రైవేట్ జూనియర్ కళాశాలలపై ఏపీ ప్రభుత్వం ఆగ్రహం వ్యక్తం చేసింది. నిబంధనలకు విరుద్ధంగా అడ్మిషన్లు చేపట్టడంపై చర్యలు తప్పవని హెచ్చరించింది.

ఏపీలోని కొన్ని ప్రైవేట్ జూనియర్ కళాశాలల్లో ఇంటర్ అడ్మిషన్లు(Intermediate Admissions) ప్రారంభమైపోయాయి. 2021-22 విద్యాసంవత్సరానికి సంబంధించి అనధికారికంగా అంటే ప్రభుత్వం నోటిఫికేషన్ ఇవ్వకుండానే అడ్మిషన్ల ప్రక్రియ ప్రారంభించేశాయి. ఈ అంశంపై ప్రభుత్వం (Ap government)ఆగ్రహం వ్యక్తం చేసింది. అనధికారికంగా చేపట్టిన అడ్మిషన్లను ఎట్టి పరిస్థితుల్లోనూ అనుమతించమని ఇంటర్ బోర్డు స్పష్టం చేసింది. ఈ విద్యా సంవత్సరానికి సంబంధించి ఆడ్మిషన్లు ఆన్‌లైన్లో నిర్వహిస్తున్నట్టు వెల్లడించింది. నోటిఫికేషన్ అధికారికంగా ప్రభుత్వం నుంచి వెలువడకుండా ఆన్‌లైన్ అడ్మిషన్ల ప్రక్రియ ప్రారంభించడంపై ప్రభుత్వానికి ఫిర్యాదులు వచ్చాయి. ముఖ్యమంగా కొంతమంది విద్యార్ధులైతే అడ్మిషన్ తీసుకుని..ఫీజులు కూడా చెల్లించినట్టు సమాచారముంది. ఈ అడ్మిషన్లు చెల్లుబాటు కావని..ఫీజుల్ని తిరిగి ఇచ్చేయాలని ప్రభుత్వం స్పష్టం చేసింది. లేకపోతే ఆ కళాశాలల గుర్తింపు రద్దు సహా..నిబంధనల మేరకు చర్యలు తప్పవని ఇంటర్ బోర్డు హెచ్చరించింది. 

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G

Apple Link - https://apple.co/3loQYe